សមត្ថកិច្ច​ចាប់ខ្លួន​ជនសង្ស័យ​ទាំង​៣​នាក់ ដែល​ជាប់​ពាក់ព័ន្ធ​ប្លន់​រថយន្ត​តាក់ស៊ី​មិន​សម្រេច​

, , Leave a comment

ខេត្តបន្ទាយមានជ័យ ៖ បន្ទាប់ពី​កាប់​ប្លន់​អ្នករត់​តាក់ស៊ី​មិនបាន​សម្រេច ជនសង្ស័យ​បានគេច​ខ្លួន​រត់​ចូល​ព្រៃ ហើយ​កម្លាំង​សមត្ថកិច្ច​តាម​ស្រាវជ្រាវ​ចាប់​ជា​បន្តបន្ទាប់់ ។ ហេតុ​ការចាប់ខ្លួន​ជនសង្ស័យ​បាន ៣ នាក់ កាល​វេលា​ម៉ោង​២​និង ៣០​នាទី​រសៀល​ថ្ងៃទី​២០ ខែតុលា ឆ្នាំ​២០១៣ នៅក្នុង​ចម្ការ​ដំឡូង​អ្នកភូមិ ស្ថិតក្នុង​ភូមិ​ល្វា ឃុំ​បឹងបេង ស្រុក​ម៉ាឡៃ ខេត្តបន្ទាយមានជ័យ ។​

 

​ប្រភពពី​សមត្ថកិច្ច​បា​ន​ឲ្យ​ដឹងថា បន្ទាប់ពី​ជនសង្ស័យ​ទុក​រថយន្ត​ចោល​ហើយ​រត់​ចូល​ព្រៃ​គេចខ្លួន​ហើយ​នោះ កម្លាំង​សមត្ថកិច្ច​បាន​ចុះ​ស្រាវជ្រាវ​រកមុខ​សញ្ញា​ទាំង​ក្នុងភូមិ​និង ក្នុងព្រៃ ។ លុះ​មកដល់​វេលា​ម៉ោង​២​និង​៣០​នាទី​រសៀល​ថ្ងៃទី​២០ ខែតុលា ឆ្នាំ​២០១៣ សមត្ថកិច្ច​បាន​ប្រទះ​ជនសង្ស័យ​ទាំង​៣​នាក់​ខាងលើ​នៅក្នុង​ចម្ការ​ដំឡូង អ្នកភូមិ ពេលដែល​ជនសង្ស័យ​ទាំង​៣​នាក់​ខាងលើ​បន្លំ​ធ្វើជា​អ្នក​ចាំចម្ការ​នៅក្នុង​រោង​ចាំចម្ការ​អ្នកភូមិ​ក្នុង​ចំណុច​ភូមិ​ល្វា​ខាងលើ ។ ពេលនោះ​សមត្ថកិច្ច​ក៏បាន​ចាប់​ឃាត់ខ្លួន​ជនសង្ស័យ​ទាំង​៣​នាក់​ភ្លាម​តែម្តង ។​

20131020_151139_resized

បច្ចុប្បន្ន​ជនសង្ស័យ​ទាំង​៣​នាក់ ត្រូវ​សមត្ថកិច្ច​ស្រុក​ម៉ាឡៃ​បាន​បញ្ជូនទៅ​ស្នងការដ្ឋាន​នគរបាល​ខេត្តបន្ទាយមានជ័យ​ចាត់ការ​តាម​នីតិវិធី ៕

 

Leave a Reply

(*) Required, Your email will not be published