ឃាត់​ជនសង្ស័យ ៣ នាក់​ពាក់ព័ន្ធ​ករណី​ជួញដូរ និង​ប្រើប្រាស់​គ្រឿងញៀន​

, , Leave a comment

​ខេត្តបាត់ដំបង ៖ អ្នកប្រើប្រាស់​គ្រឿង ៣ នាក់ ថែមទាំង​ជា​អ្នក​ចែកចាយ​ផង​នោះ ត្រូវ​កម្លាំង​សមត្ថកិច្ច ពេលដែល​ពួកគេ​បាន​យក​ម៉ូតូ​សាច់ញាតិ​បញ្ចាំ ដើម្បី​យកលុយ​ទៅ​ទិញ​ថ្នាំ​មក​ប្រើ ។ការឃាត់ខ្លួន​នេះ​កាលពី​ម៉ោង​១៨ ថ្ងៃទី​២២ ខែតុលា ឆ្នាំ​២០១៣ នៅ​ចំណុច​ផ្ទះជួល​ភូមិ​រំចេក​៣ សង្កាត់​រតនៈ ក្រុង​បាត់ដំបង ខេត្តបាត់ដំបង​។

 

​បើតាម​ការ​ឲ្យ​ដឹង​របស់​សមត្ថកិច្ច​មូល​ដ្ឋ​បាន​បង្ហាញថា ជនសង្ស័យ​៣​នាក់​ដែល​សមត្ថកិច្ច​ឃាត់ខ្លួន មានឈ្មោះ  ១-​ស សុធី អាយុ​២៩​ឆ្នាំ រស់នៅ​ភូមិ​រំចេក​១ សង្កាត់​រតនៈ ក្រុង​បាត់ដំបង​, ២- ជួប ត្រា អាយុ​៣៧​ឆ្នាំ រស់នៅ​ផ្ទះជួល​ក្នុងភូមិ​កើតហេតុ និង​៣- ភាព វីរៈ ហៅ​ពោ​យ អាយុ​៣៣​ឆ្នាំ រស់នៅ​ភូមិ​អូរ​តា​គី ឃុំ​អូរ​តា​គី ស្រុក​ថ្មគោល ខេត្តបាត់ដំបង រួម​នឹង វត្ថុតាង​ថ្នាំញៀន ប្រភេទ​ម៉ា​ទឹកកក​៤​ថង់​តូច​។​

 

​តាម​ចម្លើយសារភាព​របស់​ឈ្មោះ ជួប ត្រា បាន​សារភាពថា ខ្លួន​ធ្លាប់ ប្រើប្រាស់​យូរ​មកហើយ ក្រោយមក​ក៏​ស្គាល់​នគរបាល​ម្នាក់​រហស្សនាម ២៣ នៅ​ស្នងការ​រដ្ឋា​ន​នគរបាល​ខេត្ត ។ នៅ​រសៀល​ថ្ងៃទី​២២ ខែតុលា​ខ្លួន​ក៏បាន​ទិញ​ថ្នាំញៀន​ពី​នគរបាល​ខាងលើ ចំនួន​១​ថង់​មក​រំលែក​បាន​៤​ថង់​តូច​យក​លក់​បន្ត ស្រាប់តែ​ត្រូវ​អាវុធហត្ថ​ចាប់​ឃាត់ខ្លួន​តែម្តង​។ ចំណែក​ឈ្មោះ ស សុធី បាន​សារភាពថា ខ្លួន​បាន​យក​ម៉ូតូ​សាច់ញាតិ​ទៅ​បញ្ចាំ​ដើម្បី​ទិញ​ថ្នាំញៀន​ប្រើប្រាស់ ហើយ​នៅ​ម៉ោង​១៨ ថ្ងៃទី​២២ ខែតុលា ឆ្នាំ​២០១៣ ខ្លួន​និង​ឈ្មោះ ភាព វីរៈ នាំគ្នា​ទៅ​លួស​យក​ម៉ូតូ​ពី​ឈ្មោះ​ជួប ត្រា វិញ​ក៏ត្រូវ​សមត្ថកិច្ច​ឃាត់ខ្លួន​តែម្តង​។​

231020132084

​ម៉ូតូ​ចំនួន​២​គ្រឿង​បាន​សមត្ថកិច្ច​ប្រគល់ជូន​ម្ចាស់​ដើម​ជា​សាច់ញាតិ​ជនសង្ស័យ​វិញ  ដោយសារ​សាច់ញាតិ​ទាំងនោះ​យំសោក​ខ្លាំងពេក ហើយ​មិនដឹងថា​កូនចៅ​ប្រព្រឹត្ត​អំពើ​ខុសឆ្គង​ដែរ ។ ចំណែក​បុរស​សង្ស័យ​ទាំង​៣​នាក់​និង​ថ្នាំញៀន​៤​ថង់ ត្រូវ​កសាង​សំណុំរឿង​បញ្ជូនទៅ​សាលាដំបូង​ខេត្ត ដើម្បី​ចាត់ការ​តាម​នីតិវិធី ៕

 

Leave a Reply

(*) Required, Your email will not be published