អ្នកមាន​លុយ មានអំណាច នៅតែមាន​អភ័យឯកសិទ្ធិ ទោះ​ក្នុង​បរិបទ​កំណែ​ទម្រ​ង​ស៊ីជម្រៅ​យ៉ាង​ណា​ក៏​ដោយ

, , Leave a comment

​រាជធានី​ភ្នំពេញ ៖ ការ​សម្រប​ស​ម្រ​ល​ឃុំ​ក្រៅ​ឃុំ ជា​ផ្នែក​មួយ​ដែល​មតិ​សាធារណជន​កំពុង​ផ្តោត​សំខាន់ ជាក់ស្តែង​ករណី​សំណុំរឿង​ចេញ​សែក​គ្មាន​ប្រាក់ និង​ករណី​មួយទៀត​ដែលមាន​ចំណាប់អារម្មណ៍​បំផុត​នោះ យោធា​សក្តិ ៤ បាញ់បោះ​សេរី ។​

khmer-news-5272430657d47

​គួ​រម្លឹកថា កាលពី​រសៀល​ថ្ងៃទី​១ ខែវិច្ឆិកា ឆ្នាំ​២០១៣ បន្ទាប់ពី​បង្គាប់​ដីកា​ឱ្យ​ចាប់ខ្លួន​លេខ​៥៤២​គ​ព្រ ចុះ​ថ្ងៃទី​២៨ ខែតុលា ឆ្នាំ ២០១៣ ដោយ​លោក កោ វណ្ឌី ចៅក្រម​ស៊ើបសួរ​សាលាដំបូង​រាជធានី​ភ្នំពេញ ត្រូវបាន​ដោះលែង​ឱ្យ មាន​សេរីភាព​វិញ​បន្ទាប់ពី​ជនជាប់ចោទ​តម្កល់​ប្រាក់ ៥ ម៉ឺន​ដុល្លារ​និង​ប្លង់ដី​មួយកន្លែង ។​

 

​ចំពោះ​ករណី​មួយទៀត ជាការ​ដោះលែង​ជន​បាញ់បោះ​សេរី​ឈ្មោះ ប៊ុន ច័ន្ទ​ពិសិដ្ឋ បម្រើ​ការងារ​នៅ​បញ្ជាការដ្ឋាន អង្គរក្ស​ហើយក៏​ត្រូវជា​កូនប្រុស​រ​ប​ស់​លោក ប៊ុន ច័ន្ទ ជា​សមាជិក​ក្រុមប្រឹក្សា​ខណ្ឌ​ពោ​សែន​ជ័យ នោះ​គឺជា​ប្រធានបទ​ឧ​ទា​ហរ​ណ៏​ជាក់ស្តែង​ក្នុង​វេទិកាសាធារណៈ​ដែល​ប្រជាពលរដ្ឋ​នៅ​ខ​ណ្ឌ​ដង្កោ​គ្រោង​នឹង​លើកឡើង​សួរនាំ​ដល់​ស្នងការ​នគរបាល​រាជធានី​ភ្នំពេញ ក៏ដូចជា​អធិការ​ខណ្ឌ​ផងដែរ​នាពេលខាងមុខ​។​

 

​មន្ត្រី​សាលាខណ្ឌ​ដង្កោ​ម្នាក់​សូម​មិន​បញ្ចេញ​ឈ្មោះ​ក៏បាន​ប្រតិកម្ម​ភ្លាមៗ នៅពេលដែល​រូបលោក​បាន​មើល​ទូរទស្សន៍​ថា ករណី​ដោះលែង​បែប​រហ័ស​បំ​ផុ​ត​នេះ​គឺ​បាន​ឆ្លុះ​ឲ្យ​ឃើញ​ពី​សង្គម​អ​យុ​តិ្ត​ធម៌​បាត់ទៅហើយ ត្រង់​ថា​ខ្លួន​អាង​ស័កិ្តយស​ធំ អាង​មាន​លុយ អាងខ្នង អាង​អំណាច គឺជា​ចំណុច​អវិជ្ជមាន​សម្រាប់​ភូមិ​-​សង្កាត់​មាន​សុវត្ថិភាព​ដែលជា​គោលនយោបាយ​របស់​រាជ​រដ្ឋាភិបាល ។ លោក​បាន​បន្តថា យើង​បានឃើញ​រួចហើយ​នូវ​ផលប៉ះពាល់​សតិ​អារ​ម្មណ៍​របស់​ប្រជាពលរដ្ឋ ក៏ដូចជា​មជ្ឈដ្ឋាន​សង្គម​ស៊ីវិល​នានា​ដែល​គេ​បាន​អាន​បាន​មើល​ប្រព័ន្ធ​ផ្សព្វផ្សាយ​បន្ទាប់មក​ការរិះគន់ និង​មតិ​វាយប្រហារ​ទៅលើ​រាជរដ្ឋាភិបាល​អាណ​តិ្ត​ថ្មី​យើង​ត្រូវតែ​កើតមានឡើង ហើយ​ការអនុវត្ត​ច្បាប់​ក្នុងសង្គម​យើង​មិនត្រូវ​អនុវត្ត​តែ​លើ​ជនស្លូតត្រង់​ជនក្រីក្រ​តែប៉ុណ្ណោះ​គឺ​យើង ត្រូវតែ​អនុវត្ត​ឲ្យ​ស្មើគ្នា ហើយ​ការដោះលែង​ជន​បាញ់បោះ​សេរី​នេះ​សូមកុំ​និយាយថា យក​គា​ត់ទៅ​បន្ទាយ​បញ្ជាការដ្ឋាន​អង្គរក្ស​ដើម្បី​ធ្វើ​ទោស​ទាន់​នូវ​កំហុស​របស់គាត់​នៅ​កន្លែង​នោះ​គ្មាន​ប្រជាពលរដ្ឋ​ណា​ជឿ​នោះឡើយ​។​

