ការស្លាប់​របស់​បុរស​ម្នាក់​លើ​ទូក​កម្សាន្ត ទាំង​ម្ចាស់​ទូក ទាំង​ក្រុមហ៊ុន គ្មាន​ភាព​ទទួល​ខុស​ត្រូវ ដោះសារ​យករួចខ្លួន​

, , Leave a comment

​រាជធានី​ភ្នំពេញ ៖ ហេតុការណ៍​ភ្ញាក់ផ្អើល​មួយ​បាន​កើតឡើង ខណៈដែល​កម្មវិធី​ជប់លៀង​បុគ្គលិក នៅលើ​ទូក​កម្សាន្ត​មួយ​យីហោ​ចតុមុខ​០៥ បានសម្លាប់​បុគ្គលិក​ដោយ​ស្ថិតនៅក្នុង​ស្ថានភាព​អាថ៌កំបាំង ។ ហេតុការណ៍​បុរស​ម្នាក់​ធ្លាក់​ពីលើ​ទូក​នេះ​បាន​កើតឡើង​កាលពី​វេលា​ម៉ោង ៧ យប់ ថ្ងៃទី​២៧ ខែតុលា ឆ្នាំ​២០១៣ នៅ​ចំណុច​ទន្លេចតុមុខ​មុខ​ផ្សារ​ត្រី ស្ថិតក្នុង​សង្កាត់​វត្ដ​ភ្នំ ខណ្ឌដូនពេញ​។​

012 (3)

​ជន រងគ្រោះ​មានឈ្មោះ កែវ វាសនា ភេទ​ប្រុស អាយុ​២៨​ឆ្នាំ ជា​បុគ្គលិក​ក្រុមហ៊ុន​ម៉ូ​ប៊ី​ថែ​ល ស្នាក់​នៅផ្ទះ​លេខ​២៦៤ ផ្លូវ​លេខ​១៤៦ សង្កាត់​ទឹកល្អក់​២ ខណ្ឌទួលគោក ។

 

​ប្រភពព័ត៌មាន​ពី​ក្រុមគ្រួសារ​ជនរងគ្រោះ​បាន​ឲ្យ​ដឹងថា ក្នុង​ថ្ងៃកើតហេតុ​នោះ​ក្រុមហ៊ុន​បានរៀបចំ​ពិធីជប់លៀង​សម្រាប់​បុគ្គលិក​ដោយ​ជួល​ទូក​កម្សាន្ត​ជិះ​ទៅ​ផឹកស៊ី​សប្បាយ​នៅ​កណ្ដាលទន្លេ​។ លុះ​ពេល​ត្រឡប់មកវិញ​ក៏​ស្រាប់តែ​បុរសរងគ្រោះ​នោះ​ធ្លាក់​ពីលើ​ទូក​នោះ​តែម្ដង ហើយ​រហូតមក​ដល់ពេលនេះ​នៅ​មិនទាន់​រកឃើញ​សព​នៅឡើយ​។ ប្រភព​ដដែល​បាន​បន្តទៀតថា​បញ្ហា​នៃ​កា​​រ​ស្លាប់​របស់​បុរសរ​ង​គ្រោះ​ស្ថិតនៅក្នុង​ភាពអាថ៌កំបាំង ព្រោះ​មានការ​បិទបាំង​ព័ត៌មាន​ពី​សំណាក់​ម្ចាស់​ទូក​ក៏ ដូចជា​បុគ្គលិក​ក្រុមហ៊ុន​។ លុះ​ក្រោយមក​ទើប​បង្ហើប​ប្រាប់​តែ​ស្ថិតក្នុង​ភា​ព​មិ​ន​ច្បា​ស់​លា​ស់​ដដែល ព្រោះ​សំដី​រវាង​ម្ចាស់​ទូក និង បុគ្គលិក​ក្រុមហ៊ុន​មិន​ស៊ីសង្វាក់​គ្នា ហើយ​ការនិយាយ​ទៀតសោត​ក៏​ស្ថិតនៅក្នុង​ការលាក់លៀម​ទៀតផង​។​

