ស្ត្រី​ម្នាក់​ត្រូវ​ប្តី​ហេងស៊យ វាយ​សុះសាច់​ជាំ​ពេញ​ខ្លួន ព្រោះ​ភ្លើង​ប្រចណ្ឌ​

, , Leave a comment

​ខេត្តបន្ទាយមានជ័យ ៖ ដោយសារ​ភ្លើង​ប្រចណ្ឌ​ស្ត្រី​ម្នាក់​បាន​រងរបួស​សុះសាច់​ជាំ​ពេញ​ខ្លួន ដោយសារតែ​ប្តី​វាយ​ធ្វើបាប ខណៈដែល​ទៅធ្វើ​ការ​ក្នុង​ដី​ថៃ។ ការវាយដំ​លើ​រូបរាងកាយ​នេះ​កើតឡើង​កាលពី​ថ្ងៃទី​២៤ តុលា ២០១៣ ស្ថិតក្នុង​ភូមិ​ឡៅ​អយ ស្រុក​គោក​ធ្យូង ខេត្ត​ស្រះកែវ ប្រទេស​ថៃ ។​

woman (1)

​ស្ត្រី​រងគ្រោះ​មានឈ្មោះ ឃុ​ត សៀត អាយុ ៤១​ឆ្នាំ ស្នាក់នៅ​ភូមិ​ទំនប់​ក​៥ សង្កាត់​ប៉ោយប៉ែត ក្រុង​ប៉ោយប៉ែត មាន​ស្រុកកំណើត​នៅ​ស្រុក​ស្ទោង ខេត្តកំពង់ធំ បាន​រៀបរាប់​ឲ្យ​ដឹងថា ប្តី​គាត់​មានឈ្មោះ ឆៃ ហៅ​ឌិន អាយុ ៣៦​ឆ្នាំ ជា​ប្តី​ក្រោយ​រស់នៅ​ជាមួយគ្នា​បាន ១​ឆ្នាំ​។ ស្ត្រី​រងគ្រោះ​បាន​បន្តថា  គាត់ និង​ប្តី បាន​ទៅធ្វើ​ការ​ស៊ីឈ្នួល​ឲ្យ​គេ​ក្នុង​ដី​ថៃ ដោយ​ប្តី​របស់គាត់​មានការ​ប្រចណ្ឌ ក៏បាន​វាយ​ធ្វើបាប​គាត់​របួស​សុះសាច់ និង​ក្បាល ធ្វើ​ឲ្យ​គាត់​ទ្រាំ​ពុំបាន ក៏​លួច​រត់​ចូលទៅ​ពួន​ក្នុងព្រៃ តាំងពី​វេលា​ម៉ោង ៩​យប់ ថ្ងៃទី​២៤ តុលា ២០១៣  លុះ​មកដល់​ព្រលប់​ថ្ងៃទី​២៥ តុលា នេះ រូបគាត់​បាន​លូន​ចេញពី​ព្រៃ​រត់​ចេញមក​បាន​ជួបនឹង​ជនជាតិ​ថៃ​ម្នាក់ សុំ​ពឹង​គេ​ឲ្យ​ជួយ​ដឹក​តាម​ឡាន​មកដល់​ភូមិ​ណង​កំប៉ុង ស្រុក​អារញ្ញ​។ បន្ទាប់ពី​មកដល់​ស្រុក​អារញ្ញ ស្ត្រី​ខាងលើ​ក៏បាន​ជួប​ជនជាតិខ្មែរ អ្នកធ្វើការ​នៅ​ទីនោះ ក៏​សុំ​គេ​តាម​ឡាន​បន្ត​មក​រហូតដល់ ៣​ដំណាក់ ទម្រាំ​មកដល់​ព្រំដែន​ជួបនឹង​សមត្ថកិច្ច​។​

 

​តាម​ប្រភពព័ត៌មាន បាន​ឲ្យ​ដឹងថា ដោយមាន​ការអន្តរាគមន៍​ពី​ប៉ូលិស​ការពារ​ព្រំដែន​គោក​៩១១ និង​អាជ្ញាធរ​ភូមិ បាន​ហៅ​រថយន្ត​សង្គ្រោះ​របស់​អង្គការ​ខាំ​ម៉ា ដឹក​ស្ត្រី​រងគ្រោះ​ព្រោះ​ប្តី​ប្រចណ្ឌ​វាយ​សុះសាច់​ទៅ​ព្យាបាល​ជា បន្ទាន់​នៅ​មន្ទីរពេទ្យបង្អែក​ក្រុង​ប៉ោយប៉ែត​។​

 woman (2)

​ចំណែក​ប្តី​ដៃដល់ តាម​សេចក្តីរាយការណ៍​ពី​ព្រំដែន បាន​ឲ្យ​ដឹងថា កាលពី​យប់​ថ្ងៃ​ដដែល​នេះ ប្តី​បង្ក​ហិង្សា​លើ​ប្រពន្ធ​នោះ បាន​លួច​ចូលមក​ផ្ទះ​របស់ខ្លួន ក៏ត្រូវ​អាជ្ញាធរ​ភូមិ​ព័ន្ធ​ចាប់បាន ហើយ​រាយការណ៍​ទៅ​ប៉ូលិស​ការពារ​ព្រំដែន​គោក​៩១១ ឲ្យ​មក​ទទួល​យកទៅ​ទីបញ្ជាការ​វរ​ព្រំដែន​គោក​៩១១ ដើម្បី​ធ្វើការ​សួរនាំ​បន្ត​៕

 

Leave a Reply

(*) Required, Your email will not be published