ឃាតកម្ម​សម្លាប់​អាចារ្យ​វត្តភ្នំ​ជី​សូរ ត្រូវ​វែកមុខ​រក​ជនដៃដល់​ឃើញ​ហើយ​

, , Leave a comment

​ខេត្តតាកែវ ៖ ឃាតកម្ម​ដ៏​សាហាវព្រៃផ្សៃ​មួយ​ដែល​សម្លាប់​វាយ​សម្លាប់​លោកតា​អាចារ្យ វត្តភ្នំ​ជី​សូរ ប្លន់​យក​ទ្រព្យសម្បត្តិ កាលពី​ថ្ងៃទី ២៣ តុលា ២០១៣​នោះ ទីបំផុត​ឃាតករ​ត្រូវបាន​សមត្ថកិច្ច​វែកមុខ​ចាប់បាន​ហើយ​កាលពី​វេលា​ម៉ោង​៧ និង​២០​នាទី​ព្រឹក ថ្ងៃទី​២៤ តុលា ២០១៣ នៅ​ភូមិក​ញ្ចា​ញ ឃុំ​ស្លា ស្រុក​សំរោង ខេត្តតាកែវ រួមទាំង​វត្ថុតាង​មួយចំនួន​ទៀតផង​។​

 

​លោក​អធិការនគរបាល​ស្រុក​សំរោង បានឱ្យដឹងថា ជនសង្ស័យ​ជាម​នុស្ស​.​គ ឈ្មោះ សួស សុក ភេទ​ប្រុស អាយុ​២១​ឆ្នាំ រស់នៅ​ភូមិ​-​ឃុំ​ខាងលើ ត្រូវ​សមត្ថកិច្ច​ដកហូត​វត្ថុតាង រួមមាន​កូនកាំបិត​១ អាវ​ប្រឡាក់​ឈាម​១ ស្បែកជើង​១​គូ ដែល​ម្ខាង​លេខ​៩ និង​ម្ខាង​ទៀត​លេខ​១០ ត្រូវ​នគរបាល​បញ្ជូន​ទៅ​សាលាដំបូង​ខេត្ត ដើម្បី​ចាត់ការ​តាមច្បាប់​។​

1-5749

​គួររំលឹកថា  សាកសព​ជនរងគ្រោះ​ត្រូវបាន​គេ​ប្រទះឃើញ​កាលពី​យប់​ឈានចូល​ថ្ងៃទី ២៣ ខែតុលា ឆ្នាំ​២០១៣ នៅ​ខាងជើង វិហារ​វត្ដ​ភ្នំ​ជី​សូរ ស្ថិតក្នុង​ឃុំ​រវៀង ស្រុក សំរោង ខេត្ដ​តាកែវ ។ ហើយ​នៅមុន​ពេល​កើតហេតុ ល្ងាច​ថ្ងៃទី​២២ តុលា​ជនរងគ្រោះ​បាន​ឡើង​ទៅលើ​ភ្នំ ដើម្បី​សំណាក់​ធម៌​ដូច​សព្វមួយដង ហើយ នៅក្នុង​ខ្លួន​របស់​ជនរងគ្រោះ​គាត់​មាន ពាក់ចិញ្ចៀន​១​វង់​ទម្ងន់​២​ជី និង​លុយ​៤០ ម៉ឺន​រៀល​ព្រមទាំង​ទូរស័ព្ទ​១​គ្រឿង​ផង ។ នគរបាល​ស្រុក​សំរោង​បន្ដទៀតថា នៅពេល​ព្រលឹម​ស្រាងៗ​បងប្អូន​កូនចៅ​ជន រងគ្រោះ​ដោយសារ​បាត់​ជនរងគ្រោះ​យូរ មិនឃើញ​មក​ផ្ទះ​ក៏​នាំគ្នា​ទៅរក​នៅ​កន្លែង សំណាក់​ធម៌ តែ​ពុំ​ឃើញ​ជនរងគ្រោះ​នោះ ទេ ។ ដោយមាន​ការសង្ស័យ​ក្រុមគ្រួសារ ជនរងគ្រោះ​ក៏បាន​នាំគ្នា​ដើររក​បន្ដ ស្រាប់​តែមាន​ឃើញ​ស្នាម​ដី​នៅ​ខាងជើង ព្រះវិហារ​លើ​កំពូលភ្នំ​ជី​សូរ​ក៏​នាំគ្នា​កាយ មើល​ទើប​ឃើញ​សាកសព​ជនរងគ្រោះ ធ្វើឱ្យមាន​ការភ្ញាក់ផ្អើល​តែម្ដង ៕

 

Leave a Reply

(*) Required, Your email will not be published