ចម្រៀង​ដែលជា​ស្នា​ព្រះ​ហ​ស្ថ​របស់​សម្តេចព្រះសង្ឃរាជ ជួន ណាត លើក​កិត្យានុភាព​ជាតិ​ឋិត​ក្នុង​បេះដូង​កូន​ខ្មែរ​ជានិច្ច​

, , Leave a comment

​រាជធានី​ភ្នំពេញ ៖ ជា​បទ​ចម្រៀង​មួយ​ប្រភេទ​ដែល​យើងទាំងអស់គ្នា​ភាគច្រើន​បាន​ស្តាប់ និង​អ្នកខ្លះ​ធ្លាប់បាន​ច្រៀង​ទៀតផង ។ បទ​នេះ​ជា​ស្នា​ព្រះ​ហ​ស្ថ​របស់​សម្តេចព្រះសង្ឃរាជ ជួន ណាត(១៨៨៣ – ១៩៦៩) ។ ជាធម្មតា​បទ​នេះ​ត្រូវបាន​ចាក់ផ្សាយ​នៅតាម​វិទ្យុ​ពេលព្រឹកៗ ក៏ដោយ​ជា​ត្រូវបាន​សិស្សានុសិស្ស​ច្រៀង​យ៉ាង​ទ្រហឹងអឺងកង​លាន់​ឮសូរ​យ៉ាង​ពិ​រោះ​រណ្តំ​ពេញទី​ធ្លា​សាលា​នៅពេល​គោរព​ទង់ជាតិ ។

 

​មាន​លក្ខណៈ​ជាតិនិយម​ដោយបាន​ទូន្មាន​យើង​គ្រប់គ្នា​ឲ្យ​យល់ដឹង​ពី​សាវតារ និង​វប្បធម៌​ដ៏​រុងរឿង​របស់​យើង កាលពី​សម័យ​មហានគ​រ​ដែល​បាន​ផ្សព្វផ្សាយ​រហូតដល់​ចុង​បូព៌ា​។ បទ​នេះ​ក៏​បង្កប់​មនោសញ្ចេតនា​ស្នេហា​ជាតិ បណ្តុះ​គំនិត​ជាតិនិយម និង​បង្ហាញ​ពី​មោទកភាព​ដែល​បានកើត​មកជា​កូន​ខ្មែរ​រស់នៅ​លើទឹក​ដី​អាណាចក្រ​ខ្មែរ ។ ជាងនេះទៅទៀត​បទ​ចម្រៀង​នេះ​ក៏បាន​ដាស់សតិ​កូន​ខ្មែរ​គ្រប់រូប​ឲ្យ​ងើបឡើង​តាំងចិត្ត​ឲ្យ​មុតមាំ ដើម្បី​ថែរក្សា និង​លើកតម្កើង​វប្បធម៌​ជាតិ​ខ្លួន​ឲ្យ​រុងរឿង​ដូច​សម័យ​មហានគរ​។

Evening_

​បទ​ពង្សាវតារ​ខ្មែរ​

 

១. ខ្មែរ​អើយ ចូរ​ចាំ​ជាក់​ថា​តាម​សាវតារ ជាតិ​ខេមរា ធ្លាប់តែ​ថ្កើង ទឹកដី​ខ្មែរ​ធំ ទូលំទូលាយ សព្វ​សាយ​រុងរឿង​គេឯង តែង​លើកតម្កើង តម្កល់​ជាតិ​យើង​ចាត់ទុក​ឡើងជា​ជាតិ​ច្បង ។​
២. អារ្យធម៌ ខ្ពង់ខ្ពស់​ឆើតឆាយ បានចេញ​ផ្សព្វផ្សាយ គ្រប់​ទិស​ទាំងឡាយ ចុង​បូព៌ា​សាសនា​សិល្បៈ ចម្លាក់​វិចិត្រ គំនិត​សិក្សា​តន្ត្រី​ទស្សនវិជ្ជា ព្រះពុទ្ធសាសនា​ជាគោលការណ៍​ខ្មែរ​ផ្សាយ​ទៅ ។​
៣. ខ្មែរ​អើយ ចូរ​ស្ដាប់​សាវតារ ដែល​បាន​ចរចា បញ្ជាក់​ប្រាប់ថា ពូជខ្មែរ​ថ្កើង​តាំងចិត្ត​ឲ្យ​មាំ ខិតខំ​ប្រឹង​វេញ បញ្ចេញ​តម្កើង​តម្លៃ​នៃ​ជាតិខ្មែរ​យើង ឲ្យ​បាន​រុងរឿង​ជាថ្មី​ឡើង​តាម​សាវតារ ។​

 

Leave a Reply

(*) Required, Your email will not be published