គ្រាន់តែ ពេជ្រ សោភា រក​មូលនិធិ​ជួយ​ជនរងគ្រោះ​ទឹកជំនន់​នោះ ត្រូវ​រង​ការ​រិះគន់ថា បង្កើត​មូលនិធិ​នេះ​ប្រមូលប្រាក់​ជួយ​បងប្អូន​បក្ស​សង្គ្រោះ​ជាតិ​ផងដែរ​

, , Leave a comment

​រាជធានី​ភ្នំពេញ ៖ ក្រោយពី​សារព័ត៌មាន​លេច​ឮជា​បន្តបន្ទាប់​ទាំង​កាសែត គេហទំព័រ រួមទាំង​បណ្តាញ​សង្គម​ហ្វេ​ស​ប៊ុ​ក​អំពី​បញ្ហា​ដែល តារាចម្រៀង ពេជ្រ សោភា រួចមក ។ ថ្មីៗ​នេះ​ក្រោយពី​រង​ការរិះគន់​យ៉ាង​ធ្ងន់ៗ អម​ជាមួយ​ពាក្យសំដី​បែប​អសីលធម៌​ពី​បុរស​ម្នាក់​ប្រើ​ហ្វេ​ស​ប៊ុ​ក​ផ្ទាល់ខ្លួន ថា ពេជ្រ សោភា រៀន​បាន​ទាប​មិន​ចប់ប​ធ្យ​មសិ​ក្សា និង​ង​មិនមាន​សមត្ថភាព​គ្រប់គ្រង​ថវិកា អាច​ជាប់គុក ជុំវិញ​ការបង្កើត​មូលនិធិ​ជួយ​ជនរងគ្រោះ​ទឹកជំនន់​នោះ  ក៏មាន​លេចចេញ​នូវ​ព័ត៌មាន​ដ៏​ភ្ញាក់ផ្អើល​មួយ​ទៀតថា ពេជ្រ សោភា បង្កើត​មូលនិធិ​នេះ ប្រមូលប្រាក់​ជួយ​បងប្អូន​បក្ស​សង្គ្រោះ​ជាតិ​ផងដែរ​។​

 pich (2) 

បញ្ហា​នេះ​តារាចម្រៀង​រូបនេះ​បាន​រៀប​រាបទាំង​ទឹកភ្នែក​ថា ខ្ញុំ​ជា​អ្នកចម្រៀង បើទោះជា​បក្ស​ណា​ជាប់​ក៏​ខ្ញុំ​នៅតែ​ជា​អ្នកចម្រៀង​ដែរ​។ ទាំង​ទឹកភ្នែក​ទឹកសំបោ​ហូរ​នោះ​នាង ពេជ្រ សោភា សារភាពថា ខ្ញុំ​មិនមែនជា​អ្នកលេង​នយោបាយ​ទេ អ្វីដែល​ខ្ញុំ​ធ្វើ​ដោយសារតែ​ខ្លួនឯង​ធ្លាប់​ជួប​បែបនេះ ជួបប្រទះ​រស់ជាតិ​បែប​ហ្នឹង ទើប​ដឹងថា​វា​ពិបាក​យ៉ាងម៉េច​។ គ្រាន់តែ​ចង់​ជួយ​ខ្មែរ ជួបប្រទះ​ទឹកជំនន់​បន្តិចបន្តួច​ក៏​ខុស​ដែរ​មែន​! ខ្ញុំ​ជា​អ្នកចម្រៀង ហើយ​ខ្ញុំ​ក៏​ជាម​នុស្ស​ស្រី​ទៀត គ្មានអ្វី​អាចជួយ​បាន​ច្រើន​ទេ ក្រៅពី​សំឡេង ស្រែក​សុំ​ឲ្យ​ជួយ​ផង​។

 

​នៅក្នុង​ការរៀបរាប់រ​បស់​តារាចម្រៀង​ដែលមាន​កំណើត​ពី​ខេត្តព្រៃវែង​រូបនេះ​ហាក់​បញ្ជាក់​ច្បាស់​ណាស់​ថា ខ្លួន​នាង​បារម្ភ​ពី​ទីផ្សារ​អាជីព​របស់​នា​ង​ព្រោះ​​​​នាង​មិនមែនជា​អ្នករស់នៅ​ខ្លួន​មួយ​ឡើយ នាង​បាន​ត្អួ​ញ​ត្អែ​រថា  ខ្ញុំ​គ្រាន់តែ​បារម្ភ នៅពេលដែល​ឈ្មោះ​ខ្ញុំ​អ៊ីចឹង អ្នកនេះ​គេ​ថា​ខ្ញុំ​ចូលបក្ស​នោះ អ្នក​នោះគេ​ថា​ខ្ញុំ​ចូលបក្ស​នោះ អាចធ្វើ​ឲ្យ​ខ្ញុំ​គ្មាន​ការងារ​ធ្វើ បើ​ខ្ញុំ​អត់​មាន​ការងារ​ធ្វើ អ្នកណា​ចិញ្ចឹម​ឪពុកម្តាយ​ខ្ញុំ ។

pich (3)

