សិល្បៈ​នៃ​ការរៀបចំ Sushi នៅ​ប្រទេស​ជប៉ុន​កំពុងមាន​ចំណាប់អារម្មណ៍​ពី​យុវវ័យ​

, , Leave a comment

​ប្រទេស​ជប៉ុន ៖ វិចិត្រសិល្បៈ Sushi អាក្រាត Nyotaimori ជាមួយ​ផ្នែក​មួយ នៃ​វប្បធម៌​ប្រពៃណី​របស់​ជប៉ុន ដែល​ស្រដៀង​នឹង Sumo (​កីឡា​បោកចំបាប់​) ឬ Kimono (​សម្លៀកបំពាក់​ប្រពៃណី​) អីចឹង​ដែរ ។ វា​ពិតជា​បន្ទះ ឬ ដុំ Sushi មើលទៅ​គួរ​ឲ្យ​ឆ្ងាញ់​ពិសារ តែ​ប្រសិនបើ​អ្នក​សញ្ជឹង​មើល​ឲ្យ​ម៉ត់ចត់ វា​ត្រូវបាន​តម្រៀប​តាមបែប​សិល្បៈ​ម្យ៉ាង នៅលើ​រាងកាយ​អាក្រាត​របស់​បវរ​នារី ។​

suhi (1)

Nyotaimori ក្នុង​ភាសា​ជប៉ុន​មានន័យថា “​រាងកាយ​ត្រូវបាន​តែង​សម្អាង​របស់​ស្ត្រី​ម្នាក់​” ។ ក្រុម​វិចិត្រករ​នឹងដាក់​រៀប​ដុំ Sushi ទាំងឡាយ​ពាសពេញ​រាងកាយ​របស់​ស្ត្រី​ម្នាក់ ហៅថា Geisha ឬ អាច​ថា នាង​ជា Geisha ដើរតួនាទី​ជា​ថាស​អាហារ​ដ៏​វិចិត្រ ។ លើ​រាងកាយ​របស់​នាង គេ​តម្រៀប​បន្ទះ​សាច់​ត្រី​ស្តើងៗ នៅ​ពីលើ “​បាយ​ជូ​” នៅ​គ្រប់​កន្លុកកន្លៀត​… ។ នា​ជំនាន់​បូរាណ​នៅ​ជប៉ុន ពួក Geisha ត្រូវ​ចេះ​អនុវត្ត​ជាក់ស្តែង​ពី Nyotaimori ដូចដែល​ត្រូវ​ចេះ​ពី​សិល្បៈ នៃ​ការ​ឆ្លាក់​អក្សរ​, របៀប​ផឹក​ទឹកតែ ឬ​លេង​ពិណ​ខ្សែ Samisen ។ និយាយ​រួម គឺជា​និមិត្តរូប នៃ​ការ​ស្ងើចសរសើរ ។​

suhi (2)

​ក្នុង​ចក្ខុវិស័យ​របស់​អ្នក​ស្រឡាញ់​ប្រពៃណី​នោះ Nyotaimori គឺជា​និមិត្តរូប​នៃ​ការ “​បម្រើ​” វិស័យ​វិចិត្រសិល្បៈ ឈានដល់​កម្រិត​កំពូល ។ Geisha ដែល​ត្រូវបាន​ជ្រើសរើស​សម្រាប់ Nyotaimori គឺជា​នារី​ដែល​ពោរពេញ​ដោយ​ភាព​អត់ធ្មត់ ។ គេ​មានការ​ត្រៀមខ្លួន​សម្រាប់​ដេក​ស្ងៀម រយៈពេល ៤ ម៉ោង ទោះបីជា​អក​ប្ប​កិរិយា​របស់​ភ្ញៀវ​បែបណា​ក៏ដោយចុះ ។ ពី​វ័យ ១៦ ឆ្នាំ ពួកនាង​ត្រូវ​បានទទួល​ការហ្វឹកហាត់​យ៉ាង​តឹងរ៉ឹង ។ ហេតុនេះ អ្នក​ត្រូវបាន​ជ្រើសរើស គឺជា​កិត្តិយស​មួយ សម្រាប់​ពួកគេ ។​

suhi (3)

