បញ្ជូន​ខ្លួន​ជនសង្ស័យ​ពីរ​នាក់ ទៅ​តុលាការ ករណី​កាច់​សោ​ម៉ូតូ​

, , Leave a comment

​ខេត្តកំពង់ស្ពឺ ៖ ជនសង្ស័យ​ពីរ​នាក់​ដែលជា​មុខសញ្ញា​ចោរ​កាច់​សោ​ម៉ូតូ​ក្នុងចំណោម​បក្ខពួក​៤​នាក់ ត្រូវបាន​កម្លាំង​នគរបាល​ផ្នែក​ព្រហ្មទណ្ឌ​នៃ​ស្នងការដ្ឋាន​នគរបាល​ខេត្តកំពង់ស្ពឺ កសាង​សំណុំរឿង​បញ្ជូន​ទៅកាន់​សាលាដំបូង​ខេត្ត ដើម្បី​ចាត់​បន្ត​តាមផ្លូវ​ច្បាប់​កាលពី​ព្រឹក​ថ្ងៃទី​១៩ ខែតុលា ឆ្នាំ​២០១៣ ។​

 

​ជនសង្ស័យ​ទាំងពីរ​មានឈ្មោះ យិន សារិទ្ធ ភេទ​ប្រុស អាយុ​២៦​ឆ្នាំ មាន​ស្រុកកំណើត​ភូមិ​ម៉ុង​បារាំង ឃុំ​ផ្អេ ស្រុក​-​ខេត្តកំពង់ឆ្នាំង បច្ចុប្បន្ន​ស្នាក់នៅ​វត្ត​សន្សំ​កុសល រាជធានី​ភ្នំពេញ និង​ឈ្មោះ ផៃ សុភាព ភេទ​ប្រុស អាយុ​២៥​ឆ្នាំ រស់នៅ​ភូមិ​ត្រពាំង​ធ្លក ឃុំ​-​ស្រុក​ក​ញ្ច្រៀ​ច ខេត្តព្រៃវែង ស្នាក់នៅ​ផ្ទះជួល​ក្នុង​សង្កាត់​ចោមចៅ ខណ្ឌ​ពោធិ៍​សែន​ជ័យ ជនសង្ស័យ​ទាំង​២​ត្រូវបាន​អ្នកភូមិ​ព័ទ្ធចាប់​ឃាត់ខ្លួន និង​វាយ​ទ្រមខ្លួន​ទើប​ប្រគល់ឱ្យ​សមត្ថកិច្ច​។​

 

​តាម​ការ​ស្រាយ​បំភ្លឺ​របស់​សមត្ថកិច្ច​បា​ន​បង្ហាញថា ការឃាត់​ខ្ឡួ​ន​ជនសង្ស័យ​នេះ​គឹ​ស្ថិតនៅ​ក្បែរ​វត្ត​ថ្មី ក្នុង​ឃុំ​ព្រៃ​ញា​ត្តិ ស្រុក​គងពិសី ខេត្តកំពង់ស្ពឺ បន្ទាប់ពី​ពួកគេ​ធ្វើ​សកម្មភាព​កាលពី​វេលា​ម៉ោង​១៥​និង​៤០​នាទី ថ្ងៃទី​១៧ ខែតុលា ដោយបាន​លួច​កាច់​សោក​ម៉ូតូ​មួយគ្រឿង​ម៉ាក​ហុងដា សេ​១២៥​ឆ្នាំ ពាក់​ស្លាក​លេខ​ភ្នំពេញ 1F.4425 របស់​ឈ្មោះ ឆឹង ខន ភេទ​ប្រុស អាយុ​៤៦​ឆ្នាំ មាន​ទីលំនៅ​ភូមិ​ដំ​ដែក ឃុំ​ព្រៃ​ញា​ត្តិ ស្រុក​គងពិសី ខណៈ​បញ្ឈរ​នៅ​ចោល​។ ខណៈ​ពួកគេ​ធ្វើ​សកម្មភាព ម្ចាស់​ម៉ូតូ​បានឃើញ​ទាន់​ហើយ​ស្រែកថា​ចោរៗ ទើប​ប្រជាពលរដ្ឋ​នាំគ្នា​ដេញ​ប្រផាប់​ប្រ​ភីង​ចាប់បាន​បក្ខពួក​ចោរ ២​នាក់​ក៏ ស្វាគមន៍​ម្នាក់​មួយ​ដៃ​មួយ​ជើង​ឡើង​ទ្រមខ្លួន និង​គ្នា​វា​២​នាក់​ទៀត​រត់គេចខ្លួន​បាត់ស្រមោល​។​សមត្ថកិច្ច​បាន បញ្ជាក់ថា ចំពោះ​ម៉ូតូ​ជនរងគ្រោះ ត្រូវបាន​ប្រគល់​ជូនទៅ​ម្ចាស់​វិញ​ហើយ ជនល្មើស​ត្រូវបាន​កសាង​សំណុំរឿង ដើម្បី​បញ្ជូន​ទៅកាន់​សាលាដំបូង​តាមផ្លូវ​ច្បាប់​។ ចំណែក​ម៉ូតូ​ដែល​ពួកគេ​ជិះ​ធ្វើ​សកម្មភាព​ម៉ាក​ហុងដា​សេ​១២៥ ពណ៌​ខ្មៅ ពាក់​ស្លាក​លេខ ប​.​មានជ័យ​1E.1512 ត្រូវបាន​ដកហូត​យកមក​រក្សាទុក​។

cam00286

​ម៉ូតូ​ដែល​ក្រុម​ជនល្មើស​ជិះ​ធ្វើ​សកម្មភាព​នោះ គឺ​ពួកគេ​ទើបតែ​លួចបាន​កាលពីពេល​ថ្មីៗ​នេះ ហើយ​ពេលនេះ​ម្ចាស់​ម៉ូតូ​កំពុងតែ​ប្រមូល​ឯកសារ​បញ្ជាក់​ពី​ភិនភាគ​ម៉ូ តូ​របស់ខ្លួន ដើម្បី​សុំ​យក​វិញ។ បច្ចុប្បន្ន​ជនល្មើស​ត្រូវបាន​បញ្ជូន​ទៅកាន់​សាលាដំបូង​ខេត្ត​ធ្វើ​ចំ ណាត់​ការបន្ត​ទៅតាម​ផ្លូវច្បាប់ ៕

 

Leave a Reply

(*) Required, Your email will not be published