សំណុំរឿង​របស់​កូនប្រុស​ឧកញ៉ា ឌួង ងៀប តុលា​ការប្រើ​ជញ្ជីង​ទីផ្សារ មក​ថ្លឹង​

, , Leave a comment

​រាជធានី​ភ្នំពេញ ៖ ​បន្ទាប់ពី​តុលាការ​ក្រុងភ្នំពេញ​ធ្វើ​ដោះលែង​ពិរុទ្ធជន​ឈ្មោះ ឌួង ឧ​ត្ត​ម​ឆ​វិ​ន ហៅ ឌួង ឆាយ ឧកញ៉ា វ័យក្មេង ដ៏​មាន​ឥទ្ធិពល​នៅក្នុង​សង្គម​រួចមក មានមតិ​រិះគន់​យ៉ាង​ពី​សំណាក់​មជ្ឈដ្ឋាន​ជុំវិញ​បាន​លើកឡើងថា សំណុំរឿង​អ្នក​គ្មាន​លុយ​ខ្លះ​ត្រូវបាន​ពន្យារពេល​រាប់​ឆ្នាំ​ទោះ ដឹង​ហើយ​ថា​ជនសង្ស័យ​គ្មាន​បទល្មើស​ចោទប្រកាន់​ក៏ដោយ​នោះ​។​

 

​គួររម្លឹកថា សាលាដំបូង​រាជធានី​ភ្នំពេញ កាលពី​រសៀល​ថ្ងៃទី​១៩ ខែមេសា បានសម្រេច​ឃុំខ្លួន​លោក ឌួង ឧ​ត្ត​ម​ឆ​វិ​ន ហៅ ឌួង ឆាយ ដាក់ពន្ធនាគារ​ជា​បណ្ដោះអាសន្ន ក្រោម​ការចោទប្រកាន់ ៣ បទល្មើស​រួម​និង ឌួង គឹម​ឡុង ត្រូវជា​ប្អូន​នោះ​។ បទល្មើស​ទី​១ ប្រើ​អំពើហិង្សា​ដោយ​ចេតនា មាន​ស្ថាន​ទម្ងន់ទោស ទី​២-​ប្រើប្រាស់​អាវុធ​ដោយ​គ្មាន​ការអនុញ្ញាត និង​ទី​៣-​បំផ្លិចបំផ្លាញ​ទ្រព្យសម្បត្តិ​របស់​អ្នកដទៃ​។ លោក ឌួង ឧ​ត្ត​ម​ឆ​វិ​ន ហៅ ឌួង ឆាយ ត្រូវបាន​លោក​ឧកញ៉ា ឌួង ងៀប ជា​ឪពុក​នាំទៅ​ប្រគល់​ឲ្យ​នគរបាល​ព្រហ្មទណ្ឌ​កម្រិតធ្ងន់​រាជធានី​ភ្នំពេញ​ចាត់ការ​តាមផ្លូវ​ច្បាប់​ដោយ​រូបលោក​ជា​ឪពុក​ស្តីប្រដៅ​លែង​បាន​។​

 

​ក្នុង​ហេតុការណ៍​នោះ លោក​ឌួង ឧ​ត្ត​ម​ឆ​វិ​ន ហៅ​ឆាយ និង​ប្អូនប្រុស​ឈ្មោះ​ឌួង គឹម​ឡុង ព្រមទាំង​អង្គរក្ស​មួយចំនួនទៀត​បាន​ប្រើ​អំពើហិង្សា​ទៅលើ​អ្នកដទៃ បណ្តាល​ឲ្យ​មាន​របួសស្នាម​នៅក្នុង​ហាង​បបរស​យីហោ​ហ្គេ​ឡាង​ឡា​រ៉ង់ ស្ថិតនៅ​បណ្តោយ​ផ្លូវ​ត្រសក់ផ្អែម​សង្កាត់​បឹង​កេងកង​ទី​១ ខណ្ឌចំការមន​។ កាលដែល​លោក​ឌួង ឆាយ បាន​វាយ​ដោយ​ស្នាប់​កាំភ្លើងខ្លី​រ៉ូឡូ ទៅលើ​លោក មុំ ឌី​ណា បណ្ដាល​ឲ្យ​រងរបួស​បែកក្បាល​ជាច្រើន​កន្លែង និង​ធ្ងន់ធ្ងរ​ត្រូវ​បញ្ជូនទៅ​ព្យាបាល​នៅក្រៅ​ប្រទេស​។​

 

​ក្រោយ​ហេតុការណ៍ លោក​ឌួង ឆាយ និង​ប្អូនប្រុស ឌួង គឹម​ឡុង បាន​រត់គេចខ្លួន ប៉ុន្តែ​នៅវេលា​ទៀបភ្លឺ​ថ្ងៃទី​១៤ មេសា ឌួង គឹម​ឡុង ជា​ប្អូន​ត្រូវ​សមត្ថកិច្ច​កងរាជអាវុធហត្ថ​រាជធានី​ភ្នំពេញ ចាប់ខ្លួន​ខណៈពេល បើករថយន្ត​មកដល់​មុខ​មន្ទីរ​រដ្ឋសភា​ថ្មី​បម្រុង​គេចខ្លួន ។ លុះ​ថ្ងៃទី​១៨ មេសា លោក​ឧកញ៉ា ឌួង ងៀប ត្រូវជា​ឪពុក​លោក ឌួង ឆាយ និង​លោក​ឌួង គឹម​ឡុង បាន​នាំ​កូនប្រុស​សំណព្វចិត្ត ឌួង ឆាយ ដែល​រត់គេចខ្លួន និង​ស្ថិតក្រោម​ការតាមប្រមាញ់​យ៉ាង​ស្អិត​ពី​សមត្ថកិច្ច​នោះមក​ប្រគល់​ឲ្យ​សមត្ថកិច្ច​នគរបាល​ព្រហ្មទណ្ឌ​កម្រិតធ្ងន់​រាជធានី​ភ្នំពេញ ដែលជា​ចេតនា​នាំ​កូន​ឲ្យ​សមត្ថ​កិច្ចចាត់ការ​តាម​នីតិវិធី ព្រោះ​បើ​ប្រឹង​គេច​ក៏​រក​កន្លែង​លាក់ខ្លួន​លែង​បានដែរ​។​

M21-z2-full

​ប៉ុន្តែ​អ្វី​បញ្ហា​ទាំងនេះ នៅមាន​ចម្ងល់​សម្រាប់​មតិ​មជ្ឈដ្ឋាន​ជុំវិញ ដោយ​តុលាការ​បន្ថយទោស​ត្រឹមតែ ៦ ខែ​ប៉ុណ្ណោះ​៕

 

Leave a Reply

(*) Required, Your email will not be published