ឃាត់​មេខ្យល់​ជួញដូរ​មនុស្ស ក្រោមរូបភាព​ទៅ​រៀប​អាពាហ៍ពិពាហ៍​នៅក្រៅ​ប្រទេស​

, , Leave a comment

​រាជធានី​ភ្នំពេញ ៖ មេខ្យល់ ៣ នាក់​ត្រូវបាន​សមត្ថកិច្ច​ធ្វើការ​ឃាត់ខ្លួន ខណៈដែល​ជន​ទាំងនេះ បានធ្វើ​សកម្មភាព​នាំ​នារី​រងគ្រោះ​ទៅ​ប្រទេស​ចិន​ក្នុង​រូបភាព​រៀបការ​ជា​ជនបរទេស ។ កា​រ​ឃា​ត់​ខ្លួន​នេះ​ធ្វើឡើង​កាលពី​វេលា​ម៉ោង​១២​និង​១០​នាទី​ថ្ងៃត្រង់ ថ្ងៃទី​០៣ ខែវិច្ឆិកា ឆ្នាំ​២០១៣ នៅ​ព្រលានយន្តហោះ​អន្តរជាតិ​ភ្នំពេញ ។​

 

​ជនសង្ស័យ​ដែល​ត្រូវ​ឃាត់ខ្លួន​មានឈ្មោះ  ១-​ឈ្មោះ ម៉ក់ ហ៊ាង​រិទ្ធី ហៅ​ឡូ​វ ភេទ​ប្រុស អាយុ​៣១​ឆ្នាំ មាន​ទីលំនៅ​ភូមិ​កំពង់អំពិល ឃុំ​កំពង់អំពិល ខេត្តព្រៃវែង​, ២-​ឈ្មោះ តាំង សារឿន ហៅ​ធី ភេទ​ស្រី អាយុ​៤៦​ឆ្នាំ មាន​ទីលំនៅ​ភូមិ​-​ឃុំ​តា​អុង ស្រុក​ចំការលើ ខេត្តកំពង់ចាម និង​៣-​ឈ្មោះ អ៊ី ឡៅ ហៅ​ឡោ ភេទ​ស្រី អាយុ​៦៥​ឆ្នាំ ជា​កសិករ មាន​ទីលំនៅ ភូមិ​ថ្នល់បំបែក ស្រុក​ចំការលើ ខេត្តកំពង់ចាម ។ ចំណែក​នារី​រងគ្រោះ​ដែល​មេខ្យល់​ខាងលើ​បម្រុង​នាំយកទៅ​លក់​ឱ្យ​បុរស​នៅ​ប្រទេស​ចិន​នោះ​១- ឈ្មោះ ស្រ៊ា​ន ណាវី អាយុ ១៧​ឆ្នាំ ស្នាក់នៅ​ផ្ទះជួល​តាម​បណ្តោយ​ផ្លូវ​វេ​ង​ស្រេង ក្នុង​សង្កាត់​ចោមចៅ ខណ្ឌ​ពោធិ៍​សែន​ជ័យ​, ២-​ឈ្មោះ សុខ ស្រី​តុញ អាយុ ២៥​ឆ្នាំ  ៣-​ឈ្មោះ សុខ ស្រីមុំ អាយុ ២៦​ឆ្នាំ ទាំង​២ ស្នាក់នៅ​ផ្ទះជួល​ក្នុង​សង្កាត់​ទឹកថ្លា ខណ្ឌ​សែន​សុខ អ្នក​ទាំងបី​ជា​កម្មការិនី​កាត់ដេរ និង​៤-​ឈ្មោះ ឆាត ថា​ត អាយុ ១៨​ឆ្នាំ រស់នៅ​ភូមិ​-​ឃុំ​តា​អុង ស្រុក​ចំការលើ ខេត្តកំពង់ចាម​, ។​

04-11-2013

​បច្ចុប្បន្ន​ជនសង្ស័យ​ទាំង ៣ ត្រូវបាន​កម្លាំង​សមត្ថកិច្ច​ការិយាល័យ​ប្រឆាំង​ការជួញដូរ​មនុស្ស និង​ការពារ​អនីតិជន កសាង​សំណុំរឿង​ទៅកាន់​សាលាដំបូង​រាជធានី​ភ្នំពេញ ដើម្បី​ចាត់ការ​បន្ត​តាមផ្លូវ​ច្បាប់​៕

 

Leave a Reply

(*) Required, Your email will not be published