ការចេញ​សែក​ស្អុយ​គ្មាន​លុយ ត្រូវបាន​អ្នកមាន​មុខ​មាន​មាត់​មួយចំនួន​ប្រើ​ជា​មធ្យោបាយ​ដោះស្រាយ​បញ្ហា តែ​គេច​មិន​ផុតពី​សំណាញ់​ច្បាប់​ដដែល​

, , Leave a comment

​រាជធានី​ភ្នំពេញ ៖ ការចេញ​នូវ​មូល​ប្ប​ទា​នប​ត្រ​គ្មាន​សាច់ប្រាក់ ឬ​អាច​ហៅថា សែក​ខ្យល់​គ្មាន​លុយ​នោះ​គឺជា​ដំណោះស្រាយ​មួយ​ដែល​អ្នក​មានមុខ​មាន​មាត់​ក្នុងសង្គម​មួយចំនួន​ដែលមាន​តែ​សម្បកខ្លួន ឬក៏​អាច​ថា​ជា​ច​រិ​ក​លក្ខណៈ​របស់​អ្នកមាន​មួយចំនួន​នោះបាន​បង្ក​ឲ្យ​មានការ​ភ្ញាក់ផ្អើល ។ តួយ៉ាង​កាលពី​វេលា​ម៉ោង​៤​និង ៣០​នាទី​រសៀល ថ្ងៃទី​៣១ ខែតុលា ឆ្នាំ​២០១៣​កម្លាំង​កងរាជអាវុធហត្ថ​ការិយាល័យ​ព័ត៌មាន​ទូទៅ​នៃ​ស្នងការដ្ឋាន​ព័ត៌មាន​និង​សន្ដិ សុខ​កងរាជអាវុធហត្ថ​លើ​ផ្ទៃ​ប្រទេស​បាន ឃាត់ខ្លួន​ឈ្មោះ​ថន សេង​តារា ករណី​ចេញ​សែក​គ្មាន​ប្រាក់​ចំនួន ៣០ ម៉ឺន ដុល្លារ​ពី​ធនាគារ ANZ Royal បណ្តាល​ឲ្យ​មានការ​កកស្ទះ​រាប់​ម៉ោង​ពី​សំណាក់​ប្រជាពលរដ្ឋ​ដែល​ឆ្លងកាត់​ផ្លូវ​នោះ​ឈប់​សំចត​មើល​ហេតុការណ៍​នោះ ។​

 a2(100) 

​ករណី​ឃាត់ខ្លួន​ជនជាប់ចោទ​ឈ្មោះ ថន សេង​តារា នេះ​តាម​ដីកា​បង្គាប់​ឱ្យ​ចាប់ខ្លួន​លេខ​៥៤២ គ​.​ព្រ ចុះ​ថ្ងៃទី​២៨ ខែតុលា ឆ្នាំ​២០១៣ ដោយ​លោក កោ វណ្ឌី ចៅក្រម​ស៊ើបសួរ​នៃ​សាលាដំបូង រាជធានី​ភ្នំពេញ ឋិត​នៅ​ចំណុច​មហាវិថី​ព្រះមុនីវង្ស​ទល់មុខ​សាកលវិទ្យាល័យ​វិទ្យាសាស្ដ្រ  សុខាភិបាល សង្កាត់​ស្រះចក ខណ្ឌដូនពេញ ដោយសារតែ​ជន​ត្រូវ​ចោទ​ខាងលើ​មិន​ព្រម​ចុះ​ពីលើ​រថយន្ដ​របស់ខ្លួន​ម៉ាក​ធុន​ដ្រា ពណ៌​ស ដែល​អង្គុយ​ជាមួយ​ប្រពន្ធ បិទទ្វារ​ជិត ដើម្បី​ទូរស័ព្ទ​ស្វែងរក​ការអន្ដរាគមន៍ ពី​ក្រៅ​ទើប​សមត្ថកិច្ច​កងរាជអាវុធហត្ថ​ដែល​អនុវត្ដ​ន៍​យក​រថយន្ដស្ទូច​ទាំង​មនុស្ស ទាំង​រថយន្ដ ទៅកាន់​ទីបញ្ជាការ​កង​រាជ​អាវុធហត្ថ​លើ​ផ្ទៃ​ប្រទេស​ដើម្បី​ចាត់ការ​តាម​នីតិវិធី ។​

a4(26)

​មូលហេតុ​នៃ​ការឃាត់ខ្លួន​នេះ​ដោយសារ​ចៅក្រម​ស៊ើបសួរ​សាលាដំបូង​រាជធានី​ភ្នំពេញ​លោក កោ វណ្ឌី ចេញ​ដីកា​បង្គាប់​ឱ្យ​ចាប់ខ្លួន​ឈ្មោះ ថន សេង​តារា នេះ​មកពី​ជនជាប់ចោទ​ខាងលើ​ដែលមាន​ទីលំនៅ​ផ្ទះ​លេខ​២៣ ផ្លូវជាតិ​លេខ​១ ភូមិ​បឹង​ស្នោ សង្កាត់ និរោធ ខណ្ឌមានជ័យ​មិនបាន​ចូលខ្លួន​មក​បំភ្លឺ​កាលពី​ថ្ងៃទី​២៣ ខែតុលា ឆ្នាំ​២០១៣​កន្លងមក​បោះ​។​

