ក្រុមហ៊ុន សុខ​សំណាង ប្រមូល​ទិញ​ឈើ​ខុសច្បាប់ និង​ដឹកជញ្ជូន​ចែកចាយ ដើម្បី​បំផ្លាញ​ផ្លូវ​ផ្គើន​ទៅនឹង​បទបញ្ជា​ប្រមុខ​រាជរដ្ឋាភិបាល​

, , Leave a comment

​ខេត្ត​ឧ​ត្ត​រ​មានជ័យ​-​សៀមរាប ៖ ​ក្រុមហ៊ុន​ឯកជន​មួយ​ឈ្មោះ សុខ​សំណាង ដែល​បានទទួល​សិទ្ធ​បន្ត​ពី​ក្រុមហ៊ុន​ដា​តា​រ៉ាប់​ប៊ើ និង​ក្រុមហ៊ុន​ទំរីង​រ៉ាប់​ប៊ើ កំពុងតែ​សប្បាយចិត្ត​ទៅនឹង​កា​រ​កា​ប់​បំ​ផ្លា​ញ​ព្រៃឈើ​ក្នុង​បរិវេណ​ក្រុមហ៊ុន​ និង​ក្រៅ​ក្រុមហ៊ុន​ ព្រមទាំង​ផ្ទុក​ចំនួន​ឈើ​លើ​រថយន្ត​ដឹកជញ្ជូន​លក់​បំផ្លាញ​ ផ្លូវថ្នល់​យ៉ាងធ្ងន់ធ្ងរ​ ផ្គើន​ទៅនឹង​បទបញ្ជារ​របស់​សម្ដេច​តេ​ជោ​ ហ៊ុនសែន​ យ៉ា​ង​ច្បា​ស់ក្រឡែត​ដែល​សម្ដេច​បានប្រកាស​ប្រមាន​ខ្លាំងៗ កាលពី​ថ្ងៃទី ២២ កុម្ភៈ ឆ្នាំ​២០១៣ នៅក្នុង​ពិធី​សន្និបាត​បូកសរុប​ការងារ​ឆ្នាំ​២០១២ និង​លើក​ទិសដៅ​ការងារ​សម្រាប់​ឆ្នាំ​២០១៣ របស់​ក្រសួងមហាផ្ទៃ ។

IMG_0064

​តាម​ប្រភព​ច្បាស់​ការណ៍​បាន​និយាយថា​ក្រុមហ៊ុន សុខ​សំណាង ពុំមាន​អាជ្ញាប័ណ្ណ​ប្រគល់​ពី​ប្រមុខ​រាជរដ្ឋាភិបាល ដើម្បី​វិនិយោគ​ផ្នែក​វិស័យ​កសិកម្ម និង​ឧស្សាហកម្ម​ដំណាំ​កៅស៊ូ​នោះទេ​គឺ​បានទទួល​បន្ត​កិច្ចសន្យា​ពី​ក្រុមហ៊ុន​ដា​តា​រ៉ាប់​ប៊ើ និង​ទំរីង​រ៉ាប់​ប៊ើ​ដែល មាន​ទីតាំងនៅ​ស្រុក​អន្លង់វែង និង​ស្រុក​ត្រពាំង​ប្រាសាទ ខេត្ត​ឧ​ត្ត​រ​មានជ័យ តែប៉ុណ្ណោះ ដែល​បាន​សិទ្ធិ​ស្របច្បាប់​ពី​ប្រមុខ​រាជរដ្ឋាភិបាល​ក្នុងការ​ប្រមូល​ផល​ព្រៃឈើ និង​អនុផល​ព្រៃឈើ ។ ក៏ប៉ុន្តែ​ក្រោយពី​ក្រុមហ៊ុន​សុខ​សំណាង បាន​លិខិត​កិច្ចសន្យា​ពី​ក្រុមហ៊ុន​ទាំងពី​ខាងលើ រួចមក​ក្រុមហ៊ុន សុខ​សំណាង ក៏​បានដៃ​ចាប់ផ្ដើម​សម្រុក​កាប់បំផ្លាញ​ព្រៃឈើ និង​ប្រមូល​ទិញ​ឈើ​ក្រៅ​បរិវេណ​ក្រុមហ៊ុន​ដូចជា ឈើ​លេខ​១ ឈើ​លេខ​២ និង​ឈើ​គ្រញូង​ដែលជា​ដើមហេតុ​នាំ​ឲ្យ​ប្រជាពលរដ្ឋ​ខ្មែ​ឡើងទៅ​លួច​កាប់​ឈើ​នៅក្នុង​ទឹកដី​ថៃ​ធ្វើ​ឲ្យ​ទាហាន​ថៃ​បាញ់សម្លាប់​ផងដែរ ។​