 

​ដោយឡែក​សមត្ថកិច្ច​នគ​របាល​ខណ្ឌដង្កោ​ម្នា​ក់នៅ​ផ្នែក​អន្តរាគមន៍​នោះ​ក៏បាន​ប្រាប់​ឲ្យ​ដឹង​ដែរ​ថា មន្ត្រី​តូចតាច​ដូច​គាត់​បានត្រឹមតែ​មេ​ប្រើ​ឲ្យ​ដេញចាប់​តែប៉ុណ្ណោះ​នៅពេល​ដេញតាម​គឺថា​យើង​បាន​ប្រឈមមុខ​គ្រោះថ្នាក់​ខ្លាំងណាស់ ចុះ​ហេតុអ្វី​បានជា​ថ្នាក់លើ​ដោះលែង​ជនខិលខូច​ងាយ​ម្ល៉េះ​។ នេះ​ជា​សតិអារម្មណ៍​របស់​ម​ន្ត្រី​ក្រោម​ឱវាទ​ដែល​មិន​ចង់​បំពេញការងារ​ទៀត​។ លោក​ចូល​បម្រើ​ការងារ​ជា​មន្ត្រីនគរបាល​យុត្តិធម៌​គឺ​ក្នុង​គោលបំណង​បំរើ​រាស្ត្រ​បំរើ​ប្រទេសជាតិ​បំបាត់​ជន​បាត​សង្គម​ចូលរួម​បំរើ​សង្គម​ស្អាតស្អំ​មួយ និង​យុ​តិ្ត​ធម៌​ជូន​ប្រជាពលរដ្ឋ​យើង​។ ពាក់ព័ន្ធ​និង​ករណី​ដោះលែង​ជន​បាញ់បោះ​សេរី​នេះ អធិការនគរបាល​ខ​ណ្ឌ​ដង្កោ​លោក យឹម សារ៉ាន់ បាន​ប្រាប់​ឲ្យ​ដឹង​ដែរ​ថា លោក​ពុំ​ហ៊ាន​ឆ្លើយ​នឹង​សំណួរ​នេះ​ទេ សុំ​សួរ​ទៅ​ស្នងការ​ព្រោះថា​អ្វីៗ​លោក​បាន​ឆ្លង​យោបល់​លោកស្នងការ​អស់ហើយ សម្រាប់​លោក​ត្រឹម​អធិការ​ខណ្ឌ​មិន​ហ៊ាន​ទេ​។​

 

​ចំពោះ​កាសែត​ក្នុងស្រុក​ជាច្រើន​បាន​ផ្សាយ​ថា បុរស​ក្លាហាន​របស់​យើង​ត្រូវ  បាន​សមត្ថកិច្ច​ដោះលែង​ទៅហើយ​ដោយមាន​អន្ដរាគមន៍​“​ពី​ថ្នាក់លើ​” ។ តើ​ន​រណា ទៅ​“​ថ្នាក់លើ​?” ។ សេចក្ដី​ព្រួយបារម្ភ​របស់​ប្រជាពលរដ្ឋ​ខ្លាចក្រែង​បុរស​ដ៏​ក្លាហាន របស់​យើង​ថ្ងៃក្រោយ​គាត់​ចេញមក​ប្រើប្រាស់​អាវុធ​ប​ណ្ដា​ល​ឱ្យ​រងរបួស ដល់​ពល រដ្ឋ​ស្លូតត្រង់​ដែល​ធ្វើដំណើរ​តាមផ្លូវ ។ ប្រសិនជា​ហេតុការណ៍​ជាយថាហេតុ​ណា មួយ​កើតឡើង​បង្កឡើង​ដោយ​បុរស​ខាងលើ​ជា​ថ្មី​ម្ដងទៀត​ប៉ះចំ​“​ថ្នាក់លើ ”​ឬក៏​សាច់ ញាតិ​បុរស​នេះ​វា​មិនជា​បញ្ហា​ទេ ។

Capture 

​អន្ដរាគមន៍​របស់ “​ថ្នាក់លើ​”​ទំនងជា​ផ្នែក​មួយ​ឋិត​នៅក្នុង​“​កំណែទម្រង់​ស៊ីជម្រៅ​”​យ៉ាងណា​នោះ​ហើយ បានជា​កម្លាំង​នគរបាល​សុខ​ចិ​ត្ដ​ដោះលែង​បុរស​ដ៏​​ក្លាហាន​នៃ​យើង ។ ប៉ុន្ដែ​បើតាម  មិ​ត្ដ​ភក្ដិ​ខ្ញុំបាទ​យល់ថា បើ​គង់តែ​លែង​ដដែល​កុំឱ្យ​នគរបាល​ខ្មាស់​គេ​តាម​ចាប់គាត់​នោះ​យកមក​ធ្វើ​អ្វី​? រឿងនេះ​ខ្ញុំ​មិ​ន​ដឹ​ង​​ដែរ​ទាល់តែ​“​ថ្នាក់លើ​” ៕

 

Leave a Reply

(*) Required, Your email will not be published