ចេញពី​ធ្វើការ ត្រូវ​ក្រុមចោរ​កាប់​មួយ​ដាវ​សាំ​ម៉ូ​រ៉ៃ ប្លន់​យក​ម៉ូតូ​

, , Leave a comment

​រាជធានី​ភ្នំពេញ ៖ នារី​វ័យក្មេង​ស្រស់ស្អាត​ម្នាក់​ត្រូវ​ចោរប្លន់​ប្រដាប់​ដោយ​ដាវ​សាំ​ម៉ូ​រ៉ៃ កាប់​ប្លន់​យក​ម៉ូតូ បណ្តាល​ឲ្យ​រយះ​ដៃ ខណៈដែល​នាង​ធ្វើដំណើរ​ចេញពី​កន្លែងធ្វើការ​ឆ្ពោះទៅ​ផ្ទះ ។ ហេ​តុ​កា​រ​ណ៍​កាប់​ប​ន្ល់​នេះ បាន​កើតឡើង​កាលពី​វេលា​ម៉ោង ៣ និង ៣០​នាទី ទៀបភ្លឺ​ចូល​ថ្ងៃទី​២២ តុលា ២០១៣ នៅ​ចំណុច​មុខផ្ទះ​នារី​រងគ្រោះ ផ្លូវលំ​ច្រកចូល​កាសែត​អង្គរវត្ត ស្ថិតក្នុង​ភូមិ​ទំនប់ សង្កាត់​ភ្នំពេញ​ថ្មី ខណ្ឌ​សែន​សុខ​។​

 

​តាម​ប្រភពព័ត៌មាន​ពី​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ​នារី​ពីរ​នាក់ បាន​ចេញពី​ធ្វើការ​នៅ​ហាង​កា​រ៉ា​អូ​ខេ ប៊េ​ស​ស្តារ ជិះ​ម៉ូតូ​អាយ​ខន ពណ៌​ឈាមជ្រូក​លា​យស ១​គ្រឿង ធ្វើដំណើរ​តាមផ្លូវ​៥៩៨ ក្នុងទិសដៅ​ពី​ជើង​ទៅ​ត្បូង លុះ​មកដល់​ចំណុច​មុខផ្ទះ​ក៏​ស្រាប់​តែមាន​ជនសង្ស័យ ២​នាក់ ជិះ​ម៉ូតូ​ឌ្រី​ម ១​គ្រឿង ប្រដាប់​ដោយ​ដាវ​សាំ​ម៉ូ​រ៉ៃ​កាប់​ទៅលើ​នារី​ម្នាក់​ជា​អ្នកបើកបរ​បណ្តាល​ឲ្យ​រយះ​ដៃ​របួសធ្ងន់ ដេរ​អស់ ១៥​ថ្នេរ ចំណែក​ជនសង្ស័យ​ក្រោយ​ធ្វើ​សកម្មភាព​ប្លន់​ហើយ ក៏​រត់គេចខ្លួន​បាត់​ដោយ​សុវត្ថិភាព​។​

159

​ក្រោយ​កើតហេតុ នារី​រងគ្រោះ​បាន​ទៅ​ដាក់​ពាក្យបណ្តឹង​នៅ​ប៉ុស្តិ៍នគរបាល​រដ្ឋបាល​ភ្នំពេញ​ថ្មី ដើម្បី​ស្រាវជ្រាវ​រក​ជនសង្ស័យ​មក​ផ្ទ​ន្ទា​ទោស​តាមច្បាប់​៕

 

Leave a Reply

(*) Required, Your email will not be published