ឃាតក​ដែល​សម្លាប់​នារី​រងគ្រោះ​ប្លន់​យក​ម៉ូតូ​នោះ ត្រូវ​សមត្ថកិច្ច​វែកមុខ​ឃើញ​ហើយ ជាស​ង្សា​របស់​នារី​រង​គ្រោះ​

, , Leave a comment

​ខេត្ដ​កំពង់ស្ពឺ ៖ ជនដៃដល់​ម្នាក់​ត្រូវបាន​សមត្ថកិច្ច​នគរ​បាល​ស្រុក​គងពិសី​ធ្វើការ​ឃាត់ខ្លួន​បាន​កាល​ល្ងាច​ថ្ងៃទី​២៥ ខែតុលា ឆ្នាំ​២០១៣ នៅ ក្នុងភូមិ​ទួល​កា​តុ​ក ឃុំ​សែ​ដី ស្រុក​សំរោង​ទង ខេត្ដ​កំពង់ស្ពឺ ក្នុងករណី​សម្លាប់​សង្សារ​ប្លន់​យក​ម៉ូតូ ។ ជនសង្ស័យ​ឈ្មោះ ស៊ឹម ចាន់​ដា​រ៉ា អាយុ​២១​ឆ្នាំ ចំណែក​នារី​រងគ្រោះ​មាន ឈ្មោះ យ៉ុម យូ អាយុ​២២​ឆ្នាំ មាន​ទី​លំ នៅ​ភូមិ​ចាស់ ឃុំ​ពេជ្រ​មុនី ស្រុក​គងពិសី ខេត្ដ​កំពង់ស្ពឺ ។​

 

​តាម​ចម្លើយសារភាពរ​បស់ជនស​ង្ស័​យ​ប្រាប់​សមត្ថកិច្ច​ថា រវាង​រូបគេ​នឹង​នារី​រងគ្រោះ​បាន ស្គាល់គ្នា​ជា​យូរ​មកហើយ​(​សង្សារ​) តែ នាង​ជាម​នុស្ស​ដែល​ស្គាល់​គេ​ច្រើន​ទើប ធ្វើឱ្យ​រូបគេ​មាន​កំហឹង​រហូតមកដល់ ថ្ងៃទី​២៣ ខែតុលា ឆ្នាំ​២០១៣ រូបគេ​ក៏បាន ណាត់​នាង​មកជួប​គ្នា ហើយ​ដឹក​តាម​ម៉ូតូ ទៅកាន់​ទំនប់​ទឹកអូរ​ស្វាយ ស្ថិតនៅ​ឃុំ ស្រង់ ស្រុក​គងពិសី រួច​ក៏​ធ្វើ​សកម្មភាព សម្លាប់​រូបនាង​ចោល​នៅ​ទីនោះ​តែម្ដងទៅ ។ ជនសង្ស័យ​បន្ដថា​ក្រោយ​ធ្វើ​សកម្ម ភាព​ហើយ​រូបគេ​ក៏​យក ម៉ូតូ​របស់​នារី​រង គ្រោះ​គេចខ្លួន​រហូតដល់​ល្ងាច​ថ្ងៃទី​២៥ ខែតុលា ឆ្នាំ​២០១៣ ត្រូវ​សមត្ថកិច្ច​ចាប់ បានតែ​ម្ដង ។​

 

​ជនសង្ស័យ​បានបញ្ជាក់​ថា ហេតុដែល នាំឱ្យ​រូបគេ​ស្អប់​នាង ដោយសារ​រូបគេ​បាន​ចំណាយ​ប្រាក់​អស់យ៉ាង​ច្រើន​ក្នុង​ការដើ​លេង​ស៊ីចាយ​ជាមួយគ្នា​រហូតដល់​ពេល​ថ្មី​នេះ​គេ​ដឹងថា នាង​មាន​ទំនាក់ទំនង​ជាមួយ​អ្នកផ្សេង​រូបគេ​ក៏​រៀបចំ​ផែនការ​សម្លាប់​នាង​ចោល​តែម្ដងទៅ ។ ទោះជា​យ៉ាងណា​នេះ​ទំនង​គ្រាន់តែ​ជា ពាក្យដោះសារ​បស់ជនស​ង្ស័​យ​ប៉ុណ្ណោះ មិនទាន់​យកជាការ​បានឡើយ ។​

27-10-2013_Kgspeu

​បន្ទាប់ពី​មាន​ករណី​ឃាតកម្ម​កើតឡើង​សមត្ថកិច្ច​បាន​ចុះ ស្រាវជ្រាវ​រហូតដល់​ឃាត់ខ្លួន​ជនសង្ស័យ ខាងលើ​បាន ហើយ​ពេលនេះ​កំពុង​កសាង ឯកសារ​បញ្ជូន​ទៅកាន់​តុលាការ​ដើម្បី ចាត់ការ​តាមផ្លូវ​ច្បាប់​៕

 

Leave a Reply

(*) Required, Your email will not be published