​មុននេះ​មានការ​រិះគន់​ពី​ការប្រកាស​សុំ​ប្រាក់​ជួយ​អ្នករងគ្រោះ​ដោយ​ទឹកជំនន់ តែ​ក្នុង​វីដេអូ​នោះ​នាង​ក៏​បញ្ជាក់ទៀតថា​៖«​អ្វី​កំពុងតែ​ធ្វើ​នេះ មិនមាន​ពាក់ព័ន្ធ ជាមួយ​បក្ស ណា​ទាំងអស់ ដោយសារតែ​ចិត្ត​ខ្ញុំ​ចង់​ធ្វើ ខ្ញុំ​ស្រឡាញ់ ខ្ញុំ​ចង់ឃើញ​ស្នាមញញឹម​នៃ​អ្នកក្រ ក្រ​គឺ​វេទនា ណាស់​យល់​អត់ អ្នកក្រ​។ គ្រប់ពេល​ខ្ញុំ​ឡើង​ច្រៀង ខ្ញុំ​អរគុណ​គេ​ច្រើនណាស់ ខ្ញុំ​នៅតែ​ប្រើពាក្យ​ថា សូម​បងប្អូន​ទាំងអស់គ្នា ចំណាយ​ទឹកប្រាក់​របស់​បងប្អូន​ត្រឹមតែ​១​ដុល្លារ សម្រាប់​ជួយ​បងប្អូន​ខ្មែរ​ជូ​ប​គ្រោះទឹកជំនន់ ខ្ញុំ​ដើរ​កាន់​ធុង​ស​មួយ ដើរ​ជួប​គ្រប់​តុ តែ​ខ្ញុំ​សប្បាយចិត្ត​ធ្វើ បងប្អូន​នៅ​ទីនោះ គាត់​មានចិត្ត​គាត់​ជួយ​។ តែ​ចំណែក​បងប្រុស​បានត្រឹមតែ​រិះគន់ និយាយ​ឥតប្រយោជន៍​ជា​ខ្មែរ​ដូចគ្នា​ជួយ​គ្នា​ទៅ​។​

pich (1)

​នាង​បញ្ជាក់ទៀតថា ខ្ញុំ​មិនបាន​ធ្វើ​ឲ្យ​អ្នកណា​ទេ ខ្ញុំ​ធ្វើ​នេះ គឺ​ចិត្ត​ខ្ញុំ​ស្រឡាញ់​ហើយ​ចង់​ជួយ បងប្អូន​ទាំងអស់គ្នា​ត្រឹមតែ​បន្តិច​បន្តូច​តែប៉ុណ្ណោះ អ្វីដែល​ខ្ញុំ​ធ្វើ​ក៏​គ្មាន​ពាក់ព័ន្ធ​បក្ស​ណា​ដែរ ។​ ​ជាមួយ​អារម្មណ៍​អួលអាក់​បង្ហូរទឹកភ្នែក​ពី​សហរដ្ឋអាមេរិក ពេជ្រ សោភា បាន​និយាយ​យ៉ាងច្បាស់​ថា នាង​ខ្ញុំ​ទទួល​ប្រា​ក់បាន​ជំនួយ​ច្រើន​គួរសម ក្នុងនេះ​ក៏មាន​ក្រដាស​១​ដុល្លារ​ផងដែរ នាង​ខ្ញុំ​បញ្ជាក់ថា ខ្ញុំ​ធ្វើ​ដោយ​ខ្លួនឯង ពេល​ខ្ញុំ​ទៅដល់​ស្រុក​ខ្មែរ​វិញ ខ្ញុំ​នឹង​ចុះជួយ​បងប្អូន​ជួប​គ្រោះទឹកជំនន់​ដោយផ្ទាល់​៕

 

Leave a Reply

(*) Required, Your email will not be published