យល់ដឹង​ពី​ជំងឺផ្លូវចិត្ត និង​វិធីសាស្ត្រ​មួយចំនួន​ថែរក្សា បង្ការ​ទប់ស្កាត់​

, , Leave a comment

​គេ​តែង​និយាយថា ផ្លូវចិត្ត​គឺជា​ក្តីកង្វល់​របស់​មនុស្ស​ស្រី តែប៉ុណ្ណោះ​ប៉ុ​ន្ត​ចំពោះ​បុរស​វិញ​ក៏មាន​បញ្ហា​ចោទ​ផ្នែក​ផ្លូវចិត្ត​ដូចគ្នា​ដែរ ។ ខាងក្រោម​នេះ​គឺជា​ជំងឺផ្លូវចិត្ត​ទាំង ៧ យ៉ាង​របស់​បុរស​ដែល​អាច​បំផ្លាញ​ដល់​សុខភាព និង​ពុំ​អាច​មើលស្រាល​បានឡើយ ៖

angry-computer-large

១-​ចិត្ត​ប្រទូសរ៉ាយ​
​នៅក្នុង​សង្គម​នៃ​ការប្រកួតប្រជែង​យកឈ្នះ​ចាញ់ គឺ​ពុំ​អាច​រួមសហការ​ជាមួយនឹង​មនុស្ស​ផង​ទាំងឡាយ ដូច្នេះ​ងាយ​នឹង​បណ្តាលឱ្យ​មានចិត្ត​ប្រទូសរ៉ាយ ។ អ្នកឯកទេស​បាន​រក​ឃើញថា ទឹកចិត្ត​ប្រទូសរ៉ាយ​ដែល​បណ្តាល​ឱ្យទៅជា​ក្តីកង្វល់ និង​ការ​អស់សង្ឃឹម​នោះ​អាច​បង្កឱ្យមាន​គ្រោះថ្នាក់​នៃ​ជំងឺ​បេះដូង ពីព្រោះ​ទឹកចិត្ត​ប្រទូសរ៉ាយ​ដែល​រ៉ាំរ៉ៃ​យូរអង្វែង​អាច​បំផ្លិចបំផ្លាញ​ប្រព័ន្ធ​ស៊ាំ​នឹង​ជំងឺ​នៃ​រាងកាយ​របស់​បុរស ។ ម្យ៉ាងទៀត​រឹតតែ​ធ្វើឱ្យ​ប្រព័ន្ធ​បេះដូង​ប​ង្កើ​ត​បានជា​កម្លាំង​សម្ពាធ​ហើយ​ធ្ងន់​ជាងនេះទៀត​អាច​បណ្តាលឱ្យ​បេះដូង​ទទួល​ការខូចខាត​ទៀតផង ។​

 

​វិធី​ទប់ស្កាត់ ៖ ហាត់ពត់​ចិត្តគំនិត ។ ធ្វើ​ចិត្ត​ឱ្យ​នឹងធឹង​ដើម្បី​រួមសហការ​ជាមួយនឹង​អ្នក​ឯទៀត ។ ត្រូវ​យល់​ដឹងថា ការចេះ​ជួយ​ធ្វើឱ្យ​សម្រេចការ​ដល់​អ្ន​ក​ដទៃ​ទើប​អាច​ទទួលបាន​ផល​សម្រេច​ដោយ​ខ្លួនឯង​ផ្ទាល់ ។​

 

២-​ក្រេវក្រោធ​
​ការបរិភោគ​ក្នុង​បរិមាណ​ច្រើន​ជ្រុល​គឺមាន​ទំនាក់ទំនង​ដល់​ថាមពល​ដល់​ក្រុម​ញាតិសន្តាន​នៃ​ជីវជាតិ B ដែល​អាច​ចំណាយ​ច្រើន ។ ដូច្នេះ​កង្វះ​នូវ​ជី​វជា​តិ​ B1 អាច​បណ្តាលឱ្យ​ចរិត​មនុស្ស​ឆាប់​ខឹង​ឆេវឆាវ និង វង្វេងវង្វាន់ ។​

