លោក​ស័ក្តិ​ ៤ ណុប សារ៉ាក់ ​អ​​ធិកា​រ​ន​គ​រ​បា​ល​ស្រុ​ក​​វ៉ារិន​​ រ​ង​​​កា​រ​ចោ​ទ​ប្រកាន់ដោះលែង​ឡាន​ដឹកឈើ​គ្រញូង ជា​ថ្នូរ​នឹង​ការ​បង់លុយ ២៥០០​ដុល្លា​រ

, , Leave a comment

ខេត្តសៀមរាប ៖ សេចក្តីរាយការណ៍​ពី​ខេត្តសៀមរាប​បាន​ឲ្យ​ដឹងថា សព្វថ្ងៃនេះ​ជំនួញ​ឈើ​ខុសច្បាប់​កំពុងតែ​កើតមាន​ឡើងវិញ​យ៉ាង​អានាធិបតេយ្យ​នៅក្នុង​ទឹកដី​ខេត្តសៀមរាប​ក្រុម​ឈ្មួញ​បាន​ប្រើប្រាស់ រថយន្ត​ទាំង​តូច​ទាំង​ធំ ដឹកជញ្ជូន​ឈើ​គ្រញូង ចេញពី​ខេត្ត​ឧ​ត្ត​រ​មានជ័យ ឡើងមក​ខេត្តសៀមរាប តាមផ្លូវ​ជាតិ​លេខ​៦៧ គឺ​មិន លោះ​ថ្ងៃ​ណា​ឡើយ​ទាំង​ពេល​ភ្លៀង​ខ្លាំង មាន​រន្ទះបាញ់​ ឬ​ខ្យល់ព្យុះ​យ៉ាង​គគ្រឹកគគ្រេង គេ​សង្កេតឃើញ​មន្ត្រី​និង​សមត្ថកិច្ច​ពាក់ព័ន្ធ​ឈរជើង​តាម​ដងផ្លូវ​​កំពុង​សុខ​ស្រួល​ក្នុងការ រាប់​ក្បាល​ឡាន​យកលុយ ជាពិសេស​លោក​ស័ក្តិ​៤ ណុប សារ៉ាក់ ជា​អធិការនគរបាល​ស្រុក​វ៉ារិន ដែលមាន​រហស្សនាម​៦០០ បាន​រង​នូវ​ការចោទប្រកាន់ថា កំពុង​ប្រើ​​ប្រាស់​អំណាច​របស់ខ្លួន ប្រមូល​ផលប្រយោជន៍ ពី​ជំនួញ​ឈើ​ខុសច្បាប់ យ៉ាង​ស្ងាត់ស្ងៀម​បំផុត​។

Ear chhai yin1 

​ក្រុមមន្ត្រី​បាន​លួច​បង្ហើប​ឲ្យ​ដឹងថា កាលពី​យប់​ថ្ងៃទី​៣០ ខែតុលា ឆ្នាំ​២០១៣ កន្លងទៅនេះ លោក ណុប សារ៉ាក់ ហៅ​បង​៦០០ ជា​អធិការនគរបាល​ស្រុក​វ៉ារិន  បាន​ដឹកនាំ​កម្លាំង​ដេញ​បង្ក្រាប រថយន្ត​បា​ឡែ​ន​មួយគ្រឿង ពណ៌​ស្ករ ដឹកឈើ​គ្រញូង នៅ​ចំណុច​មុខ​ប៉ុស្តិ៍​ស្រែ​ណូយ ហើយ​ករណី​មួយ​នេះ​
​ដោយ មាន​គេ​ដឹងឮ​ច្រើនពេក លោក ណុប សារ៉ាក់ ក៏បាន​បញ្ជូនទៅ​ឲ្យ​ជំនាញ រដ្ឋបាល​ព្រៃឈើ ដើម្បី​ចាត់ការ​បន្ត​តាម​នីតិវិធី ។ អាច​ចាត់ទុកថា​ករណីនេះ លោក ណុប សារ៉ាក់ បាន​កសាង​ស្នាដៃ បង្ក្រាប​ការដឹកជញ្ជូន​ឈើ​ខុសច្បាប់ ដែល​ម្ចាស់​រថយន្ត​ដឹកឈើ​មានឈ្មោះ អៀ​.​ឆៃ​យិន ជា​ឈ្មួញ​រកស៊ី​ដឹកជញ្ជូន ឈើ​គ្រញូង​ដុះ​ស្លែដ៍​ធំ​ម្នាក់ ប្រចាំខេត្ត​សៀមរាប តាមរបៀប​ដែល​គេ​ហៅថា ដៃ​ម្ខាង​ចាប់ ដៃ​ម្ខាង​ប្រមូល​លុយ កុំ​ឲ្យ​គេ​ថា មិនដែល​បង្ក្រាប​អ្វី​សោះ​។

 

