បង្ក្រាប​ទីតាំង​បម្រើសេវា​ផ្លូវភេទ ជ្រក​ក្រោម​ស្លាក​យីហោ​ម៉ាស្សា និង​បញ្ជូន​មេក្លោង​ទៅកាន់​តុលាការ​

, , Leave a comment

​ខេត្តកំពង់ស្ពឺ ៖ ថៅកែ​ស្រី​ម្នាក់ និង​អ្នកបម្រើ​ផ្លូវភេទ ៨ នាក់​ត្រូវបាន​កម្លាំង​សមត្ថកិច្ច​ចម្រុះ​ខេត្តកំពង់ស្ពឺ ឆ្មក់​ចូល​បង្ក្រាប ឃាត់ខ្លួន និង​ប​ញ្ជួ​ន​ទៅកាន់​បញ្ជាការដ្ឋាន កងរាជអាវុធហត្ថខេត្ត​ដើម្បី​សំណុំរឿង​តាម​នីតិវិធី​ច្បាប់​។ ការចុះ​បង្ក្រាប​កន្លែង​ជួញដូរ ផ្លូវភេទ​ជ្រក​ក្រោម​ស្លាក​យីហោ​ម៉ាស្សា​នេះ ធ្វើឡើង​កាលពី​រសៀល ថ្ងៃទី​១៧ ខែតុលា ឆ្នាំ​២០១៥ នៅ​ទីតាំង​ចំនួន​២​កន្លែង ទី​១​ត្រង់ចំណុច​មុខ​វិទ្យាល័យ​សុខា​ផល្លី ស្ថិត​ក្នុងភូមិ​ក្រាំង​ពល​ទេព ទី​២​ស្ថិត​ក្នុងភូមិ​ត្រពាំង​លើក សង្កាត់​រកា​ធំ ក្រុង​ច្បារមន ខេត្តកំពង់ស្ពឺ ។​

 hth (1)

​តាម​ការ​ឲ្យ​ដឹង​ពី​លោក​ព្រះរាជអាជ្ញារង​អម​សាលាដំបូង​ខេត្ត​បាន​ប្រាប់​ឱ្យដឹងថា ថៅ​ហាង​ម៉ាស្សា​ចំនួន​២​កន្លែង ដែល​លួចលាក់​ជួញដូរ​ផ្លូវភេទ​នោះ​មានឈ្មោះ ប៉ិច ម៉ាច ភេទ​ស្រី អាយុ​៣៧​ឆ្នាំ បាន​ជួល​ផ្ទះ​ទាំង​២​កន្លែង​ខាងលើ​ដើម្បី​បើកហាង​ម៉ាស្សា​កោស​ជប់ ប៉ុន្តែ​បានធ្វើ​សកម្មភាព​ល្មើស លួចលាក់​បំរើសេវា​ផ្លូវភេទ​ទៅវិញ ។​

hth (2)

​លោក​បន្តទៀតថា កន្លែង​ម៉ាស្សា​នេះ បាន​បើក​អាជីវកម្ម​ជាច្រើន​ខែ​កន្លងមកហើយ ប៉ុន្តែ​មិនមាន​នរណា​ចាប់អារម្មណ៍​ទើប​នៅពេល​ថ្មីៗ​នេះ​ដោយសារតែ​មានការ សង្ស័យ​ទើប​សមត្ថកិច្ច​ជំនាញ​ដាក់​កំលាំង​សម្ងាត់​ចូលទៅ​ធ្វើការ ស៊ើបអង្កេត​ច្បាស់លាស់​ក៏​សុំ​យោបល​ពី​លោក កែវ សុធា ព្រះរាជអាជ្ញា​អម​សាលាដំបូង​ខេត្តកំពង់ស្ពឺ ឆ្មក់​ចូលធ្វើ​ការបង្ក្រាប​តែម្តង​។​ ​បច្ចុប្បន្ន​ជនសង្ស័យ​ខាងលើ​កំពុង​សាកសួរ ដើម្បី​កសាង​សំណុំរឿង​បញ្ជូន​ទៅកាន់​តុលាការ​ចាត់​កាត​តាម​នីតិវិធី ៕

 

Leave a Reply

(*) Required, Your email will not be published