ការបើក​ភ្លើង​ខៀវ​ឲ្យ​មាន​បទល្មើស​ឈើ​គ្រញូង ជា​ឆ្នាំងបាយ​របស់​មេព្រៃ ឃុន ប៊ុនហេង​

, , Leave a comment

​ខេត្ត​ឧ​ត្ត​រ​មានជ័យ ៖ មេព្រៃ ឃុន ប៊ុនហេង នាយផ្នែក​រដ្ឋបាល​ព្រៃឈើ​អន្លង់វែង ក្រោយពី​មាន​មានរឿង​អាស្រូវ ជាច្រើន​នៅ​ស្រុក​សណ្ដាន់ ខេត្តកំពង់ធំ នោះ​ឥលូវ​នេះ​ក៏មាន​រឿងអាស្រូវ​បន្ថែមទៀត នៅ​ស្រុក​អន្លង់វែង ខេត្ត​ឧ​ត្ត​រ​មានជ័យ គឺអាច​មាន​ចេតនា​បើកដៃ​ឃុបឃិត​ឲ្យ​ក្រុម​ឈ្មួញ ធ្វើ​សកម្មភាព​ដឹកជញ្ជូន​ឈើ​គ្រញូង​ចេញពី​ដែន​គ្រប់គ្រង របស់ខ្លួន​យ៉ាង​គគ្រឹកគគ្រេង​បំផុត​។​

 

​គួររម្លឹកថា កាលពី​ឆ្នាំ ២០១០ ឃុន ប៊ុនហេង ត្រូវបាន​ថ្នាក់លើ​ដក​បញ្ឈ​ជើង ខណៈ​លោក​កាន់កាប់​តំណែង​មេព្រៃ​សណ្ដាន់ តែ​ក្រោយមក ឃុន ប៊ុនហេង បាន​លន់តួ​ថ្នាក់លើ​ឲ្យ​គាត់​បាន​មេព្រៃ​សណ្ដាន់​វិញ ។ នៅក្នុងពេល ឃុន ប៊ុនហេង ធ្វើជា​មេព្រៃ​សណ្ដាន់ នោះ​ស្រាប់តែ​មានរឿង​អាស្រូវ​សា​ជាថ្មី​ម្ដងទៀត ហើយ​ថ្នាក់លើ​ក៏​សម្រេចចិត្ត​ដក​ឲ្យ​ទៅកាន់​មេព្រៃ​បន្ទាយ​អំពិល​ខេត្ត​ឧ​ត្ត​រ​មានជ័យ ដោយ​ស្រុក​នេះ​មិនសូវមាន​ឈើ​ល្អៗ ទេ​ដូច្នេះ ឃុន ប៊ុនហេង តែមាន​ករណី​ឈ្មួញ​ដឹកឈើ​ឆ្លងកាត់​ទៅ​ខេ​ត្រ​បន្ទាយមានជ័យ​ដែរ​។​

 

​ប៉ុន្តែ​ក្រោយមក​លោក ឃុន ប៊ុនហេង បាន​ត្រូវ​ថ្នាក់លើ​ប្រគល់​តំណែង​ឲ្យ​មកកាន់​កាប់​គ្រប់គ្រង​នៅ​ផ្នែក​រដ្ឋបាល​អន្លង់វែង​វិញ​។ នេះ​អាច​ចាត់ទុកថា ឃុន ប៊ុនហេង រា​ស៊ី​ហក់​ឡើងវិញ​ព្រោះ​ផ្នែក​អន្លង់វែង​គឺជា​តំបន់​ព្រៃឈើ​ដ៏​ក្រាស់​ហើយ​មាន​ក្រុមហ៊ុន​ដឹកជញ្ជូន​ឈើ​ជាច្រើន​បាន​រកស៊ី​ល្មើសច្បាប់​ដែល​ត្រូវបាន​ក្រុមហ៊ុន​នីមួយៗ​ប្រើ​ទឹក​លុយ​ទិញ​ទឹកចិត្ត​ឃុន​ប៊ុនហេង​ព្រោះ​ក្រុមហ៊ុន​នៅ​តំបន់​នោះ​ដឹកឈើ​អត់​មានច្បាប់​គ្រប់គ្រាន់​ទេ​។​

 

​ក្រឡេកមើល​សកម្មភាព ឃុន ប៊ុនហេង រឿង​បទល្មើស​ឈើ​ក្រញូង​ម្ដង​ជា​យូ​ណាស់​មកហើយ​រហូតដល់​ឥលូវ​នេះ​សកម្មភាព​ក្រុម​ញ្មួ​ញ​រកស៊ី​ដឹកជញ្ជូន​ឈើ​ក្រញូង​បាន​កំពុង​កើតមាន​យ៉ាង​គគ្រឹកគគ្រេង​ចេញពី​ដែន​របស់​មេព្រៃ​រូបនេះ​មក​ខេត្តសៀមរាប​តាមផ្លូវ​លេខ​៦៧​បន្តទៅ​លេខ​៦​ឈ្ពោះ​ទៅកាន់​ខេត្តកំពង់ចាម​ដោយ​សុវត្ថិភាព​ខ​ណះ​សមត្ថកិច្ច​នៅតាម​ផ្លូវ​នាំគ្នារ​ចាំ​រាប់​ក្បាល​ឡាន​យកលុយ​នោះ​។​

IMG_9994

​ប្រភព​បាន​បញ្ជាក់ថា​ក្រុម​ឈ្មួញ​រកស៊ី​ដឹកឈើ​ក្រញូង​នោះ​គឺមាន​ឈ្មោះ​វ​ណ្ណី​.​ម៉ាប់​.​ដំ​.​ចិន​.​ខា​.​និង​ឈ្មួញ​ជាច្រើន​ទៀត​បាននាំគ្នារ​សម្រុក​ដឹកជញ្ជូន​រៀងរាល់​យប់​បាន​ដោយ​រលូន​ដោយសារ​ឃុន​ប៊ុនហេង​ស៊ីសំណូក​៕

 

Leave a Reply

(*) Required, Your email will not be published