ចោរ​កាច់​.​ក​ម៉ូតូ​បានសម្រេច ហើយ​ជិះ​គេចខ្លួន តែ​មិន​ផុត ត្រូវ​ជាប់​ខ្នោះ​សមត្ថកិច្ច​

, , Leave a comment

​រាជធានី​ភ្នំពេញ  ៖ ជនសង្ស័យ​ម្នាក់ ត្រូវបាន​សមត្ថកិច្ច​ស្ទាក់ចាប់ ខណៈដែល​កាច់​.​ក​ម៉ូតូ​នៅ​ខណ្ឌឫស្សីកែវ បានសម្រេច​ហើយ​ជិះ​រត់ គេច​ទៅដល់​ខណ្ឌដូនពេញ​ត្រូវបាន​នគរបាល​ប៉ុស្ដិ៍​ស្រះចក​សហការ​ជាមួយ​នគរបាល​ខណ្ឌដូនពេញ​ឃាត់​បាន​ភ្លាមៗ​រួមជាមួយ​ម៉ូតូ​មួយគ្រឿង ។ ហេតុការណ៍​នេះ​កើតឡើង​នៅវេលា​ម៉ោង​៥​ល្ងាច​ថ្ងៃ ទី​១៨ ខែតុលា ឆ្នាំ​២០១៣ នៅមុខ​ផ្ទះ ជួល​ក្រោយ​ក្លិប​Hip Hop សង្កាត់​ទួល​សង្កែ ខណ្ឌឫស្សីកែវ ឃាត់ខ្លួន​បាន​នៅ​ចំណុច ផ្លូវ​លេខ​៤៧​កែង​៨៨​នៅ​កែង​របង​មន្ទីរ ពេទ្យ​ជប៉ុន​សង្កាត់​ស្រះចក ខណ្ឌដូនពេញ​។

 

​ម្ចាស់ ម៉ូតូ​ឈ្មោះ សុង គឹម​សេង ភេទ ប្រុស អាយុ​២២​ឆ្នាំ ជា​និស្សិត​ឆ្នាំ​ទី​២ នៅ​សាកលវិទ្យាល័យ​បៀ​ល​ប្រាយ ស្នាក់ នៅផ្ទះ​ជួល​ជាន់​ទី​១​សង្កាត់​ទួល​សង្កែ ខណ្ឌ ឫស្សីកែវ ។ ចំណែក​ជនសង្ស័យ​មាន ឈ្មោះ ជា សុខា ភេទ​ប្រុស អាយុ​៣២​ឆ្នាំ មុខរបរ​ជាងសំណង់ ស្នាក់នៅ​មិន​ពិត ប្រាកដ មាន​ស្រុកកំណើត​នៅ​ខេត្ដ​តាកែវ​។

 

ប្រភពពី​សមត្ថកិច្ច​បា​ន​ឱ្យដឹងថា មុនពេល​កើតហេតុ​ម្ចាស់​ម៉ូតូ​បាន​ចាក់សោ​.​ក​ទុក នៅមុខ​ផ្ទះ​រួច​គេ​រត់ឡើង​លើផ្ទះ​តែមួយ ភ្លែត​ចុះមក​វិញ ស្រាប់តែ​ឃើញ​ជន សង្ស័យ​កាច់​.​ក​ម៉ូតូ​ជិះ​ទៅ​បាត់ ដោយ ឃើញ​ពីក្រោយ​ពាក់​អាវយឺត​បង្កង់​បៃតង​ឆ្នូត​ស ធ្វើឱ្យ​ម្ចាស់​ម៉ូតូ​ស្រែកថា​ចោរៗ​។ ពេលនោះ​ធ្វើឱ្យ​ផ្អើលឆោឡោ​ដល់​សមត្ថកិច្ច​ប្រកាស​តាម​វិទ្យុទាក់ទង​ព័ទ្ធ ចាប់បាន ជនសង្ស័យ​ភ្លាមៗ​នៅ​ម្ដុំ​របង​មន្ទីរពេទ្យ​ជប៉ុន និង​ដកហូត​ម៉ូតូ​ម៉ាក​សេ​១២៥ ស៊េរី​២០១២ ពណ៌​ខ្មៅ ពាក់​ស្លាក​លេខ ភ្នំពេញ​1BH-0647 ត្រូវ​សមត្ថកិច្ច​បញ្ជូន យកទៅ​សាកសួរ​និង​កសាង​សំណុំរឿង​នៅ អធិការដ្ឋាន​ខណ្ឌដូនពេញ ។
​ជនសង្ស័យ បានឱ្យដឹងថា មុនពេល កើតហេតុ​រូបគេ​ជិះ​ម៉ូតូឌុប​ទៅធ្វើ​សកម្មភាព​កាច់​.​ក​ម៉ូតូ​នោះបាន សម្រេច​ហើយ​តែ​ទេវតា​មិន​ជួយ​ដោយសារ​ជននេះ​ថា ចោរ​ក្រោយមក​សមត្ថកិច្ច​ចាប់​ជាប់ ។

image_1(21)

ក្រោយ​កើតហេតុ​សមត្ថកិច្ច​សង្ស័យថា ជនល្មើស​មាន​គ្នា​២​នាក់​បច្ចុប្បន្ន កំពុង​សាកសួរ​ស្រាវជ្រាវ​បន្ដទៀត​ដើម្បី​តាមរក​ជន​មុខសញ្ញា​៕

 

Leave a Reply

(*) Required, Your email will not be published