រឿង​ដំបៅ​របស់​ប្រធាន​មន្ទីរ​បរិស្ថាន​ខេត្តស្ទឹងត្រែង ក៏ត្រូវ​ការ​ជំនួយ​ពី​សម្តេចនាយក​រដ្ឋមន្ត្រី​ដែរ ឬក៏​ដំបៅ​នោះបាន​ក្លាយទៅជា​មហារីក​ហើយ​!

, , Leave a comment

​បន្ទាប់ពី​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា នា​អាណត្តិ​ទី​៥​នេះ បានដាក់​ផែនការ​កែទម្រង់​យ៉ាង​ស៊ីជម្រៅ​មក​នោះ ​ភាពមិនប្រក្រតី​បាន​លេច​ឡើងជា​បន្តបន្ទាប់ ។ ជាក់ស្តែង​នៅក្នុង​បណ្តាញ​សង្គម​ហ្វេ​ស​ប៊ុ​កមួយ​ដែល​បាន​ឈ្មោះថា " Samdech Hun Sen, Cambodia Prime Minister " ដែលមាន​សមាជិក​គាំទ្រ​រហូតដល់ ១២០២០២ ដែល​គិត​ត្រឹម​ថ្ងៃទី​៣០ ខែតុលា ឆ្នាំ ២០១៣ ។

st (3)

​ម្ចាស់​ទំព័រ​មួយ​នេះ​បាន​យក​រូប​"​សម្តេច​តេ​ជោ ហ៊ុន សែន​"​ដាក់​ជាស​ញ្ញា និង​តែង​លើកតម្កើង​សម្តេចនាយក​រដ្ឋមន្ត្រី​យកមក ផ្សព្វផ្សាយ​នៅក្នុង​វេទិកា​"​ខ្សឹបប្រាប់​សម្តេច​" ។ ថ្មីៗ​នេះ​ទំព័រ​បានបង្ហាញ​នូវ​ភាពមិនប្រក្រតី​ក្នុងការ​ដឹកនាំ​របស់លោក អេង ភី​រុង ប្រធាន​មន្ទីរ​បរិស្ថាន​ខេត្តស្ទឹងត្រែង ជូន​សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា អាណត្តិ​ទី​៥ ។​

 

​នៅក្នុង​អត្ថន័យ​នៅបាន​ឲ្យ​ដឹងថា “​យើងខ្ញុំ​ជាម​ន្ត្រី​នៃ​មន្ទីរ​បរិស្ថាន​ខេត្តស្ទឹងត្រែង សូម​គោរព​រាយការណ៍​ជូន​សម្ដេច​ពី​ភាពមិនប្រក្រតី​នៃ​មន្ទីរ​បរិស្ថាន​ដូចតទៅ ៖

st (2)

​សម្ដេច​ជាទីគោរព​!
​ខ្ញុំបាទ​មិន​និយាយ​អំពី​ពុករលួយ​រឿង​ទ្រព្យសម្បត្តិ​រដ្ឋ ដូចជា​ច​លន និង​អចលនវត្ថុ​របស់​មន្ទី​របរ​ស្ថាន​ខេត្តស្ទឹងត្រែង​ទេ ព្រោះ​ជា​រឿង​របស់​ប្រធាន​គ្រប់គ្រង​។ តែ​សូម​និយាយ​អំពី​រឿង​ទាក់ទង​មន្ត្រី​ថ្នាក់ក្រោម​ដែលមាន​ដូចតទៅ​៖

 

១.​របប​ឯកសណ្ឋាន​របស់​មន្ត្រី​បាន​បាត់​ចាប់តាំងពី ២០០៥ មកដល់​បច្ចុប្បន្ន គឺ​ចាប់តាំងពី​គោល​ការផ្ដល់ប្រាក់​ឲ្យ​កាត់​ខ្លួនឯង​។ សំណូមពរ​ក្រសួង​កាត់​ឲ្យ​តែម្ដងទៅ​ដើម្បី​កុំ​ឲ្យ​បាត់​។​

 

២.​កន្លងមក​លោក អេង ភី​រុង ធ្វើ​ប្រធាន​មន្ទីរ​ខ្លួនឯង រដ្ឋបាល​ខ្លួនឯង គណនេយ្យ​ខ្លួនឯង តែ​ចុង​អាណ​តិ​នេះ​គាត់​បាន​បញ្ចូល​កូនក្មួយ​ច្រើន​ឲ្យ​ធ្វើ​ការងារ​នេះ​ជំនួស​គាត់​។ ចំណែក​ប្រធាន​កា​រិ​.​ជំនាញ​មាន​ត្រឹមតែ​ឈ្មោះ​ក្នុង​ក្រដាស់​អត់​មាន​សិទ្ធ អត់​មាន​ការងារ​អ្វី​ទាំងអស់​។ រឹតតែ​យ៉ាប់​ទៅទៀត​នោះ​លោក​ប្រធាន​មន្ទីរ​ចេះ​ហត្ថលេខា​កូនចៅ ហើយ​ចុះហត្ថលេខា​ខ្លួនឯង​ជំនួស​មន្ត្រី​ទាំងអស់​។​

 