012 (2)

​ពាក់ព័ន្ធ​នឹង​បញ្ហា​នេះ​ម្ចាស់​ទូក​ឈ្មោះ បាន​និយាយថា ជា​រៀងរាល់ឆ្នាំ​ក្រុមហ៊ុន​តែងតែ​ជួល​ទូក​គាត់​សម្រាប់​ពិធីជប់លៀង នោះ​មិន​ដែលមាន​បញ្ហា​នោះទេ ទើបតែ​ថ្ងៃកើតហេតុ​នោះ​ក៏មាន​រឿ​ង​ហេតុ​ដូច្នេះ​តែម្ដង​។ ម្ចាស់​ទូក​បន្តថា បុរស​នោះបាន​លោត​ពីលើ​ទូក​ដោយ​ខ្លួនឯង​មិន​ពាក់ព័ន្ធ​នឹង​បញ្ហា​ទូក​របស់គាត់​ឡើយ​។ ប៉ុន្តែ​គាត់​បាន​បញ្ជាក់ថា ទូក​របស់គាត់​មាន​បញ្ហា​ផ្នែក​ខាងស្ដាំ​ដែល​បុរសរងគ្រោះ​ធ្លាក់​នោះ ប៉ុន្តែ​គាត់​ពុំបាន​ប្រាប់​ក្រុមហ៊ុន​ឲ្យ​ដឹង​ពី​បញ្ហា​នេះ​ជាមុន​ទេ ។ បើតាម​សំដី​របស់​បុគ្គលិក​ក្រុមហ៊ុន​នោះ​វិញ​បាន​និយាយថា បុរសរងគ្រោះ​នោះ មិនបាន​លោត​ពីលើ​ទូក​នោះទេ ប៉ុន្តែ​បាន​បិទបាំង​ព័ត៌មាន ដោយ​ពុំ​ប្រាប់​ពី​មូលហេតុ​នៃ​ការធ្លាក់​ពីលើ​ទូក​នោះទេ គ្រាន់តែ​បញ្ជាក់ថា ក្នុងពេល​បុរស​នោះ​ធ្លាក់​ពីលើ​ទូក​នោះ​គឺមាន​បុរស​ម្នាក់ទៀត​បាន​លោត ទៅ​ជួយ​ដែរ តែ​មិនបាន​សម្រេច​ឡើយ ហើយ​បុរស​ដែល​លោត​ទៅ​ជួយ​នោះ​ក៏​ត្រូវបាន​ទូក​ផ្សេងទៀត​ចុះជួយ​ស្រង់​មិន ប៉ះពាល់​ដល់​អាយុជីវិត​នោះទេ​។

 012 (1) 

​ជុំវិញ​បញ្ហា​នេះ​ក្រុមគ្រួសារ​ជនរងគ្រោះ​បាន​សំណូមពរ​ដល់​ភាគី​ម្ចាស់​ទូក ក៏ដូចជា​បុគ្គលិក​ក្រុមហ៊ុន​សូម​ប្រាប់​ពី​មូលហេតុ​ពិតប្រាកដ​នៃ​ការ ធ្លាក់ទឹក​នេះ​ថា​តើ​បណ្ដាលមកពី​បញ្ហា​បច្ចេកទេស​ទូក ឬ​បញ្ហា​ផ្សេង និង បាន​សំណូមពរ​ដល់​សមត្ថកិច្ច​មេត្តា​ស៊ើបអង្កេត​បញ្ហា​នេះ​ផង ដើម្បី​ផ្ដល់​យុត្តិធម៌​ដល់​សព​ក៏​ដូច​ក្រុមគ្រួសារ​នៃ​សព​កុំ​ឲ្យ​មានការ មន្ទិលសង្ស័យ​៕

 

 

Leave a Reply

(*) Required, Your email will not be published