សព​អាកាសយានិក​ខ្មែរ​បាន​ប្រារព្ធ​ពិធីបុណ្យ​នៅ​គេហដ្ឋាន​ឯ​ក្រុង​តាខ្មៅ​

, , Leave a comment

​ខេត្ដ​កណ្ដាល ៖ សព​អាកាសយានិក​ខ្មែរ​ដែល​ជួប​ឧបទ្ទវហេតុ​ធ្លាក់​យន្ដហោះ​នៅ ប្រទេស​ឡាវ ត្រូវបាន​បញ្ជូន​តាម​យន្ដហោះ​ពិសេស​របស់​ប្រទេស​ឡាវ​មកដល់​ប្រទេស កម្ពុជា​ហើយ​កាលពី​វេលា​ម៉ោង​១​និង​១០​នាទី​ថ្ងៃទី​១៩ ខែតុលា ឆ្នាំ​២០១៣ ដោយមាន ភរិយា​និង​កូន​របស់​សព​ដង្ហែ​ពី​ប្រទេស​ឡាវ​មក​ដែរ ។​ ​ឯកអគ្គរាជទូត​កម្ពុ​ជាប្រចាំ​ប្រទេស ឡាវ​លោក​យី ដន ដែល​បាន​អមដំណើរ សព​មកដល់​គេហដ្ឋាន​ជនរងគ្រោះ​បានឱ្យដឹងថា សាកសព​អាកាសយានិក​ខ្មែរ ត្រូវបាន​រកឃើញ​នៅនឹងកន្លែង​កើតហេតុ វេលា​ម៉ោង​៣​រសៀល​ថ្ងៃទី​១៨ ខែតុលា ហើយ​បានរៀបចំ​វេច​ខ្ចប់​យ៉ាង​ស្អាតបាត​ពី​មន្ដ្រី​នៅក្នុង​ប្រទេស​ឡាវ​រួច​បាន​បញ្ជូន​មកកាន់​ប្រទេស​កម្ពុជា​វេលា​ម៉ោង​១២ ថ្ងៃទី​១៩ ខែតុលា ។ សាកសព​ជនរងគ្រោះ បាន​ដឹក​ចេញពី​ព្រលានយន្ដហោះ​អន្ដរ ជាតិ​ភ្នំពេញ​មកដល់​គេហដ្ឋាន​សព​នៅ ក្រុង​តាខ្មៅ​នា​វេលា​ម៉ោង​២​និង​៣០​នាទី តាម​រថយន្ដ​សាមុយ​នៃ​មន្ទីរពេទ្យ​មិ​ត្ដ ភាព​ខ្មែរ​-​សូ​វៀត ។​

5(16)

​នៅឯ​គេហដ្ឋាន​ជនរងគ្រោះ​គេ​សង្កេត ឃើញ​អគ្គរាជទូត​ឡាវ​ប្រចាំ​នៅ​ប្រទេស   កម្ពុជា​និង​មន្ដ្រី​យោធា​សេនានុព័ន្ធ​ឡាវ ចូលរួម​គោរព​វិញ្ញាណក្ខន្ធ​និង​បាន​សម្ដែង   នូវ​ក្ដី​សោកសៅ​ជាមួយ​ក្រុមគ្រួសារ​សព ។​ លោក​យង់ សំ មាន​អាយុ​៥៦​ឆ្នាំ មាន ស្រុកកំណើត​នៅ​ភូមិ​កំពង់​សំណាញ់ ឃុំ កំពង់​សំណាញ់ ក្រុង​តាខ្មៅ ខេត្ដ​កណ្ដាល ។ គាត់​មាន​សមាជិក​ក្នុង​គ្រួសារ​៥​នាក់​រួមមាន​ភរិយា​និង​កូនប្រុស ស្រី​៤​នាក់ ។​ ​លោក យង់ សំ បានបញ្ចប់​ការសិក្សា ជំនាញ​បើក​យន្ដហោះ​នៅ​ប្រទេស​បារាំង ក្នុងអំឡុង​ឆ្នាំ​១៩៩៥  ។​ ​លោក​បេ ផល អាកាសយានិក​ខ្មែរ បម្រើការ​ក្នុង​ក្រុមហ៊ុន​អាកាសចរណ៍​កូរ៉េខាងត្បូង​និង​ជា​អ្នក​ធ្លាប់​រួម​អាជីព​ជាមួយ លោក​យង់ សំបាន​ឱ្យដឹងថា បន្ទាប់ពី​បញ្ចប់ ការសិក្សា​នៅ​ប្រទេស​បារាំង លោក យង់ សំ ត្រូវបាន​អង្គភាព​អាកាសចរណ៍​ជាតិ​ឈ្មោះ​Royal Air Cambodge ជ្រើសរើស​ឱ្យ ចូល​បម្រើការ​ជា​អាកាសយានិក​ជាតិ ។​

