ត្រឡប់​មកពី​ចូលរួម​ពិធី​ភ្ជាប់ពាក្យ​កូន​អ្នកភូមិ ត្រូវគេ​លប​កាប់​របួសធ្ងន់​

, , Leave a comment

​ខេត្តកំពត ៖ បុរស​ម្នាក់​បានរ​ងរ​បួស​យ៉ាងធ្ងន់ធ្ងរ ខណៈដែល​ត្រូវគេ​លប​កាប់​ចំនួន​ពីរ​ពូថៅ ពេល​កំពុង​បណ្តើរ​ប្រពន្ធ និង​កូនតូច​ត្រឡប់​ពី​ចូលរួម​ពិធី​ភ្ជាប់ពាក្យ​កូន​អ្នកភូមិ ។ ហេតុការណ៍​នេះ​កើតឡើង​កាលពី​វេលា​ម៉ោង​៩ និង​៣០​នាទី​យប់​ថ្ងៃទី​២៨ តុលា ២០១៣ ស្ថិតនៅ​ចំណុច​ភូមិ​ព្រៃ​ពាយ ឃុំ​ត្រពាំង​ភ្លាំង ស្រុក​ឈូក ។​

 

​ជនរងគ្រោះ​ត្រូវបាន​គេ​ស្គាល់ឈ្មោះ​យឹម សឿន អាយុ​៣២​ឆ្នាំ ។ ចំណែក​ជនបង្ក​ដែលជា​មនុស្ស​ឆ្កួត​ឈ្មោះ​សែម វី អាយុ​៤៥​ឆ្នាំ ។​

 

​តាម​ការរៀបរាប់​ពី​ស្ត្រី​ជា​ប្រពន្ធ​បានឱ្យដឹងថា នៅ​ល្ងាច​ថ្ងៃកើតហេតុ​អ្នកភូមិ​នៅ​ជិតគ្នា​បាន​ហៅ​ទៅ​ចូលរួម​ពិធីស្តីដណ្តឹង​កូន លុះ​ចប់​ពិធី​ម៉ោងជាង ៩ យប់ ក៏​បណ្តើរ​ប្តី និង​កូន​ផង​ត្រឡប់ទៅផ្ទះ​វិញ លុះ​ដើរ​មកដល់​ពាក់កណ្តាល​ផ្លូវ ដែលជា​កន្លែងកើតហេតុ​ស្រាប់តែ​ជន​ឡប់សតិ​ម្នាក់​បាន​ពួនស្ទាក់​កាប់​ប្តី​របស់ខ្លួន ២ ពូថៅ​ផ្ទួនៗ​ចំក្បាល បណ្តាលឱ្យ​បែកក្បាល​ហូរឈាម​ស្រោច​ខ្លួន រួច​គំរាម​បម្រុង​កាប់​ខ្លួន​ទៀត តែ​ត្រូវបាន​រត់​រួចខ្លួន ហើយ​បាន​ស្រែក​ឱ្យ​អ្នកភូមិ​ជួយ ទើប​បុរស​រូបនោះ​កាន់​ពូថៅ​ដើរទៅ​ចូល​ផ្ទះ​វិញ​ធ្វើ​ព្រងើយ ។​

30-10-2013_Kampot

​ក្រោយ​កើតហេតុ​សមត្ថកិច្ច​ចុះទៅ​ជួយ​អន្តរាគមន៍ ប៉ុន្តែ​ត្រូវ​ជន​ឡប់សតិ​នោះ​សំឡុត​វិញ ។ បន្ទាប់មក​សមត្ថកិច្ច​ថយ​សិន ហើយ​បានប្រគល់​ករណីនេះ​ទុកឱ្យ​ប៉ូលិស​វិញ​ម្តង​៕

 

Leave a Reply

(*) Required, Your email will not be published