មកពី​លេង​បងប្អូន ជិះ​ម៉ូតូ​ត្រឡប់ទៅផ្ទះ ត្រូវ​បុក​ជាមួយ​រ៉ឺម៉ក​អស់​សាំង របួសធ្ងន់​ស្រាល ៣ នាក់​

, , Leave a comment

​ខេត្តបន្ទាយមានជ័យ ៖ យ៉ាងហោចណាស់​មនុស្ស​ប្រុស​ស្រី ៣ នាក់ បាន​រងរបួស​ធ្ងន់​ស្រាល​ក្នុង​ហេតុការណ៍​គ្រោះថ្នាក់​ចរាចរណ៍​មួយ ខណៈដែល​វិល​ត្រលប់​ពី​លេង​ផ្ទះ​ជីដូន​នៅ​សង្កាត់​និ​មិ​ត្ត​ ។ ហេតុការណ៍​គ្រោះថ្នាក់​ចរាចរណ៍​មួយ​នេះ​បាន​កើតឡើង កាលពី​វេលា​ម៉ោង ៦ និង ៣០​នាទី ល្ងាច​ថ្ងៃទី​០៤ វិច្ឆិកា ២០១៣ នៅ​សង្កាត់​ផ្សារកណ្ដាល ក្រុង​ប៉ោយប៉ែត ខេត្តបន្ទាយមានជ័យ ។​

05-11-2013 

​ប្រភពពី​កន្លែងកើតហេតុ​បាន​ឲ្យ​ដឹងថា  ភាគី​ជនរងគ្រោះ​ទើប​មកពី​លេង​ផ្ទះ​ជីដូន​នៅឯ​ភូមិ​និមិត្ត​២ សង្កាត់​និមិត្ត ដោយ​ជិះ​ម៉ូតូ​ម៉ាក​ស៊ុយ​ស្សុ​គី​ស្មាស់ សេរី​ឆ្នាំ​២០១២ ពណ៌​ខ្មៅ​គ្មាន​ស្លាក​លេខ បើកបរ​ដោយ​ឈ្មោះ រឿន គឹម​លី ភេទ​ប្រុស អាយុ ២៥​ឆ្នាំ មាន​ទីលំនៅ​ភូមិ​មិត្តភាព សង្កាត់​ប៉ោយប៉ែត និង​មាន​អ្នករួមដំណើរ ២​នាក់​ទៀត ជា​ប្អូនស្រី​ឈ្មោះ រឿន គឹម​លាភ អាយុ ១៤​ឆ្នាំ និង​ប្អូនប្រុស​ម្នាក់ទៀត​ឈ្មោះ រឿន លី​ហូ​វ អាយុ​ជាង ២​ឆ្នាំ​។​

 

​ចំណែក​ភាគី​រ៉ឺម៉ក​ម៉ូតូ​និយាយថា ភាគី​គេ​មាន​គ្នា ៤ នាក់ ជា​កម្មករ​ទើប​មកពី​រៀប​ពិ​ដាន​ផ្ទះ​ឲ្យ​គេ​នៅ​ភូមិ​អណ្ដូង​ថ្ម​មាស សង្កាត់​កើតហេតុ បើកបរ​ដោយ​ឈ្មោះ មុំ នួន ភេទ​ប្រុស អាយុ ២៨​ឆ្នាំ មាន​ទីលំនៅ​ភូមិ​មិត្តភាព ជាមួយ​ជនរងគ្រោះ​។ ដោយឡែក​ម៉ូតូ​អស់​សាំង ហើយ​ឲ្យ​អ្នករួមដំណើរ​ឈរ​ពីក្រោយ​ចុច​ទូរស័ព្ទ​ជាស​ញ្ញា ក៏ត្រូវ​ម៉ូតូ​ជនរងគ្រោះ​បោះពួយ​ពី​ទិសខាងកើត​ស្រប​ទិស​បុក​តែម្ដង​។​

05-11-2013 (1)

ក្រោយ​កើតហេតុ ជនរងគ្រោះ​ត្រូវបាន​នគរបាល​ចរាច​រ​ក្រុង ទំនាក់ទំនង​រថយន្ត​សង្គ្រោះ​របស់​មន្ទីរពេទ្យបង្អែក​ក្រុង​ប៉ោយប៉ែត មក​ដឹក​យកទៅ​ព្យាបាល ចំណែក​ម៉ូតូ​ជនរងគ្រោះ និង​រ៉ឺម៉ក​ម៉ូតូ ត្រូវ​នគរបាល​ចរាច​រ​នាំយកទៅ​រក្សាទុក​នៅ​អធិការនគរបាល​ក្រុង ដើម្បី​ធ្វើការ​ដោះស្រាយ​៕

 

Leave a Reply

(*) Required, Your email will not be published