 

​តាម​ការស្រាវជ្រាវ​បាន​រកឃើញថា​កង្វះ​ជីវជាតិ B3 គឺមាន​ទាក់ទង​ដល់​ក្តីកង្វល់ ។ រីឯ​ជីវជាតិ B6 ពុំ​គ្រប់គ្រាន់ បណ្តាលឱ្យ​ថាមពល​នៃ​ការ​រិះគិត​ធ្លាក់ចុះ ។ ម្យ៉ាងទៀត​ការបរិភោគ​ជាតិ​សាច់​ច្រើន​ជ្រុល​ដែល​អាចធ្វើឱ្យ​កម្រិត​នៃ​ក្រពេញ​តម្រង​ទឹកនោម​កើនឡើង​ខ្ពស់​ គឺ​រឹតតែ​ងាយ​ធ្វើឱ្យ​មនុស្ស​ឆាប់​ខឹ​ង​ក្រេ​វ​ក្រោ​ធ ។​

 

​វិធី​ទប់ស្កាត់​៖ ទទួលទាន​ទឹកតែ​ផ្កា​កុលាប និង​ទឹកតែ​ផ្លែ​ម៉ាក​ប្រា​ង​, ផឹកស្រា​បៀរ​បន្តិចបន្តួច​, មើម​ឈូក​ស្ងោរ​, ការ៉ុត​ឆៅ (​បើ​មាន​ជំងឺ​ក្រពះ​អាច​ទទួ​ល​ទា​ន​​ទឹក ស៊ុប​ការ៉ុត​) ។​

 

៣-​ទុក្ខព្រួយ​
​បើ​ផ្អែក​តាម​ការវិភាគ​ផ្នែក​វិទ្យាសាស្ត្រ​មនុស្ស​ដែលមាន​ទុក្ខព្រួយ គឺ​ដោយសារតែ​ជាតិ​អាមីណូអាស៊ីដ​នៅក្នុង​រាងកាយ​ពុំមាន​តុល្យ​ភាពជា​យូរអង្វែង ។ ម្យ៉ា​ងទៀត​ប្រសិនបើ​នៅក្នុង​រាងកាយ​របស់​បុរស​ខ្វះ​សារជាតិ ម៉ាញ៉េ​ស្យូ​ម ក៏​ជា​មូលហេតុ​បណ្តាលឱ្យមាន​ទុក្ខព្រួយ​ដែរ ។​

 

​វិធី​ទប់ស្កាត់ ៖ ស៊ុប​ឆ្អឹង​សត្វ​, ជីវជាតិ B ។ ម្យ៉ាងទៀត​ក្នុង​មួយថ្ងៃ​ត្រូវ​ស្រូបយក​នូវ​អាហារ​មិនតិចជាង ២០ ប្រភេទ ហើយ​ក្នុងចំណោម​នោះ​គឺ​បន្លែ ផ្លែ​ឈើ​​មិនឱ្យ​តិចជាង ៥ ប្រភេទ​ឡើយ ។​

 