រយៈពេល​ពីរ​ម៉ោង​ក្រោយមក ក៏មាន​រថយន្ត​បា​ឡែ​ន​ពណ៌​ទឹកប្រាក់ ដឹកឈើ​គ្រញូង​តាមរបៀប លោត​ឆត្រ​មួយគ្រឿង​ទៀត មកដល់​ស្រុក​វ៉ារិន ត្រូវបាន​លោក ណុប សារ៉ាក់ ចេញ​បញ្ជា​ឲ្យ​កូនចៅ​​ក្រោមបង្គាប់​ប្រដេញ​បង្ក្រាប ហើយ​ភ្លាមៗ​នោះ មេ​ឈ្មួញ​ជា​ម្ចាស់​រកស៊ី​ឈើ​គ្រញូង ដ៏​ធំ​នោះបាន​ទំ​នា​ក់​ទំ​ន​ង​​សុំ​សម្របសម្រួល​។ រថយន្ត​បា​ឡែ​ន ដែល​បង្ក្រាបបាន​លើក​ទី​ពីរ​នេះ ត្រូវគេ​ដឹងថា ផ្ទុក​ឈើ​គ្រញូង​ប្រមាណ​មួយ​តោន ដោយ​មិនបាន​បញ្ជូន​ឲ្យ​ទៅ ជំនាញ​រដ្ឋបាល​ព្រៃឈើ ចាត់ការ​បន្ត​ដូច​ករណី​មុន​នោះទេ ហើយ​បើតាម​ប្រភព​ខ្សឹបខ្សៀវ បាន​ឲ្យ​ដឹងថា លោក ណុប សារ៉ាក់ បាន​ដោះលែង​ឡាន​ដឹកឈើ​គ្រញូង​នោះ ជា​ថ្នូរ​នឹង​ការ​បង់លុយ​ចំនួន ២៥០០ ដុល្លារ​អាមេរិក​។

 

​សូមបញ្ជាក់ថា នៅតាម​ផ្លូវជាតិ​លេខ​៦៧ ពី​ព្រំប្រទល់​ស្រុក​អន្លង់វែង ខេត្ដ​ឧត្ដរមានជ័យ ឆ្ពោះ​មក​ឃុំ​ស្រែ​ណូយ ស្រុក​វ៉ារិន មាន​គោយន្ដ​កន្ដ្រៃ និង​ឡាន​តូចធំ​ជាច្រើន​គ្រឿង កំពុង​ដឹកឈើ​ល្មើសច្បាប់​យ៉ាង ប្រសេចប្រសាច គេ​សង្កេតឃើញ​លោក ណុប សារ៉ាក់ កំពុង​សប្បាយ​កើប​លុយ ច្រក​ហោប៉ៅ​ផ្ទាល់ខ្លួន យ៉ាង​រំភើយ ។ កន្លងមក​លោក ណុប សារ៉ាក់ បានឱ្យ​កូនចៅ​ជួយ​រត់​ផ្លូវ ឱ្យ​ថៅកែ​រកស៊ី​ឈើ​ដ៏​ធំ​ម្នាក់ និង​ពង្រាយ​កូនចៅ​ឲ្យ​ទៅ ជួយ​មើល​ការដឹកជញ្ជូន​ឈើ តាម​គោយន្ដ​កន្ដ្រៃ ដែលមាន​ចំណារ​របស់លោក​អភិបាលស្រុក​វ៉ារិន​ថែម​ទៀតផង ។

???????????????????????????????

​ប្រជាពលរដ្ឋ​បាន​ទទូច​សូម​ឲ្យ​លោក ឃឹម ប៊ុន​សុង អភិបាលខេត្ដ​សៀមរាប និង​លោក សត ណា​ឌី ស្នងការ​នគរបាល​ខេត្ដ គួរតែ​ពិនិត្យមើល​ឡើងវិញ ពី​ការដឹកជញ្ជូន​ឈើ​ខុសច្បាប់ យ៉ាង​អនាធិបតេយ្យ​នៅ​ស្រុក​វ៉ារិន​ផង ។ ជាពិសេស​ករណី​ដែល​លោក ណុប សារ៉ាក់ ប្រើ​អំណាច​របស់ខ្លួន ទៅ​ប្រមូល​លុយ​ពី​ការដឹកជញ្ជូន​ឈើ​ខុសច្បាប់ ឬ​ការឃុបឃិត​ដោះលែង ឡាន​ដឹកឈើ​ស្ងាត់ៗ ជា​រឿង​ខុសឆ្គង​ខ្លាំង​បំផុត ដូចជា​ករណី​ដែល​កើតឡើង កាលពី​យប់​ថ្ងៃទី​៣០ ខែតុលា មានការ​ដោះលែង​ឡាន​បា​ឡែ​ន ដឹកឈើ​គ្រញូង​ប្រមាណ​មួយ​តោន បន្ទាប់ពី​លោក ណុប សារ៉ាក់ ទទួលបាន​លុយ ២៥០០ ដុល្លារ​អាមេរិក​៕

 

Leave a Reply

(*) Required, Your email will not be published