 

​ប្រភព​បន្តថា​ក្រៅពី​ក្រុមហ៊ុន សុខ​សំណាង មានរឿង​អាស្រូវ​ជាច្រើន​ពាក់ព័ន្ធ​ទៅនឹង​មុខរប​ជំនួញ​ឈើ​ស្របច្បាប់ និង​មិន​ស្របច្បាប់ នោះ​ក៏​ក្រុមហ៊ុន​ធ្វើ​នំ​ឥត​ម្សៅ​មួយ​នេះ​នៅមាន​រឿងអាស្រូវ​ជា​ហូរហែ​ទៀត​គឺ​បាន​ប្រមូល​ទិញ​ឈើ​ដោយ​ខុសច្បាប់​ពី​ខាងក្រៅ​ក្រុមហ៊ុន​ដឹកជញ្ជូន​ចែកចាយ​លក់​នៅតាម​បណ្ដា​ខេត្ត​ក្រុង​មួយចំនួន​ដូចជា ខេត្តសៀមរាប បន្ទាយមានជ័យ បាត់ដំបង កំពង់ធំ កំពង់ចាម ព្រៃវែង ស្វាយរៀង និង​ខេត្ត​មួយចំនួនទៀត ។ ក្នុងនោះដែរ​ក្រុមហ៊ុន​សុខ​សំណាង ក៏បាន​ផ្ទុក​នូវ​ចំនួន​ឈើ​លើ​រថយន្ត​មា​ប្រហែល ៥០ ទៅ​៦០ ម៉ែត្រគូប ដែលជា​ចំនួន​ឈើ​ច្រើន​សន្ធឹកសន្ធាប់​ដែល​គេ​អាច​ចាត់ទុកបាន​ថា​ដឹក​លើស​ទម្ងន់​នាំ​ឲ្យ​ខូច​ផ្លូវថ្នល់​យ៉ាងធ្ងន់ធ្ងរ ។​

 

​មន្ត្រី​ក្រសួង​សាធារណការ និង​ដឹកជញ្ជូន​ម្នាក់​បានធ្វើការ​អះអាងថា ផ្លូវជាតិ និង​ផ្លូវលំ​ជាច្រើន​ខ្សែ​បាន​ទទួលរង​ការបាក់​ស្រុត​ខូចខាត​យ៉ាងដំណំ​ដោយសារ​ក្រុមហ៊ុន​សុខ​សំណាង ដឹកឈើ​លើស​ទម្ងន់​លក់​ក្នុងនោះ​ដូចជា​ផ្លូវ​ពី​ស្រុក​ត្រពាំង​ប្រាសាទ ទៅ​ខេត្ត​ឧ​ត្ត​រ​មានជ័យ​-​បន្ទាយមានជ័យ ពី​ខេត្តបាត់ដំបង​ឆ្ពោះទៅ​ខេត្តសៀមរាប​-​កំពង់ធំ និង​ពី​ខេត្តកំពង់ចាម​ទៅកាន់​ខេត្តព្រៃវែង​-​ស្វាយរៀង បាន​រង​ការ​ខូច​ជាច្រើន​កន្លែង​ព្រោះតែ​ក្រុមហ៊ុន​សុខ​សំណាង ដឹកជញ្ជូន​ឈើ​លក់​គ្មាន​មេត្តា​អាណិត​ផ្លូវ​ដែល​ធ្វើ​ឲ្យ​រដ្ឋ​ខាតបង់​ប្រាក់​រាប់សិប​លាន​ក្នុង​ការស្ដា និង​ជួសជុល​ផ្លូវ​ឡើងវិញ ។