4(22)

​លោក​បន្ដថា “​គាត់​ក៏​ជា​បុគ្គលិក នៃ​រដ្ឋលេខាធិការដ្ឋាន​អាកាសចរណ៍​ស៊ីវិល​ផងដែរ ។ គាត់​ជា​អាកាសយានិក​ខ្មែរ​ម្នាក់ ដែល​កងទ័ពជើងគោក​ទុក​ចិ​ត្ដ​បំផុត​ព្រោះ​គាត់​តែង​ត្រូវបាន​គេ​ហៅ​ឱ្យទៅ​បើក​យន្ដហោះ​ដែល​ដឹក​មន្ដ្រី​ធំៗ​របស់​រដ្ឋាភិបាល ។ នៅ​ឆ្នាំ​២០០១​ក្រុមហ៊ុន Royal Air Cambodge បាន​ក្ស័យធន​ហើយ​គាត់​ក៏ សម្រេច​ចិ​ត្ដ​ចូល​បម្រើ​ការឱ្យ​ទ័ពអាកាស និង​ជា​អ្នកបើក​យន្ដហោះ​វី​អាយ​ភី​(VIP) ឱ្យ​រដ្ឋាភិបាល​” ។ ប្រហែល​ជាជាង​១០​ឆ្នាំ ក្រោយពី​ចូល​បម្រើការ​ជា​អ្នកបើក​យន្ដ ហោះ​វី​អាយ​ភី​ឱ្យ​រដ្ឋាភិបាល​មក​នៅ​ដើមឆ្នាំ​២០១១​លោក យង់ សំ ត្រូវបាន​ក្រុម ហ៊ុន​អាកាសចរណ៍​មួយ​ក្នុងប្រទេស​ឡាវ ហៅ​ឱ្យចូល​បម្រើការ​ជា​អាកាសយានិក ។ ពេល​ទៅ​បម្រើការ​នៅ​ប្រទេស​ឡាវ​នោះ លោក​យង់ សំ ត្រូវ​ឃ្លាតឆ្ងាយ​ពី​ស្រុក កំណើត​ដោយ​ទុក​ប្រពន្ធ​និង​កូន​៤​នាក់​ឱ្យ រស់នៅក្នុង​ក្រុង​តាខ្មៅ ខេត្ដ​កណ្ដាល ។​

 

