ការកាត់ទោស​លោក Hosni Mubarak អតីត​ប្រធានាធិបតី​អេ​ហ្ស៊ី​ប ត្រូវ​ពន្យា​សវនាការ​រហូតដល់​ថ្ងៃទី​១៦ វិច្ឆិកា​ខាង​មុខ​

, , Leave a comment

​ការពន្យា​ពេល​សវនាការ​កាត់ទោស​លោ​ក Hosni Mubarak បាន​កើតមានឡើង​ក្រោយពេល​ល​មាន​កិច្ចប្រជុំ​បិទទ្វា​រយៈពេល​បី​ថ្ងៃ ដែល​តុលាការ​បាន​សាកសួរ​អតីត​ក្រុមមន្ត្រី​សន្តិសុខ​កំពូលៗ​មួយចំនួន​។ យោងតាម​ការចុះផ្សាយរ​បស់​សារព័ត៌មាន​ស៊ីន​ហួរ មូលហេតុ​លើក​ពេល​កាត់ទោស​លោក Hosni Mubarak កូនប្រុស​ពីរ​នាក់​របស់លោក Hosni Mubarak និង​អតីតរដ្ឋមន្ត្រី​ក្រសួងមហាផ្ទៃ​នៃ​ប្រទេស​អេ​ហ្ស៊ី​ប ព្រមទាំង​ក្រុមមនុស្ស​ជំនិត​នឹង​លោក Hosni Mubarak ៦​នាក់​ទៀត គឺ​ដោយសារ​តែមាន​បណ្តឹង​ជាច្រើន ទាក់ទង​នឹង​បទឧក្រិដ្ឋ​។​

EGYPT-POLITICS-UNREST-MUBARAK-TRIAL

​តុលាការ​ប្រទេស​អេ​ហ្ស៊ី​ប​បានសម្រេច​ពន្យា​ពេល​សវនាការ​ឧ​ទ្ធ​ណ៍​លើ​ករណី​អតីត​ប្រធានាធិបតី​អេ​ហ្ស៊ី​បលោក Hosni Mubarak រហូត​ទៅដល់​ថ្ងៃទី​១៦ វិច្ឆិកា ឆ្នាំ​២០១៣ ខាងមុខនេះ​។​

 

​លោក Hosni Mubarak កាលពី​ឆ្នាំ​២០១២​កន្លងទៅ ត្រូវបាន​តុលាការ​កាត់ទោស​ឲ្យ​ជាប់គុក​អស់​មួយជីវិត ពីបទ​បង្ក​អំពើហិង្សា និង​សម្លាប់​មនុស្ស​។ ប៉ុន្តែ​អតីត​ប្រធានាធិបតី​អេ​ហ្ស៊ី​ប វ័យ​៨៥​ឆ្នាំ​រូបនេះ​បាន​ប្តឹង​ឧ​ទ្ធ​ណ៍​។ តុលាការ​បាន​បញ្ជា​ឲ្យ​លោក Hosni Mubarak ឃុំខ្លួន​ក្នុងផ្ទះ ខណៈ​កំពុង​រង់ចាំ​ថ្ងៃ​បើកសវនាការ​ឧ​ទ្ធ​ណ៍​។​

 

​លោក Hosni Mubarak ត្រូវ​រកឃើញថា បាន​បង្ក​ឲ្យ​មាន​អំពើហិង្សា​និង​សម្លាប់​ពួក​បាតុករ អំឡុងពេល​មាន​បាតុកម្ម​ប្រឆាំងនឹង​រូបលោក កាលពី​ឆ្នាំ​២០១១ ។ អតីត មេដឹកនាំ​អេ​ហ្ស៊ី​ប រយៈពេល​៣០​ឆ្នាំ ដោយមាន​ការជួយ​ពី​ពួកយោធា​រូបនេះ​ត្រូវបាន​ចាប់ខ្លួន បន្ទាប់ពី​លោក​ត្រូវបាន​បណ្តេញ​ចេញពី​តំណែង​ភ្លាម​៕

 

Leave a Reply

(*) Required, Your email will not be published