៣.​ថ្មី​នេះ​មុន​ឯកឧត្ដម​មកដល់​គាត់​បាន​លួច​តែងតាំង​មន្ត្រី​ច្រើន​នាក់​ជា​ដៃជើង​កូនក្មួយ​របស់គាត់​។ តែ​រឿង​អាក្រក​នោះ​គឺ​គាត់​តែងតាំង​ប្រធាន​កា​រិ​.​រដ្ឋបាល​ថ្មី​ត្រួត​លើ​អ្នក​ចាស់ ធ្វើ​ឲ្យ​កា​រិ​.១​មាន​ប្រធាន​ពីរ ។ ដូច្នេះ​អ្នក​ចាស់​មិនដឹង​ទៅណា ឬមួយ​ត្រូវ​ដក​ជា​មន្ត្រី​សាមញ្ញ អត់​ដឹង​មូលហេតុ អត់​ដឹង​កំហុស​។​

 

៤.​មានរឿង​ច្រើន​ទៀត​ដែល​ខ្ញុំ​មិនបាន​រៀបរាប់ ។ កន្លងមក​មន្ត្រី​រើខ្លួន​មិន​រួច​ដោយសារ ឯក​ឧ​.​ម៉ុក ម៉ា​រេ​ត គាប​ជាប់​។​

 

សូម​សម្ដេច មេត្តា​ត្រួតពិនិត្យ​ការងារ​របស់​មន្ទីរ​ប​រិ​ស្ថាន​ខេត្តស្ទឹងត្រែង​ផង ឬ សុំ​ដូរ​ប្រធាន​មន្ទីរ​ក៏បាន​ដែរ ។ សូម​សម្ដេច​មេត្តាជួយ​ដល់​មន្ត្រី​តូចតាច​ដូច​យើងខ្ញុំ​ដែល​រង​ទុក្ខលំបាក​មក​10​ឆ្នាំ​ហើយ​នេះ​ផង ៕”

 

ក្រោយពេល​ដំណឹង​ទាំងនេះ​បានបង្ហាញ​ក្នុង​បណ្តាញ​សង្គម​ហ្វេ​ស​ប៊ុ​ក ដែលជា​បណ្តាញ​កំពុងមាន​ប្រជាប្រិយភាព​បំផុត​សម្រាប់​យុវវ័យ រហូតដល់​បច្ឆិមវ័យ​ក្នុងការ​ចែករំលែក​ព្រឹត្តិការណ៍​នានា​ដែល​កើតមាន​ក្នុងសង្គម​នោះ មជ្ឈដ្ឋាន​អ្នកវិភាគ​កិច្ចការ​សង្គម​នៅ​កម្ពុជា​បានលើកឡើង​ថា ក្រុមមន្ត្រី​គណបក្ស​ប្រជាជន​កម្ពុ​ជាមាន​ទម្លាប់​អាក្រក់​មួយ គឺ​មួយ​ម៉ាត់​ណាក៏ដោយ ក៏​សម្តេច​… "​គឺ​សំដៅលើ​សម្តេច​តេ​ជោ ហ៊ុន សែន​" ។ គ្រាន់តែ​រឿង​តូចតាច​ត្រឹម​កាត់​សាច់​ដំបៅ​ចោល​ប៉ុណ្ណឹង​ក៏ត្រូវ​ការ​សម្តេច​ដែរ ឬក៏​ដំបៅ​នោះបាន​ក្លាយជា​មហារីក​ទៅហើយ ។ បើ​ដូច្នេះ តើ​រដ្ឋមន្ត្រី​នៅតាម​បណ្តា​ក្រសួង ស្ថាប័ន​យ៉ាងច្រើន​គ​គោក​នោះ​នាំគ្នា​ធ្វើ​កិច្ចការ​អ្វី​ដែរ ? ឬក៏​មន្ត្រី​គណបក្ស​ប្រជាជន​កម្ពុជា​ចង់បង្ហាញ​ឲ្យ​ឃើញថា អំណាច​គ្រប់យ៉ាង​គឺ​ប្រមូលផ្តុំ​តែ​នៅលើ​"​សម្តេច​តេ​ជោ ហ៊ុន សែន​"​ម្នាក់​ប៉ុណ្ណោះ​ដូច​គេ​ថា​មែន ?

st (1) 

សូម ឯកឧត្តម សាយ សំ​អាល់ រដ្ឋមន្ត្រី​ក្រសួងបរិស្ថាន​អាណត្តិ​ទី​៥ មេត្តា​ត្រួត​ពិនិត្យមើល​របាយការណ៍​រៀបរាប់​របស់​មន្ត្រីក្រោមឱវាទ​មន្ទីរ បរិស្ថាន​ខេត្តស្ទឹងត្រែង​ផង កុំ​ចាំបាច់​រំខាន​ដល់​"​សម្តេច​តេ​ជោ ហ៊ុន សែន​"​ដូច​ទម្លាប់​របស់​មន្ត្រី​គណបក្ស​ប្រជាជន​កម្ពុជា តែងតែ​ធ្វើ​កន្លងមក​នោះ​តទៅទៀត ៕

 

Leave a Reply

(*) Required, Your email will not be published