៤-​មន្ទិលសង្ស័យ​ច្រើន​
​ការ​មាន​មន្ទិលសង្ស័យ​ច្រើន​អាច​បណ្តាលឱ្យ​ស​ន្ទ​ស្សន៍​នៃ​សុវត្ថិភាព​ចិត្តគំនិត​ធ្លាក់ចុះ ពីព្រោះ​ការមន្ទិលសង្ស័យ​ច្រើន​ក៏​បណ្តាល​ឱ្យទៅជា​ភ្នក់​ភ្លើង​ស​ង្គ្រា​​ម​​រវាង​ភេទ​ទាំងពីរ​ដែរ ។ ម្យ៉ាងទៀត​ការមន្ទិលសង្ស័យ​ច្រើន​ក៏​ធ្វើឱ្យ​មនុស្ស​គ្រប់រូប​ដេក​មិន​លក់​បក់​មិន​ល្ហើយ និង​ទទួលទាន​អាហារ​ក៏​មិន​ឆ្ងាញ់​ដែរ ។ ដូច្នេះ​ផ្តើមចេញពី​ការទទួល​ទាន​អាហារ​មិន​ឆ្ងាញ់​និង​កង្វះ​នូវ​ជីវជាតិ​គ្រប់​ប្រភេទ​ក៏​ជា​បញ្ហា​ចោទ​យ៉ាង​ធ្ងន់​សម្រាប់​ការ​បំប៉ន​សុខភាព​ដែរ​។ ការ​ស្រាវ​ជ្រាវ​​បាន​រកឃើញថា​អ្នក​ដែល​ទទួលទាន​អាហារ​បួស​អាច​ជះឥទ្ធិពល​ដល់​ថាមពល​នៃ​កោសិកា​ដែល​បាន​ប្រើប្រាស់​ព្រមទាំង​ធ្វើឱ្យមាន​ភាព​ច្របូក​ច្រប​ល់​​ដល់​ប្រព័ន្ធ​ខួរក្បាល និង​ប្រព័ន្ធ​សរសៃប្រសាទ ។ ដូច្នេះ​ងាយ​នឹងដាក់​បន្ទុក​យ៉ាង​ធ្ងន់​ដល់​ការមន្ទិលសង្ស័យ ។ ម្យ៉ាងទៀត​ក្នុងការ​ទទួលទាន​អាហារ​ដោយ​ខ្វះ​នូវ​សារជាតិ​ស័ង្កសី យូរអង្វែង គឺអាច​បណ្តាលឱ្យ​មានចិត្ត​គំនិត​ពុំ​នឹងនរ និង​ការមន្ទិលសង្ស័យ​ច្រើន ។​

 

​វិធី​ទប់ស្កាត់ ៖ គួរ​ទទួលទាន​អាហារ​ប្រភេទ​សាច់សត្វ​និង​គ្រឿង​សមុទ្រ​ស្រស់​បន្តិចបន្តួច ដើម្បី​កែសម្រួល​អារម្មណ៍​ឱ្យបាន​ល្អ ។ ម្យ៉ាងទៀត​ការទទួល​ទាន​ចំណី​កំប៉ិកកំប៉ុក​បន្តិចបន្តួច​ក៏​អាចជួយ​ធ្វើឱ្យ​ស​ន្ទ​ស្សន៍​នៃ​សុវត្ថិភាព​ចិត្តគំនិត​កើន​ខ្ពស់​ឡើងវិញ​ដែរ ។​

 

៥-​ភាព​ស្រងូតស្រងាត់​
​ក្រៅពី​ជីវិត​ស្នេហា​ជួប​រឿង​អភ័ព្វ​តើ​នៅ​មានរឿង​អ្វី​ផ្សេងទៀត​ដែល​ធ្វើឱ្យ​ពួក​បុរស​ពិបាកចិត្ត​? ការវិភាគ​រកឃើញថា​ជាតិ​ស្ករ​នៅក្នុង​ឈាម​ពុំ​គ្រប់គ្រាន់​អា​ច​​បណ្តាលឱ្យ​ក្លាយជា​ស្រយុតស្រយង់ ។ ម្យ៉ាងទៀត​សារធាតុពុល​នៃ​ជាតិ​បា​រ៉​ត​ក៏​ជា​មូលហេតុ​ដ៏​សំខាន់​ដែល​បណ្តាលឱ្យមាន​ភាព​ស្រងូតស្រងាត់​ដែរ ។ តួយ៉ាង​ដូចជា​ក្បាល​ទង​ផ្សិត​ ត្រចៀកកណ្តុរ​ក្រៀម គឺ​ប្រហែលជា​អាច​បន្សល់ទុក​នូវ​សារ​ជាតិ​បា​រ៉​ត ដែលជា​ការ​គ្រប់គ្រាន់​បង្កឱ្យមាន​គ្រោះអាសន្ន​ដ​ល់​​ផ្លូវចិត្ត​របស់​បុរស ។​

