អ្នកយកព័ត៌មាន​រប​ស់​ស្ថានីយ៍ទូរទស្សន៍​អប្ប​រា ទទួលរង​ពាក្យ​ប្រមាថ ពី​សំណាក់​អ្នកមាន​លុយ មានអំណាច​ម្នាក់​ដែល​គ្មាន​សីលធម៌

, , Leave a comment

​រាជធានី​ភ្នំពេញ ៖ ភាព​គ្មាន​កា​រអា​ធ្យា​ស្រ័យ​ចំពោះ​គ្នា ច្រើន​កើតមាន​ចំពោះ​បុគ្គល​មួយចំនួន​ដែល​ខ្លួន​មាន​លុយ និង​មានអំណាច តែ​ខ្វះ​សីលធម៌​ក្នុង​ខ្លួន ។ យ៉ាងណាមិញ​បុរស​ម្នាក់​ដែល​បើករថយន្ត​ទំនើប បាន​ប្រមាថ​អ្នកបើក​ម៉ូតូ តាមផ្លូវ​ដល់​អាយុជីវិត ដោយ​មិនមាន ការប៉ះទង្គិច​គ្នា អ្វី​សោះ​នោះ ។ ហេតុការណ៍​ដែល​ស្ថិតក្នុង​ក្រសែភ្នែក​ចោមរោម​មើល​ពី​មនុស្សម្នា​ជុំវិញ​នេះ បានទទួល​ការរិះគន់​ជាខ្លាំង​ថា “​អាង​មាន​លុយ និង​មានអំណាច តែ​អន់​ច​រិ​ក​” បាន​កើតឡើង​នៅវេលា​ម៉ោង​ប្រមាណ ៨ និង ៥០ នាទី ព្រឹក​ថ្ងៃទី​២០ ខែតុលា ឆ្នាំ​២០១៣ ស្ថិតនៅ​បរិវេណ​រដ្ឋសភា​ចាស់ ឆ្ពោះទៅ​ផ្លូវ​ព្រះស៊ីសុវត្ថិ ទល់មុខ​សាលសន្និសីទ​ចតុមុខ​។​

 

​តាម​ការរៀបរាប់​ពី​សាក្សី​ដែល​បានឃើញ​ហេតុការណ៍​និយាយថា មុនពេល​កើតហេតុ គេ​ឃើញ​រថយន្ត ឡង់​រ៉ូ​វែ មួយគ្រឿង ពណ៌​ខ្មៅ ពាក់​ស្លាក​លេខ ភ្នំពេញ 2Z-7777 បើក​ដោយ​បុរស​ម្នាក់ អាយុ​ជាង ៥០ ឆ្នាំ មាន​សក់​ពណ៌​ក្រហម​ផង​នោះ បានធ្វើ​ដំណើរ ពី​ត្បូង​ទៅ​ជើង តាមផ្លូវ​ព្រះស៊ីសុវត្ថិ ស្រាប់តែ​អ្នកបើករថយន្ត​រូបនោះ ពេលមកដល់​បើក​កញ្ចក់ ហើយ​ស្រែកថា “​ជិះ​ម៉ូតូ​ដូច​ហ្អែ​ង​ប្រយ័ត្ន​ងាប់​” ចំពោះ​អ្នកយកព័ត៌មាន​ម្នាក់​បម្រើ​ការងារ​នៅ​ស្ថានីយ៍ទូរទស្សន៍​អប្ប​រា​។ ដោយ​ឮ​នូវ​ការប្រមាថ​ដោយ​ពាក្យសម្តី​ពីព្រោះ​តែមាន​រថយន្ត ស៊េរី​ទំនើប​ជិះ តែ​អត់​ច​រិ​ក​បែបនេះ អ្នកយកព័ត៌មាន​រូប​នោះ បាន​ជិះ​ម៉ូតូ​ដេញតាម ដើម្បី​សួរនាំ តែ​អ្នកបើករថយន្ត មិនបាន​ឈប់​នោះទេ ហើយក៏​បើកចូលទៅ​ក្នុង​ហាង​មួយ នៅក្បែ​វ​វត្ត​ឧណ្ណាលោម ធ្វើ​ព្រងើយ​តែម្តង​។​

Pheak-0359

​ចំពោះ​ទង្វើ​អសីលធម៌​បែបនេះ របស់​អ្នកបើករថយន្ត ឡង់​រ៉ូ​វែ ខាងលើ ត្រូវបាន​មជ្ឈដ្ឋាន មួយចំនួន រិះគន់ និង​ស្តីបន្ទោស យ៉ាងខ្លាំង ហើយ​អត់​ច​រិ​ក​ជាទីបំផុត អាង​តែ​ខ្លួន​មាន​លុយ និង​មានអំណាច មើលងាយ​អ្នកជិះ​ម៉ូតូ​តាមផ្លូវ យ៉ាង​ដូច្នេះ​។​ ​យ៉ាងណាក៏ដោយ​គេ​មិន​ស្គាល់​អ្នកបើក រថយន្ត​ខាងលើនេះ​ទេ ប៉ុន្តែ​អ្នកបើករថយន្ត​ដែលមាន អាយុ​ជាង​៥០​ឆ្នាំ​ទៅហើយ តែបើ​មើលទៅ​សក់ ពណ៌​ក្រហម ដូច​ស្រូវ​ទុំ​ខែប្រាំង យ៉ាង​ដូច្នេះ ទំនងជា​អានិកជន ផង​មិនដឹង ៕

 

Leave a Reply

(*) Required, Your email will not be published