ចេញពី​ស៊ីផឹក​ស្រវឹង​ជោកជាំ ឃើញ​របាំង​ដែក ស្មាន​រារាំង​ផ្លូវ ខំ​បុក​រះ រុលទៅមុខ ប៉ូលីស​ក្រៀក​ជាប់​

, , Leave a comment

​រាជធានី​ភ្នំពេញ  ៖ របាំង​ចែក​ទ្រូ​វ​ផ្លូវ និង​បង្គោល​ស្លាក​សញ្ញា បានទទួល​រង​ការ​ខូច​ខាង​យ៉ាងដំណំ ខណៈដែល​បុរស​ម្នាក់​ស្រវឹងស្រា​ជោកជាំ បាន​បើករថយន្ត​ទៅបុក​ទាំង​កំរោល ។ ករណី​បុក​រះ​បំផ្លាញ​ទ្រព្យសម្បត្តិ​សារ​ធារ​ណៈ​នេះ បាន​កើតឡើង​កាលពី​វេលា​ម៉ោង ១១ និង ៤០ នាទី​យប់ ថ្ងៃទី​២៨ ខែតុលា ឆ្នាំ​២០១៣ នៅតាម​បណ្ដោយ​ផ្លូវ​សហព័ន្ធរុស្ស៊ី ឋិត​នៅក្នុង​ភូមិ​ទឹកថ្លា សង្កាត់​ទឹកថ្លា ខណ្ឌ​សែន​សុខ ។​

 photo-1(80)

​តាម​ប្រភពព័ត៌មាន​ពី​សមត្ថកិច្ច​បានឱ្យដឹង​ថា រថយន្ដ​បង្កហេតុ​ម៉ាក CRV ភ្នំពេញ 2E-1556 ឈ្មោះ សាវឿន ស្នាក់នៅ​សង្កាត់​ចោមចៅ ខណ្ឌ​ពោធិ៍​សែន​ជ័យ ។ ប្រភព​បន្ដទៀតថា នៅមុន​ពេល​កើតហេតុ​រថយន្ដ​បង្ក​បើក​ដោយ​បុរស​ម្នាក់​ក្នុង​អាការ​ស្រវឹងស្រា​ជោកជាំ តាម​បណ្ដោយ​ផ្លូវ​សហព័ន្ធរុស្ស៊ី ពី​កើ​តទៅ​លិច ក្នុង​ល្បឿន​លឿន លុះ​មកដល់​ចំណុចកើតហេតុ​ក៏បាន​រេ​ចង្កូត​បុក​ស្លាក​សញ្ញា​បង្ហាញផ្លូវ បាក់​អស់ ២ ដើម និង​របាំង​ដែក​ចែក​ពុះ​ចែក​ទ្រូងផ្លូវ​បាក់​៥​ផ្ទាំង រួចហើយ​រថយន្ដ​បាន​បែក​កង់​មុខ​ខាងឆ្វេង ។​

photo-3(65)

​ក្រោយ​កើតហេតុ អ្នក​ជនបង្ក​មិនបាន​ចុះ​ពី​រថយន្ដ​ទេ ដោយបាន​ព្យាយាម​បើករថយន្ដ​គេច​បាន​ប្រមាណ​១ គីឡូម៉ែត្រ ត្រូវ​នគរបាល​ឃាត់​បាន​ទាំង​អ្នកបើកបរ​និង​រថយន្ដ រួច​ប្រគល់ឱ្យ​នគរបាល​ចរាចរណ៍​ជើងគោក​រាជធានី​ភ្នំពេញ ស្ទូច​យកទៅ​រក្សាទុក​នៅ​ការិយាល័យ​នគរបាល​ចរាចរណ៍​ជើងគោក​រាជធានី ភ្នំពេញ រង់ចាំ​ដោះស្រាយ​តាមផ្លូវ​ច្បាប់ ៕

 

Leave a Reply

(*) Required, Your email will not be published