អាង​ខ្លួន​ជា​មន្ត្រី​យោធា​សក្តិ ៤ ទំនើង បាញ់បោះ​សេរី​យ៉ាង​អនាធិបតេយ្យ យក​លេស​ថា​ស្រវឹងស្រា​

, , Leave a comment

​រាជធានី​ភ្នំពេញ ៖ អំពើ​បាញ់បោះ​សេរី​បានធ្វើ​ឲ្យ​ប្រជាពលរដ្ឋ​មានការ​ភ្ញាក់ផ្អើល ដែល​បណ្តាលមកពី​មន្ត្រី​យោធា​ម្នា​ក់ពាក់​ស័ក្តិ ៤ ទំនើង​បាន​ប្រព្រឹត្ត​ដោយ​ខ្លួន​ដែល​ពឹង​អាង​បុណ្យ​សក្តិនិង​អំណាច​របស់ខ្លួន ។ ហេតុការណ៍​បាញ់បោះ​សេរី​នេះ​បាន​កើតឡើង​កាលពី​វេលា​ម៉ោង​ប្រមាណ ៨ និង ១០​នាទី​យប់​ថ្ងៃទី ២៩ ខែតុលា ឆ្នាំ​២០១៣ ស្ថិត​នៅមុខ​ទីស្នាក់ការ​សង្កាត់​ពងទឹក ខណ្ឌដង្កោ ក្រោយ​ជននេះ​បាន​ជិះ​រថយន្ត​បាញ់ តាមផ្លូវ​តាំងពី​ផ្លូវ​ចំការ​ដូង រហូតដល់​ផ្លូវ​ព្រៃ​ស ក្នុង​ខណ្ឌដង្កោ ។​

  4a (1)

​បុរស​ទំនើង​ដែល​ពាក់​សក្តិ​៤ នោះ​មានឈ្មោះ ប៊ុន ច័ន្ទ​ពិសិដ្ឋ ជា​មន្ត្រី​យោធា​ពាក់​ស័ក្តិ ៤ និង​ជា​កូន​ថៅកែ​ហាង​គុយទាវ​យីហោ ពន្លឺ​ច័ន្ទ នៅ​ខណ្ឌ​ពោធិ៍​សែន​ទៀតផង​។​

4a (3)

ប្រភពពី​សមត្ថកិច្ច​បា​ន​ឲ្យ​ដឹងថា មុនពេល​កើតហេតុ គេ​ឮ​សំឡេង​ផ្ទុះអាវុធ​ជាច្រើន​គ្រាប់​ដែល​ធ្វើ​ឲ្យ​មានការ​ភ័យខ្លាច ដល់​ប្រជាពលរដ្ឋ​ខណៈ​កំពុងធ្វើដំណើរ​តាម​ដងផ្លូវ​ចំការ​ដូង​។ ពេលនោះ​សមត្ថកិច្ច​បាន​ទៅដល់​កន្លែងកើតហេតុ បានឃើញ​ជនបង្ក​ដែល​បើករថយន្ត ម៉ាក​លុ​ច្ស​ស៊ី​ស RX-300 ពណ៌​ស ពាក់​ស្លាក​លេខ ភ្នំពេញ 2V-7027  មកដល់​មុខ​ទីស្នាក់ការ​សង្កាត់​ពងទឹក កម្លាំង​នគរបាល​បាន​យក​ម៉ូតូ​មួយគ្រឿង ទៅ​ដាក់​ពាំង​ពីមុខ​រថយន្ត តែ​ត្រូវ​ជនបង្ក​បាញ់ តបត​ជាមួយ​សមត្ថកិច្ច​មកវិញ ជាហេតុ​ធ្វើ​ឲ្យ កម្លាំង​សមត្ថកិច្ច បាញ់​បំបែក​កង់​រថយន្ត ហើយ​ឈានទៅដល់​ការចាប់ខ្លួន​តែម្តង​។​

4a (4)

ពាក់ព័ន្ធ​នឹង​បញ្ហា​ខាងលើនេះ មិនទាន់មាន​មូលដ្ឋាន​ច្បាស់លាស់​ពី​ការបាញ់បោះ​បែប​អណាធិបតេយ្យ​ខាងលើនេះ​ទេ ពីព្រោះ​ស្ថិតនៅក្រោម​ការសួរនាំ​ពី​សំណាក់​សមត្ថកិច្ច​នៅ​អធិការដ្ឋាន​នគរបាល​ខណ្ឌដង្កោ ។ ក្រោយពី​ការសាកសួរ​រួច​សមត្ថកិច្ច​ខណ្ឌដង្កោ នឹង​ចាត់​វិធា​ការណ៍​ទៅតាម​ផ្លូវច្បាប់ មិន​ទុក​ឲ្យ​ជនបង្ក​រូបនេះ​មាន​សេរីភាព​នោះឡើយ ៕

 

Leave a Reply

(*) Required, Your email will not be published