 

​វិធី​ទប់ស្កាត់ ៖ ប៉ះប៉ូវ​បាន​គ្រប់គ្រាន់​នូវ​ជាតិ​កាបូ​អ៊ី​ដ្រា​ត​ហើយ​យក​ល្អ​គឺ​អាហារ​ប្រភេទ​គ្រាប់​ធញ្ញជាតិ ។ ម្យ៉ាងទៀត​មុននឹង​ទទួលទាន​នូវ​ប្រភេទ​ផ្សិត​ក្រៀម​​​ឬ​ត្រចៀក កណ្តុរ​ក្រៀម ត្រូវ​ត្រាំ​ទឹក​ឱ្យបាន​ចាប់ពី ១០ នាទី ឡើងទៅ​ព្រមទាំង​លាង​ទឹក​ក្បាលម៉ាស៊ីន​រ៉ូ​ប៊ី​ណេ​ច្របល់​ចុះឡើង​ច្រើ​ន​លើ​ក​ច្រើ​ន​សា ។​

 

៦- ការភ័យខ្លាច​
​តើ​បុរស​ចេះ​ភ័យខ្លាច​ដែរឬទេ ? ពិត​ហើយ​ម្យ៉ាងទៀត​ពួកគេ​ឧស្សាហ៍​ធ្លាក់​ចូលក្នុង​ភាពភ័យខ្លាច​ទៀតផង ។ ប៉ុន្តែ​គ្រាន់តែ​ពួកគេ​ពុំបាន​សម្តែង​នូវ​អាការ​ភ័យខ្លាច​ដោយ​ងាយៗ​ប៉ុណ្ណោះ ។ អ្វីដែល​ធ្វើឱ្យ​ពួក​បុរស​មានការ​ភ័យខ្លាច​និង​មាន​កង្វល់​នោះ គឺ​ក្តី​ព្រួយបារម្ភ​ធំជាងគេ​នៅ​ផ្នែក​ពង្រីក​មុខរបរ​ជួញដូរ និង​កិច្ចការងារ​ដែល​បណ្តាល​ឱ្យមាន​កម្លាំង​សម្ពាធ​កៀបសង្កត់​ហើយក៏​អាច​បំផ្លិចបំផ្លាញ​ដល់​សុខភាព​របស់​ពួកគេ​ដែរ ។ តាម​ការ​បូកសរុប​ស្ថិតិ​រិ​បស់​អាមេរិក​បានឱ្យដឹង​ថា សង្គម​បច្ចុប្បន្ននេះ​ចំពោះ​ពេលវេលា​ដេក​ប្រចាំថ្ងៃ​របស់​បុរស​ជា​មធ្យម​បាន​កាត់បន្ថយ ២,៨ ម៉ោង​ដោយ​ការភ័យខ្លាច​បាត់​បង់កា​រងារ​បាន​ក្លាយជា​ទុក្ខ​កង្វល់​ក្នុង​ជីវភាព​រស់នៅ​រប​ស់បុ​រស ។ ម្យ៉ាងទៀត​ការភ័យខ្លាច​រប​ស់បុរ​ស​មួយ​ករណី​ទៀត គឺ​ការបាត់បង់​នូវ​សមត្ថភាព​ឯករាជ្យ​ដូច្នេះ​ត្រូវតែ​ពឹង​ញក់​អ្នកដទៃ​ជួយ​ទំនុកបម្រុង ។ នៅពេលដែល​សុខភាព​របស់​បុរស​ចោទ​ជា​បញ្ហា​ពួកគេ​មាន​ភាព​តក់ស្លុត​ជាង​ពួក​បុរស​ភេទ​ទៅទៀត ។ ដូច្នេះ​ពួក​បុរស​ទាំងនោះ​មិន​ទៅកាន់​មន្ទីរពេទ្យ​ទេ ព្រោះ​ពួកគេ​សុខចិត្ត​ជ្រើស​រើសយក​ការ​គេចវេះ ។​