​ដើម្បី​រៀបចំ​ពិធី​លាង​សាយ​ភោ​ជ Nyotaimori មួយ​, Geisha ត្រូវ​ចំណាយពេល​ជាង ១ ម៉ោង សម្រាប់​ការធ្វើ​អនាម័យ​រាងកាយ ដោយ​ពុំ​អនុញ្ញាត​ឲ្យ​ប្រើប្រាស់​សាប៊ូ​មាន​ក្លិនក្រអូប​ណាមួយ​ទាំងអស់ ព្រោះ​វា​នឹង​ឥទ្ធិពល​ដល់​អាហារ Sushi ។ បន្ទាប់ពី​ការជម្រះ​កាយ​ដោយ​សាប៊ូ​ពិសេស​មួយ ដែល​គ្មាន​ក្លិន គេ​យក​កញ្ចប់​ក្រណាត់​មក​ដុស​សម្អាត​កោសិកា​ងាប់​របស់​ស្បែក​ចេញ ។ លើក​ទី​២ គឺ​ការ​ងូត​លាង​សម្អាត​ដោយ​ទឹក​ក្តៅ រួច​ចុងក្រោយ លើក​ទី​៣ គឺ​លាង​សម្អាត​ដោយ​ទឹក​ត្រជាក់ ដើម្បី​បិទ​ភ្ជិត​រន្ធ​ញើស ។ ស្របពេលនោះ ក្រុម​ចុងភៅ ក៏​នឹង​ចាប់​ផលិត Sushi ថ្មីៗ​តែម្តង ហើយក៏​យកមក​តម្រៀប​តាម​រចនាបទ​បែប​សិល្បៈ​មួយ មាន​ច្រើន​សណ្ឋាន ។ ចំពោះ​ប្រដាប់ភេទ គេ​យក​ស្លឹក​រុក្ខជាតិ ឬ ផ្កា មក “​ទ្រាប់​” មុន​ដាក់​របស់របរ ។​

suhi (5)

​សក់​ពុំ​ត្រូវបាន​អនុញ្ញាត​ឲ្យ​ចង​ទេ គឺ​ពង្រាយ​វា​លើ​ក្តារ និង​តុបតែង​លម្អរ​ដោយ​ផ្កា​តូចៗ ។ សីតុណ្ហភាព​ក្នុង​បន្ទប់​ក៏ត្រូវ​បន្ថយ​ចុះ ជាហេតុ Sushi ត្រូវបាន​រក្សា “​កម្តៅ​” ដោយ​សីតុណ្ហភាព​រាងកាយ​រប​ស់ Geisha ។​ ​អំឡុង​ដើម​ទសវត្សរ៍​ទី​៩០ សតវត្ស​មុននេះ ទើប​ពួកលោក​ខាងលិច​បានដឹង និង​ស្គាល់ Nyotaimori ។ ពេលនោះ ពួកគេ​ប្រតិកម្ម​ខ្លាំងក្លា​ណាស់ ។ គេ​ថា នេះ​ជា​ប្រពៃណី​អាក្រក់ ជាន់ឈ្លី​ភាព​បរិសុទ្ធ​របស់​នារី ហើយ​អ្នក​ដែល​បរិភោគ Nyotaimori ជា​មនុស្ស​ថោកទាប កខ្វក់​… ។​

   suhi (4) 

​ប៉ុន្តែ បន្តិច​ម្តងៗ គ្រា​ដែល​គេ​ចាប់ផ្តើម​យល់ដឹង​ពី​ប្រភព គោល​គំនិត និង​ការរៀបចំ​… ទើប​ទទួលស្គាល់ថា ជា​វប្បធម៌​អាហារ​គួរ​ឲ្យ​ជក់ចិត្ត គួរ​ឲ្យ​លើកតម្កើង មិន​ខុសពី​រូប​សិល្បៈ​អាក្រាត (Nude) របស់លោក​ខាងលិច​ទេ ។ ឥឡូវ Nyotaimori បាន​រាលដាល​ពេញនិយម លើ​ពិភពលោក ៕

 

Leave a Reply

(*) Required, Your email will not be published