បើតាម​លោក​បេ ផល បញ្ជាក់ថា​នៅ ប្រទេស​ឡាវ​លោក​យង់ សំ អាច​ទទួល ប្រាក់ខែ​ជា​អ្នកបើក​យន្ដហោះ​បាន​ប្រហែល​ពី​៥​ទៅ​៦​ពាន់​ដុល្លារ​អាមេរិក​ក្នុង​មួយខែ ហើយ​ក៏មាន​ប្រាក់​ធានារ៉ាប់រង​មួយចំនួន ទៀត ។ លោក​បន្ដថា​“​មូលហេតុ​ដែល គាត់​ត្រូវបាន​គេ​ហៅ​ឱ្យទៅ​ហោះ​(​បើក បរ​)​នៅ​ឡាវ​នោះ​គឺ​ដោយសារតែ​នៅ ឡាវ​មិនសូវមាន​អ្នកជំនាញ​បើក​យន្ដ ហោះ​ជាតិ​ច្រើន​នោះទេ ហើយ​បង​សំ គាត់​ក៏មាន​សមត្ថភាព​ខ្ពស់​ណាស់ដែរ​ក្នុង​អាជីព​នេះ ។ អ្វីដែល​កើតឡើង​គឺ​មិនមែន ជា​កំហុស​របស់គាត់​នោះទេ ព្រោះ​អាកាស ធាតុ​វា​អាក្រក់ ។ ទោះជា​ដឹង​មុន​ថា វា នឹង​គ្មាន​បញ្ហា​ក៏ដោយ​តែ​រឿង​ធម្មជាតិ​វា ប្រែប្រួល​គ្រប់ពេលវេលា​” ។ ក្នុងនាម ជា​មិ​ត្ដ​ធ្លាប់​រួម​អាជីព​ជាមួយគ្នា​នោះ លោក​បេ ផល បាន​សម្ដែង​អារម្មណ៍​សោក ស្ដាយ​ចំពោះ​ការបាត់​បង់ជីវិត​លោក យង់ សំ យ៉ាង​ដូច្នេះ​ថា “​គាត់ យង់ សំ​” ជា​អាកាសយានិក​ខ្មែរ​ម្នាក់​ដែល​ធ្វើការ ហ្មត់ចត់​ជាទីបំផុត ។ ខ្ញុំ​ពិតជា​សោក ស្ដាយ​ណាស់​បន្ទាប់ពី​ទទួលដំណឹង​ថា គាត់​ត្រូវស្លាប់​ដោយ​គ្រោះថ្នាក់​ធ្លាក់​យន្ដហោះ ។ ខ្ញុំ​រន្ធត់​ណាស់​ព្រោះ​យើង​ជា​អ្នក មាន​អាជីព​ដូចគ្នា ។ តាំងពី​ខ្ញុំ​ស្គាល់​គាត់ មក​មិនដែល​ឮថា គាត់​ហោះ​មាន​បញ្ហា ម្ដងណា​ឡើយ ។ ខ្ញុំ​នឹងចូលរួម​ពិធីបុណ្យ សព​របស់គាត់ ។​

  1(54)

​គួរ​បញ្ជាក់ថា កាលពី​ល្ងាច​ថ្ងៃទី​១៦ ខែតុលា យន្ដហោះ ATR 72-600 វ៉ុល QV301​ដែល​ចេញដំណើរ​ពី​ទីក្រុង​វៀង ច័ន្ទ​ទៅ​ព្រលានយន្ដហោះ​ប៉ាក់​សេ ខេត្ដ ចំប៉ា​សាក់ ភាគខាងត្បូង​ប្រទេស​ឡាវ បាន​ធ្លាក់​ចូលទៅក្នុង​ទឹកទន្លេ​មេគង្គ នៅ ពេល​កំពុង​ព្យាយាម​ចុះចត ។ ​របាយការណ៍​ទូទៅ​បាន​សន្និដ្ឋានថា គ្រោះថ្នាក់​នេះ​បណ្ដាលមកពី​បញ្ហា​អាកាសធាតុ ។ ក្នុងចំណោម​អ្នកស្លាប់​៤៩​នាក់ នោះ​មាន​អាកាសយានិក​២​នាក់​អ្នកបម្រើ​តាម​យន្ដហោះ​២​នាក់​និង​យន្ដការី​១​នាក់ ។ ដោយឡែក​អ្នកដំណើរ​ដែល​រងគ្រោះ​នោះ​មាន​៤៤​នាក់​មកពី​១១​ប្រទេស​ផ្សេងៗ​គ្នា ។ អ្នកដំណើរ​ទាំងនោះ​រួមមាន​ឡាវ​១៦​នាក់ បារាំង​៧​នាក់ អូស្ដ្រាលី​៦​នាក់ កូរ៉េ​៣​នាក់ វៀតណាម​២​នាក់ ខណៈ​អាមេរិក កាណាដា ចិន ម៉ាឡេស៊ី និង​តៃវ៉ាន់ មាន​ក្នុង​មួយ ប្រទេស​ស្លាប់​ពលរដ្ឋ​អស់​ចំនួន​១​នាក់ ៕

 

Leave a Reply

(*) Required, Your email will not be published