ឪពុក​ចិត្តអប្រីយ៍ ចាប់រំលោភ​កូនស្រី យក​ស្រា​ជា​លេស​

, , Leave a comment

​ខេត្តកំពង់ឆ្នាំង ៖ បុរស​ម្នាក់​ដែល​ត្រូវជា​ឪពុកចុង​ត្រូវបាន​សមត្ថកិច្ច​ធ្វើការ​ចាប់ខ្លួន បន្ទាប់ពី​ទទួលបាន​ពាក្យបណ្តឹង​ពី​ប្រពន្ធ និង​កូនស្រី​ដើម ដោយ​ចោទប្រកាន់ថា បាន​ចាប់បង្ខំ​រំលោភ​នាង​ប៉ុន្តែ​មិនបាន​សម្រេច កាលពី​វេលា​ម៉ោង​៤​និង​១០​នាទី​ល្ងាច ថ្ងៃទី​២៩ តុលា ស្ថិតនៅក្នុង​ឃុំ​ជៀប ស្រុក​ទឹកផុស ខេត្តកំពង់ឆ្នាំង​។  ជនជាប់ចោទ​មានឈ្មោះ ហែម ពេជ្រ អាយុ​៥៧​ឆ្នាំ ស្នាក់នៅ​ក្នុងភូមិ ឃុំ​កើតហេតុ​ខាងលើ ជាមួយនឹង​ជន​ដើមចោទ​។​

 

​ប្រភពពី​ស្ត្រី​ជា​ប្រពន្ធ​បាន​ឲ្យ​ដឹងថា រូបគាត់​ជា​ស្ត្រី​មេម៉ាយ​មានកូន​៥​នាក់​(​ប្រុស​៤​ស្រី​១)​ជាមួយ​ប្តី​មុន ។ ក្រោយមក​ក៏បាន​យកប្តី​មួយទៀត​ដែលជា​ដើមចោទ គឺ​បាន​គ្នា​ជា​ប្តី​-​ប្រពន្ធ​រយៈពេល​១២​ឆ្នាំ​ហើយ ប៉ុន្តែ​គ្មាន​កូន​នោះទេ ។ ប្តី​ក្រោយនេះ​ជា​មនុស្ស​ចូលចិត្ត​ផឹកស្រា និង​ស្រវឹង​រាល់ថ្ងៃ​ពុំដែល​ខាន​ទ្បើ​យ ។​

 

​ប្រភព​ដដែល​បាន​បន្ថែមទៀតថា កាលពី​កូនស្រី​នៅ​អាយុ​៩​ឆ្នាំ គាត់​ក៏​ធ្លាប់​បានឃើញ​ប្តី​របស់គាត់​មានបំណង​មិនល្អ​បៀតបៀន​លើ​រូបរាងកាយ​កូន​ម្តង​រួចមកហើយ​ដែល​គាត់​បាន​ទៅ​ទាន់​ឃើញ​ផ្ទាល់​នឹង​ភ្នែក ។ ដោយឡែក​នៅ​ថ្ងៃកើតហេតុ​រូបគាត់​ជា​ប្រពន្ធ​មិនបាន​នៅផ្ទះ​ទេ នៅពេល​មកដល់​ផ្ទះ​វិញ​កូនស្រី​ដែលមាន​អាយុ ២១ ឆ្នាំ បាន​និយាយ​ប្រាប់ថា ឪពុកចុង​ស្រវឹង​បាន​ចាប់​នាង​រំលោភ​មុន​គាត់​ជា​ម្តាយ​មកដល់​ប្រហែល​ជាង​១​ម៉ោង​មុន តែ​មិនបាន​សម្រេច​ទេ ព្រោះ​នាង​បាន​រើ​បម្រាស​រួច ។

 

​ក្រោយពេល​កើតហេតុ រូបនាង និង​ម្តាយ​បាននាំគ្នា​ទៅប្តឹង​សមត្ថកិច្ច​ប៉ូលិស​មូលដ្ឋាន ហើយ​ត្រូវបាន​នគរបាល​ស្រុក​ចាប់ខ្លួន​បញ្ជូនមក​ស្នង​ការ​នគរបាល ខេត្ត ។ ស្ត្រី​ជា​ប្រពន្ធ​បាន​បន្តថា តាំងពី​បាន​គ្នា​ជា​ប្តី​-​ប្រពន្ធ​មក ប្តី​ចុង​គាត់​មិនសូវ​បាន​ជួយ​រកស៊ី​ចិញ្ចឹម​ប្រពន្ធ​កូន​នោះទេ ។ រាល់ថ្ងៃ​គេ​ស៊ីឈ្នួល​មើល​គោ​បាន​ប្រាក់​ក្នុង​១​ថ្ងៃ​៣​ពាន់​រៀល​យក ទៅ​ទិញ​ស្រា​ផឹក​រាល់ថ្ងៃ ។ ពេលនេះ​ហ៊ាន​ចាប់រំលោភ​កូនចុង​ខ្លួនឯង​ថែមទៀត​ដែល​ធ្វើឱ្យ រូបគាត់​ជា​ប្រពន្ធ​អត់ទ្រាំ​មិនបាន​ទ្បើ​យ ។​

 

​នារី​រងគ្រោះ​បានឱ្យដឹងថា ក្នុងពេល​កើតហេតុ​ឪពុកចុង​របស់​នាង​ស្រវឹងស្រា​បានមក​ចាប់ បង្ខំ​រំលោភ​នាង ប៉ុន្តែ​មិនបាន​សម្រេច​ទ្បើ​យ​ព្រោះ​នាង​បាន​រើ​បម្រាស​រួច ។ ចំណែក​ឪពុកចុង​ជា​ជនសង្ស័យ​បានប្រកែក​ថា រូបគាត់​មិនបាន​ចាប់រំលោភ​កូន​ដូច​ការចោទប្រកាន់​នោះទេ គឺ​នៅពេល​គាត់​ស្រវឹង គាត់​គ្រាន់តែ​ដួល​ពីលើ​កូនស្រី​តែប៉ុណ្ណោះ ។​

kam

​ទោះបីជា​យ៉ាងណា​សមត្ថកិច្ច​នគរបាល​ព្រហ្មទណ្ឌ​កម្រិតធ្ងន់​នៃ​ស្នងការដ្ឋាន​នគរបាល​ខេត្ត​បាន​កសាង​សំណុំរឿង​ដើម្បី​បញ្ជូន​ខ្លួន​ជនសង្ស័យ​ទៅ​តុលាការ​តាម​និ​តី​វិធី​ហើយ​ដែរ ៕

 

Leave a Reply

(*) Required, Your email will not be published