ព្រឹត្តិការណ៍​ភ្ញាក់ផ្អើល​មួយ​ដែល​បង្កឡើង​ដោយ​ក្មេង​ទំនើង រម្លឹក​គោលនយោបាយ​ភូមិ​-​ឃុំ​មាន​សុវត្ថិភាព​

, , Leave a comment

ខេត្តបន្ទាយមានជ័យ ៖ គោលនយោបាយ​ភូមិ​-​ឃុំ​មាន​សុវត្ថិភាព ត្រូវបាន​គេ​អនុវត្ត​ជារឿយៗ តែ​មិនអាច​បង្ក្រាប​នូវ​ពួកក្មេង​ទំនើង​បាន ។ ជាក់ស្ដែង​កាលពី​វេលា​ម៉ោង​ប្រមាណ ១០​យប់ថ្ងៃទី​២៥ តុលា ២០១៣ នៅលើ​ផ្លូវ​បេតុង​ក្នុង​វត្ត​សូរិយា​រាម ហៅ​វត្ត​ថ្មី ស្ថិតក្នុង​ភូមិ​បា​លិ​លេ​យ្យ​១ សង្កាត់​ប៉ោយប៉ែត ក្រុង​ប៉ោយប៉ែត មាន​ក្រុម​ក្មេង​ទំនើង​មួយក្រុម​ជិះ​ម៉ូតូ ៥ ទៅ ៦​គ្រឿង មាន​គ្នា​ប្រហែល ១០​នាក់ ប្រដាប់​ដោយ​ដុំថ្ម កាំបិត ដែក នាំគ្នា​គប់​ដំបូលផ្ទះ​អ្នកស្រុក​មួយ​គ្រួសារ​ឈ្មោះ ហៀ​ង ឆឺ​យ ភេទ​ស្រី អាយុ ៥៤​ឆ្នាំ ដែលមាន​ផ្ទះ​នៅជាប់​របង​វត្ត បង្ក​ការភ្ញាក់ផ្អើល​ទាំងយប់​។​

26-10-2013_bt (2) 

​អ្នកស្រុក​រកឃើញ​កាំបិត​ធ្វើ​ម្ហូប​១ និង​ដែក​តូច​១ នៅ​កន្លែងកើតហេតុ​ជា​របស់​ភាគី​បង្ក ដែល​គប់​ពាសវាល​ពាសកាល ប្រគល់​ឲ្យ​សមត្ថកិច្ច​នគរបាល​ប៉ុស្តិ៍​រដ្ឋបាល​សង្កាត់​ប៉ោយប៉ែត ដើម្បី​ធ្វើ​កំណត់ហេតុ​។ តាម​អ្នកស្រុក​និយាយថា ករណី​ខាងលើ​កើតមាន​ជិត ១​សប្ដាហ៍​ហើយ គឺមាន​ក្មេង ២​ក្រុម ឌឺដង​ដាក់គ្នា​រកកល​ចង់វាយ​កាប់​ចាក់​គ្នា​ជារឿយៗ ដោយ​មិនដឹង​មូលហេតុ​ពិតប្រាកដ​ឡើយ​។​

 

​ស្ត្រី​ឈ្មោះ ហៀ​ង ឆឺ​យ និយាយថា ប៉ុន្មាន​ថ្ងៃ​ជាប់​គ្នា​នេះ គាត់​ក៏ដូចជា​គ្រួសារ​ផ្សេងៗ មានការ​ព្រួយបារម្ភ ខណៈដែល​ក្មេងៗ ទាំងនោះ ណាត់​រក​វាយ​កាប់​ចាក់​គ្នា​នៅក្នុង​វត្ត និង​មុខផ្ទះ​របស់គាត់ ហើយ​កាលដែល​ផ្ទះ​គាត់​ត្រូវគេ​នាំគ្នា​គប់​ដំបូល​នេះ គឺ​គ្រួសារ​គាត់​មិន​ដែលមាន​ជម្លោះ​អ្វី​ជាមួយ​ក្រុម​ក្មេងៗ ទាំង​នោះឡើយ​។

26-10-2013_bt (1)

​ទោះជា​យ៉ាងណា គេ​ឃើញ​សមត្ថកិច្ច​នគរបាលរ​ដ្ឋ​បាល​ប៉ុស្តិ៍​សង្កាត់​ប៉ោយប៉ែត បាន​ចុះ​ទៅដល់​កន្លែងកើតហេតុ​ប្រមូល​វត្ថុតាង ហើយដោយ​ក្រុម​បង្ក​បើក​ម៉ូតូ​គេច​អស់ សមត្ថកិច្ច​បាន​ណែនាំ​ឲ្យ​ស្ត្រី​ជា​ម្ចាស់ផ្ទះ​ទៅកាន់​ប៉ុស្តិ៍​រដ្ឋ បាល​ដាក់​ពាក្យបណ្ដឹង ដើម្បី​ឲ្យ​សមត្ថកិច្ច​បើក​ការស្រាវជ្រាវ​រក​ក្រុម​ក្មេង​ទំនើង​ទាំង នោះ​៕

 

Leave a Reply

(*) Required, Your email will not be published