IMG_0139 

​មន្ត្រី​ដដែល​បាន​បន្តទៀតថា​ដូចជា​ផ្លូវ​ចេញពី​ក្រុមហ៊ុន​ក្នុងស្រុក​ត្រពាំង​ប្រាសាទ មកកាន់​ខេត្តសៀមរាប​ដោយ​ឆ្លងកាត់​ស្រុក​ស្វាយ​លើ និង​ផ្លូវ​លេខ​៦៧ ផ្លូវបំបែក​ចេញពី​ចំណុច​ស្រែ​ណូយ ទៅ​ស្រុក​វ៉ារិន​អង្គ​ជុំ ដែលជា​ផ្លូវលំ​ក្រាល​គ្រួស​ក្រហម​ក៏​ទទួល​បាក់ស្រុត​ខូច​ខ្ទេចខ្ទី​ស្ទើ​ទាំងស្រុង​ផងដែរ​ដោយ​តែ​ក្រុមហ៊ុន​សុខ​សំណាង​បំផ្លិចបំផ្លាញ ។ ក្រុម​អ្នកជំនាញ​ព្រៃឈើ​បានធ្វើការ​អះ​អា​ង​ថា ក្រុមហ៊ុន​ឯកជន​សុខ​សំណាង មិន​ត្រឹមតែ​ដឹកឈើ​លើស​ចំណុះ​បំផ្លាញ​ផ្លូវ​ថ្នល់ជាតិ​តែប៉ុណ្ណោះ​ទេ​ថែមទាំង​បាន​ឃុបឃិត​គ្នារ​ជាមួយ​ជំនាញ​រដ្ឋបាល​ព្រៃឈើ​ធ្វើ​ប៉េសេ​បន្លំ​ភ្នែក​រដ្ឋ​ទៀតផង​ដោយ​គេ​ធ្វើ​ប៉េសេ​ដឹកឈើ​មាន​ចំនួន ២៨ ទៅ ៣០ ម៉ែត្រគូប​តែ​ពួក​ឈ្មួញ​ក្រុមហ៊ុន​បាន​ផ្ទុក​ចំនួន​ឈើ​រហូតដល់ ៥០ ទៅ ៦០ ម៉ែត្រគូប​ឯណោះ​ហើយ​ពេលខ្លះ​គេ​មានច្បាប់​តែមួយ​ឡាន​គេ​ដឹក​ពី​ឡាន​ទៅ​បី​ឡាន​ដោយបាន​ប្រើប្រាស់​នូវ​រថយន្ត​សុទ្ធតែ​ប្រភេទ​យី​ឌុប​ហៅ​រថយន្ត​យក្ស​។​ដូច្នេះ​រដ្ឋ​មិន​ត្រឹមតែ​អស់​ព្រៃឈើ​តែមួយ​មុខ​ប៉ុណ្ណោះ​ទេ​គឺ​រដ្ឋ​បាន​បាត់បង់​ប្រាក់​រាប់សែន​ម៉ឺន​ដុល្លា​ព្រោះតែ​ក្រុមហ៊ុន​មួយ​នេះ​ដឹកឈើ​ច្បាប់​អត់​គ្រប់គ្រាន់​ហើយ​បំផ្លាញ​ផ្លូវជាតិ​ទៀតផង​ដែលជា​រឿង​មួយ​ដ៏​រសើប​បំផុត​៕

 

Leave a Reply

(*) Required, Your email will not be published