ចង់​ល្បី ប្រើ​ស្ទៃ​យ៍​ថ្មី​ចូល​លួច​ទាំង​ព្រឹក ជាប់​ខ្នោះ​សមត្ថកិច្ច​

, , Leave a comment

​ខេត្ត​ព្រះសីហនុ ៖ បុរស​ម្នាក់​បាន​សាង​ព្រឹត្តិការណ៍​ភ្ញាក់​ទាំង​ព្រឹក​ព្រលឹម ដោយ​ធ្វើ​សកម្មភាព​ឡើង​តាម​ជញ្ជាំង​ផ្ទះ​រួច​ហែក​ដំបូលផ្ទះ​ចូលក្នុង​បន្ទប់​ជាន់​ទី​២ រើកកាយ​ទ្រព្យសម្បត្តិ ខណៈដែល​ម្ចាស់ផ្ទះ​កំពុង​នៅក្នុង​បន្ទប់ទឹក​។ ហេតុការណ៍​ដែល​បង្ក​ការភ្ញាក់ផ្អើល​មួយ​ឈុ​ល​ទាំង​ព្រឹក​ដល់​ប្រជាពលរដ្ឋ នគរបាល​មួយ​នេះ​បាន​កើតឡើង​កាលពី​វេលា​ម៉ោង​៨​ព្រឹក ថ្ងៃទី​២៤ ខែតុលា ឆ្នាំ ២០១៣ ស្ថិតនៅ​ក្រុម​៧ ភូមិ​២ សង្កាត់​២ ក្រុងព្រះសីហនុ ខេត្ត​ព្រះ​សី​ហុន​។​

24-10-2013_Sihanouk (1) 

​ជនសង្ស័យ​ដែល​ធ្វើ​សកម្មភាព​ហែក​ដំបូល​មិន​សម្រេច​មានឈ្មោះ​វី ជី​វ័​ន្ត ភេទ​ប្រុស អាយុ​១៩​ឆ្នាំ មុខរបរ និង​ទីលំនៅ​មិន​ពិតប្រាកដ​។ រីឯ​ម្ចាស់ផ្ទះ​ឈ្មោះ​សៅ វណ្ណា ភេទ​ស្រី អាយុ​២៩​ឆ្នាំ ជា​អ្នកលក់​សៀវភៅ មាន​ទីលំនៅ​កន្លែងកើតហេតុ​ខាងលើ​។​

 

​តាម​ប្រភពពី​ស្ត្រី​ជា​ម្ចាស់ផ្ទះ​បានឱ្យដឹងថា ក្នុង​កាបូប​ដែល​ជនសង្ស័យ​លួច​យក​នោះ​មាន​លុយ​៨០​ដុល្លារ អត្តសញ្ញាណប័ណ្ណ ក្រេ​ឌី​ត​កាត​១​សន្លឹក កាត​អេ​ធី​អ៊ឹម​១​សន្លឹក ទូរស័ព្ទ​ម៉ាក​សាំ​សុង​១​គ្រឿង និង​កូនសោ​ផ្ទះមួយ​ចំនួន​។​

24-10-2013_Sihanouk

​បច្ចុប្បន្ន​ជនសង្ស័យ​ត្រូវ​សមត្ថកិច្ច​ធ្វើការ​សាកសួរ និង​កសាង​សំណុំរឿង​បញ្ជូនទៅ​សលា​ដំបូង​ខេត្ត​ព្រះសីហនុ​ដើម្បី​ចាត់ការ​តាមច្បាប់​៕

 

Leave a Reply

(*) Required, Your email will not be published