ដោយសារ​ប្រាក់ខែ​ចាយ មិន​គ្រប់ ចង់​មាន​ឆាប់ បែកគំនិត​ជួញដូរ​គ្រឿងញៀន​

, , Leave a comment

​ខេត្តបន្ទាយមានជ័យ ៖  ជនសង្ស័យ​បីនាក់​ដែលជា​មុខសញ្ញា​ជួញដូរ​ថ្នាំញៀន​ដ៏​សកម្ម ត្រូវបាន​កម្លាំង​នគរបាល​ស្រុក​មង្គល​បូរី សហការ​ជាមួយ​ការិ​យា​ល័​យ​ប្រឆាំង​គ្រឿងញៀន​ខេត្ត ធ្វើការ​ឃាត់ខ្លួន ខណៈដែល​ពួកគេ​កំពុង​ធ្វើ​សកម្មភាព​ចរាចរ​គ្រឿងញៀន ។ ការឃាត់ខ្លួន​នេះ​ធ្វើឡើង​កាលពី​វេលា​ម៉ោង ៤​រសៀល ថ្ងៃទី​៣១ តុលា ២០៣ នៅក្នុង​ភោជនីយដ្ឋាន​ប្រជុំ​មិត្ត ដែល​ស្ថិតនៅ​ក្នុងភូមិ​បន្ទាយ​មាង ឃុំ​បន្ទាយ​មាង ស្រុក​មង្គល​បូរី ខេត្តបន្ទាយមានជ័យ​។​

01-11-2013 (3)

​ជនសង្ស័យ​ដែល​ត្រូវ​ចាប់​ឃាត់ខ្លួន​ទាំងបី​នាក់​នោះ​មាន ១.​ឈ្មោះ តុល ចន្ថា ភេទ​ប្រុស អាយុ ៤០​ឆ្នាំ បម្រើ​ការងារ​នៅ​អង្គភាព​ក្រសួងការពារជាតិ ២.​ឈ្មោះ ម៉ៅ សំរិទ្ធ ភេទ​ប្រុស អាយុ ៥០​ឆ្នាំ បម្រើ​ការងារ​នៅ​មណ្ឌល​ពិការ​ភ្នំ​ឆ័​ត្រ ៣.​ឈ្មោះ ក្រាម ស៊ុន​លី ភេទ​ប្រុស អាយុ ៣២​ឆ្នាំ ជា​កម្លាំង​នគរបាល​ក្រសួង​។ ក្រោយពី​ឃាត់ខ្លួន​សមត្ថកិច្ច​បាន​ឆែកឆេរ​រកឃើញ​ថ្នាំញៀន​ប្រភេទ​មេ​តំ​ហ្វេ​តា​មីន ១ កញ្ចប់​ធំ មាន​ចំនួន ៦,០០០​គ្រាប់ ព្រមទាំង​ដកហូត​រថយន្ត ២​គ្រឿង ដែល ១​គ្រឿង ម៉ាក ISUZU ពណ៌​ខ្មៅ ពាក់​ស្លាក​លេខ ខេមរភូមិន្ទ 02.2-6225 និង ១​គ្រឿង​ទៀត ម៉ាក LEXLIS ពណ៌​ខ្មៅ ពាក់​ស្លាក​លេខ ភ្នំពេញ 2E.4035​ដែល​ជនសង្ស័យ​ជិះ​ធ្វើ​សកម្មភាព ។​

01-11-2013 (1)

​បច្ចុប្បន្ន​ជនសង្ស័យ​ទាំងបី​ខាងលើ ត្រូវបាន​សមត្ថកិច្ច​ឃុំខ្លួន​បណ្តោះអាសន្ន រង់ចាំ​ចំណាត់​ការបន្ត​៕

01-11-2013 (4)

01-11-2013 (2)

  

 

Leave a Reply

(*) Required, Your email will not be published