លួច​ម៉ូតូរ​បស់បង ឲ្យ​មិត្តភក្តិ​បញ្ចាំ ត្រូវ​សមត្ថកិច្ច​ចាប់បាន​នឹង​កន្លែង​

, , Leave a comment

​រាជធានី​ភ្នំពេញ  ៖ ជនសង្ស័យ​ម្នាក់​ក្នុងចំណោម​បក្ខពួក​ពីរ​នាក់​ទៀត​ត្រូវបាន​សមត្ថកិច្ច​ចាប់​ឃាត់ខ្លួន ក្រោយ​ពេលដែល​បានទទួល​ពាក្យបណ្តឹង​ពី​ជនរងគ្រោះ​ជា​ម្ចាស់​ម៉ូតូ ។ ការឃាត់ខ្លួន​នេះ​ធ្វើឡើង​នៅវេលា​ម៉ោង​៥ និង​៤០​នាទី​ព្រឹក ថ្ងៃទី​២៤ ខែតុលា ឆ្នាំ​២០១៣ នៅក្នុង​ផ្ទះសំណាក់​រុងរឿង​ឋិត​នៅតាម​បណ្ដោយ​ផ្លូវលំ ភូមិ​ត្រពាំង​ឈូក សង្កាត់​ទឹកថ្លា ខណ្ឌ​សែន​សុខ ។​

 

​ជនសង្ស័យ​ដែល​ត្រូវ​ឃាត់ខ្លួន​មានឈ្មោះ កែវ សម្បត្ដិ ភេទ​ប្រុស អាយុ​១៩​ឆ្នាំ ជា​សិស្ស​វិទ្យាល័យ​ព្រះស៊ីសុវត្ថិ ស្នាក់​នៅក្នុង​សង្កាត់​អូរឫស្សី​ទី​៤ ខណ្ឌ​៧​មករា ។ ចំណែក​ម៉ូតូ​ដែល​ជនសង្ស័យ​យកមក​បញ្ចាំង​ម៉ាក​ស្គូ​ពី​ស៊េរី​ឆ្នាំ​២០១៤ ពណ៌​ស ពាក់​ស្លាក​លេខ​ភ្នំពេញ 1CB-5779 ជា​របស់​ឈ្មោះ អួ​ង សាវឿន ភេទ​ស្រី អាយុ​៣៥​ឆ្នាំ មុខរបរ​អាជីវករ ស្នាក់នៅ​សង្កាត់​អូរឫស្សី​ទី​៤ ខណ្ឌ​៧​មករា ។​

 

​តាម​សម្ដី​ម្ចាស់​ម៉ូតូ​និយាយថា នៅមុន​ពេល​កើតហេតុ​រូបគាត់​បាន​ទៅ​ចូលរួម​ពិធី​ខួបកំណើត​បងប្អូន ដោយបាន​ចាក់សោ​ម៉ូតូ​ទុក​នៅផ្ទះ ។ នៅពេល​ត្រឡប់មកវិញ​ក៏ត្រូវ​ប្អូនប្រុស​របស់ខ្លួន​ឈ្មោះ អា​តោ បានគាស់​ទូរ​លួច​យក​សោ​ម៉ូតូ​ជិះ​ចេញពីផ្ទះ​ទៅ​ជួប​មិ​ត្ដ​ភក្ដិ​របស់គេ​ឈ្មោះ កែវ សម្បត្ដិ និង​ឈ្មោះ ឃីម ហើយ​បានឱ្យ​ឈ្មោះ សម្បត្ដិ យក​កុង​ទ័​រ​ម៉ូតូ​បញ្ចាំ​បាន​ប្រាក់​៤០​ដុល្លារ ដើរ​ស៊ីផឹក​អស់ប្រាក់​នោះ​បន្ទាប់មក​ក៏​ទៅ​ដេក និង​ដាក់បញ្ចាំ​ម៉ូតូ​នៅផ្ទះ​សំណាក់​រុងរឿង ។​

 

​ប្រភព​បាន​បន្ដថា ដោយ​រូបគាត់​ត្រឡប់មក​ខួបកំណើត​បងប្អូន​វិញ​មិនឃើញ​ម៉ូតូ​បាន​ដើររក ក៏​ឃើញ​ម៉ូតូ​នៅក្នុង​ផ្ទះសំណាក់​រុងរឿង ពេលនោះ​ក៏បាន​ប្ដឹង​នគរបាល​ខណ្ឌ​។ លុះ​ព្រឹក​ឡើង​ឃើញ​ឈ្មោះ សម្បត្ដិ យក​ម៉ូតូ​ក៏ត្រូវ​នគរបាល​ឃាត់ខ្លួន​តែម្ដង ។​

photo-4(44)

​បច្ចុប្បន្ន​ជនសង្ស័យ ត្រូវបាន​សមត្ថកិច្ច​ឃាត់ខ្លួន​នៅ​អធិការដ្ឋាន ដើម្បី​សាកសួរ និង​កសាង​សំណុំរឿង​ចាត់ការ​បន្ដ​។ ចំណែក​ម៉ូតូ​របស់​ជនរងគ្រោះ​ត្រូវបាន​សមត្ថកិច្ច​ប្រគល់ជូន​ម្ចាស់​វិញ​ហើយ​៕

 

Leave a Reply

(*) Required, Your email will not be published