 

​ជនជាប់ចោទ ថន សេង​តារា ត្រូវបាន  តំណាង​អយ្យកា​រលោក ហៀ​ង សុ​ភ័​ក្រ ចោទប្រកាន់​ពីបទ​មិន​បំពេញ​កាតព្វកិច្ច ចំពោះ​ឧបករណ៍​អាច​ជួញដូរ​បាន​(​ចេញ មូល​ប្ប​ទា​នប​ត្រ​គ្មាន​សាច់ប្រាក់​)​ប្រ​ព្រឹ​ត្ដ នៅ​រាជធានី​ភ្នំពេញ កាលពី​អំឡុង​ខែតុលា ឆ្នាំ​២០១២ ដែលជា​បទល្មើស​ព្រហ្មទណ្ឌ មានចែង​តាម​ប​ញ្ញ​ត្ដិ​មាត្រា​២៣១​នៃ​ច្បាប់ ស្ដីពី​ឧបករណ៍​អាច​ជួញដូរ​បាន និង​ប្រតិ​ប​ត្ដិ​ការទូទាត់​សាច់ប្រាក់​តាម​បណ្ដឹង​របស់​ជនរងគ្រោះ​ឈ្មោះ ខៃ ណារិន ភេទ​ស្រី  អាយុ​៥០​ឆ្នាំ ។​

 

​នៅក្នុង​ពាក្យបណ្ដឹង​ជនរងគ្រោះ​បាន  បញ្ជាក់ថា ជនជាប់ចោទ ថន សេង​តារា បាន​សង​ប្រាក់​មកឱ្យ​ខ្លួន​ចំនួន​៣០​ម៉ឺន ដុល្លារ ដោយ​ចេញ​មូល​ប្ប​ទា​នប​ត្រ​ឱ្យទៅ បើក​នៅ​ធនាគារ ANZ Royal ប៉ុន្ដែ​ដល់ ថ្ងៃ​កំណត់ បែរជា​ខាង​ធនាគារ​បញ្ជាក់ ប្រាប់ថា មូល​ប្ប​ទា​នប​ត្រ​នេះ​មិនមាន គណនី​តុល្យ​សម​ទៅនឹង​សាច់​នោះឡើយ ទើប​តំណាង​អយ្យកា​រលោក ហៀ​ង សុ​ភ័​ក្រ ចោទប្រកាន់​ពីបទ​មិន​បំពេញ​កាតព្វកិច្ច​ចំពោះ​ឧបករណ៍​អាច​ជួញដូរ​បាន​(​ចេញ មូល​ប្ប​ទា​នប​ត្រ​គ្មាន​សាច់ប្រាក់​) ។​

 

​ការឃាត់ខ្លួន​ជនជាប់ចោទ​ខាងលើ  ដឺ​ធ្វើឡើង​តាម​ដីកា​បង្គាប់​ឱ្យ​ចាប់ខ្លួន របស់​ចៅក្រម​ស៊ើបសួរ​លោក កោ វណ្ឌី កាលពី​រសៀល​ថ្ងៃទី​៣១ ខែតុលា ឆ្នាំ ២០១៣ ដែល​ពេលនោះ​ជនជាប់ចោទ​រូប នេះ​បានបង្ហាញ​នូវ​ភាព​ក្រអឺតក្រទម​មិន ព្រម​ចេញពី​ក្នុង​រថយន្ដ​ប្រើប្រាស់​វប្បធម៌ អន្ដរាគមន៍​ពី​ក្រៅ​រារាំង​និង​រំ​ខានទៅ ដល់​សមត្ថកិច្ច​ដែល​បាន​អនុវត្ដ​ន៍​ដីកា បណ្ដាលឱ្យមាន​ការកកស្ទះ​ចរាចរណ៍​នៅ លើ​ដង​មហាវិថី​ព្រះមុនីវង្ស​ជិត​ង​១​ម៉ោង ទើប​សមត្ថកិច្ច​បង្ខំ​ចិ​ត្ដ​យក​រថយន្ដស្ទូច អូស​យកទៅ​ទីបញ្ជាការ​កង​រាជ​អាវុធ ហត្ថ​លើ​ផ្ទៃ​ប្រទេស ។​

ds-(3)

​ប្រភព​ខ្លះ​បានឱ្យដឹង​ផងដែរ​ថា ជន ជាប់ចោត​ឈ្មោះ​ថន សេង​តារា គឺជា​ឈ្មួញ រកស៊ី​ហ្គាស​សង្ស័យ​គេចពន្ធ​ដ៏​ធំ​និង​ជា​អ្នក មានមុខមាត់​មិនគួរណា​ប្រ​ព្រឹ​ត្ដ​អំពើ​ខុស ច្បាប់​ចេញ​មូល​ប្ប​ទា​នប​ត្រ​គ្មាន​សាច់ ប្រាក់​៣០​ម៉ឺន​ដុល្លារ ៕

 

Leave a Reply

(*) Required, Your email will not be published