 

​វិធី​ទប់ស្កាត់ ៖ រក្សា​រាល់​ទំនាក់ទំនង​ល្អ​ជាមួយនឹង​មិត្តភក្តិ និង​សមាជិក​ក្រុមគ្រួសារ​ដើម្បី​ជួយ​កាត់បន្ថយ​នូវ​កម្លាំង​សម្ពាធ​ខ្លួនឯង​ផ្ទាល់ ។ ម្យ៉ាងទៀត​បើ​ជា​ការចាំបាច់​គឺ​ត្រូវ​ស្វែងរក​ជំនួយ​ពី​គ្រូពេទ្យ​ចិត្តសាស្ត្រ ។​

 

៧-​ចរិតលក្ខណៈ​
​បុរស​រឹតតែ​ត្រូវការ​ឱ្យគេ​ស្រឡាញ់ ។ តាម​ការស្រាវជ្រាវ​រប​ស់​អាល្លឺម៉ង់​បានឱ្យដឹងថា ចំពោះ​បុរស​ដែល​យល់ឃើញថា​ប្រពន្ធ​ស្រឡាញ់​ខ្លួន​នោះ​អត្រា​នៃ​ជំងឺផ្លូវចិត្ត​មាន​កម្រិត​ទាប​ជាង​ពួក​បុរស​ខ្លះ​ដែល​ពុំ​ត្រូវបាន​គេ​ស្រឡាញ់ ។ ដូច្នេះ​សេចក្តីស្នេហា​នៃ​ជីវភាព​រស់នៅ​រប​ស់បុ​រស​ពុំ​ងាយ​នឹង​សម្របសម្រួល​បា​ន និង​ត្រូវ​ចាប់យក​នូវ​ទម្លាប់​អាក្រក់ ។ នៅក្នុង​ចំណុច​នេះ​បុរស​ប្រៀបដូចជា​កូនក្មេង​អ៊ីចឹង ។ ប៉ុន្តែ​បុរស​មិន​ចូលចិត្ត​ឱ្យគេ​ប្រដូច​ឱ្យទៅជា​កូនក្មេង​ឡើ​​យ​​ហើយ​ប្រសិន បើ​ប្រពន្ធ​នៅតែ​ចាត់ទុក​ពួកគេ​ជា​កូនក្មេង​នោះ​ពួកគេ​ក៏​ចាត់ទុក​ប្រពន្ធ​ជា​“​អ្នក​ម្តាយ​”​ដែរ ។ តួអង្គ​របស់​ប្រពន្ធ​កាន់តែ​ខិតជិត​អ្នក​ម្តា​យ​​គឺ​ពួក​បុរស​ទាំងនោះ​រឹតតែ​ពិបាក​ប្រើ​ស្នៀត​រួមភេទ​ជាមួយនឹង​ពួកនាង ។ ពួក​បុរស​សុទ្ធតែ​ផ្តោត​ក្តី​សង្ឃឹមថា មាន​គេ​កោតសរសើរ​ចំពោះ​សមត្ថភាព​សិច ។ ដូច្នេះ​ត្រូវឱ្យ​ពួកគេ​សម្តែង​ចេញ​ឱ្យបាន​កាន់តែ​ល្អ​គឺ​ត្រូវតែ​ជួយ​លើកទឹកចិត្ត​ដល់​ពួកគេ​ឥតឈប់ឈរ​ឡើយ ហើយ​ទោះជា​សម្តែង​ឆាកល្ខោន​ក្លែ​ង​ក្លាយ​ក៏​ជា​ការពិត​គឺ ពួក​បុរស​ទាំងនោះ​អាច​ទទួលយកបាន​ទាំងអស់​ដោយ​ក្តី​រីករាយ​ទៀតផង ៕

 

Leave a Reply

(*) Required, Your email will not be published