តឹកតាង​បង្ហាញ​ពី​គ្រោះថ្នាក់​ធ្លាក់​យន្តហោះ​ក្នុងប្រទេស​ឡាវ​

, , Leave a comment

ប្រទេស​ឡាវ ៖ យោង​តាម​សារព័ត៌មាន​បរទេស​ចិន​ស៊ិន​ហួ ផ្សាយ​ឲ្យ​ដឹងថា ក្នុង​ឧបទ្ទវហេតុ​ធ្លាក់​យន្តហោះ​នៅ​ប្រទេស​ឡាវ ដែល​បានសម្លាប់​មនុស្ស  ៤៩ នាក់​កាលពី​ម្សិលមិញ ក្នុងនោះ​ក៏មាន​ជនជាតិខ្មែរ​ជា​អ្នកបើកបរ​ម្នាក់​ដែរ​។​

Laos (2)  

​លោក សំពុង ដួង​ដា​រ៉ា នាយក​ប្រតិបត្តិ​នៃ​ក្រុម ឡាវ​អ៊ែរ​ឡាញ បាន​ប្រាប់​អ្នកសារព័ត៌មាន​នានា នៅ​ទីក្រុង វៀងចន្ទន៍ ថា យន្តហោះ​ខាងលើនេះ បាន​ធ្លាក់​នៅវេលា​ម៉ោង ១៥ និង ៥៥​នាទី ម៉ោង នៅក្នុង​តំបន់​។ យន្តហោះ ប្រភេទ QV301 បាន​ហោះហើរ​ពី​ទីក្រុង​វៀងចន្ទន៍ សំដៅទៅ​ខេត្ត ចំប៉ា​សាក់ ភាគខាងត្បូង​ប្រទេស​ឡាវ តែ​បាន​ធ្លាក់​ទៅក្នុង​ទន្លេមេគង្គ ស្ថិតនៅ​ក្រុង​ប៉ាក​សេ ដោយសារតែ​អាកាសធាតុ​អាក្រក់​។​

Laos (1)

បើ​យោងតាម​បទសម្ភាសន៍​ដែល​សារព័ត៌មាន VOD ទទួលបាន​ពី​លោក ម៉ក សំអុល ប្រធាន​នាយកដ្ឋាន​សន្តិសុខ និង​សុវត្ថិភាព​ហោះហើរ​នៃ​រដ្ឋលេខាធិការដ្ឋាន​អាកាសចរណ៍​ស៊ីវិល​កម្ពុជា​បាន​ឲ្យ​ដឹងថា បុរស​ម្នាក់​នោះ​មានឈ្មោះ​ថា​លោក យួ​ង សន (Yung San)​។

 

​គួរ​បញ្ជាក់ថា ក្នុងចំណោម​ជនរងគ្រោះ​ដែល​បាន​ស្លាប់បាត់​បង់ជីវិត​ទាំងនោះ​រួមមាន ជនជាតិ​ឡាវ ១៦​នាក់ បារាំង ៧​នាក់ អូស្ត្រាលី ៦​នាក់ (​មានគ្រួសារ​មាន​សមាជិក ៤​នាក់​បាន​ស្លាប់​) ថៃ ៥​នាក់ កូរ៉េខាងត្បូង ៣​នាក់ វៀតណាម ២​នាក់ ហើយ​ម្នាក់ៗ​មាន កាណាដា ចិន ម៉ាឡេស៊ី តៃវ៉ាន់ អាមេរិក និង​កម្ពុជា​។​

Laos (3)

ទោះបីជា​យ៉ាងណាក៏ដោយ ក្រុម​សង្គ្រោះបាន​អះអាងថា មនុស្ស​ទាំងអស់​ប្រហែលជា​មិនមាន ជីវិត​រស់នៅ​ទេ ព្រោះ​គេ​ទើបតែ​ស្រង់​បាន សាកសព​មនុស្ស ៤​នាក់​ប៉ុណ្ណោះ ហើយដោយ​ឡែក មនុស្ស​ដទៃទៀត ប្រហែលជា កំពុងស្ថិត​នៅក្នុង​ទឹក និង​ក្នុង​យន្តហោះ ។​

 

​យោងតាម​ក្រសួងការបរទេស​ថៃ​ថា ជនជាតិ​កូរ៉េខាងត្បូង​៣​នាក់ បណ្តាជន​ជាតិ​អូស្ត្រាលី កាណាដា តៃវ៉ាន់ ចិន ភូមា វៀតណាម និង​ជនជាតិ​ថៃ​៥​នាក់​ស្ថិត​ក្នុងចំណោម​អ្នកស្លាប់ ។​យន្តហោះ​នោះបាន​ហោះ​ចាក​ចេញពី​ទីក្រុង​វៀងចន្ទន៍​នា​វេលា​ម៉ោង​១៤ និង​៤៥​នាទី ម៉ោង​ក្នុងស្រុក ហើយ​ត្រូវ​ទៅ​ចុះ​នៅ​ក្រុង​ប៉ាក​សេ ជាទី​ក្រុង​ទេសចរណ៍​មួយ​នៅ​ភាគខាងត្បូង​ឡាវ ។ វា​បាន​ធ្លាក់​ក្នុង​ទន្លេមេគង្គ​មុនពេល​ចុះ​បន្តិច ។​

 

យោងតាម​កាសែត​បាងកក​ប៉ុស្តិ៍​ថា ពេល​យន្តហោះ​នោះ​ប្រុង​ចុះ​មាន​ភ្លៀង​ធ្លាក់​ខ្លាំង ខណៈ​តំបន់​នោះ​កំពុង​ជួបប្រទះ​នឹង​ឥទ្ធិពល​នៃ​ព្យុះ​ទី​ហ្វុ​ង​ឈ្មោះ​ណា​រី NARI ។ ចំណែក​កាសែត​ថៃ THE NATION វិញ​និយាយថា ប៉ម​ត្រួតពិនិត្យបាន​ប្រាប់​ទៅ​អ្នកបើក​កុំ​ទាន់​ឱ្យ​ចុះ ព្រោះ​មើលផ្លូវ​មិន​ច្បាស់​ដោយ​ភ្លៀង​ខ្លាំងពេក ។​

 

អ្នកបើក​បាន​ស្តាប់​ការណែនាំ​នេះ ក៏ប៉ុន្តែ​ពុំ​អាច​កែកុន​ស្ថានការណ៍​បាន រួច​យន្តហោះ​បាន​ធ្លា​ក់លើ​កូន​កោះ​មួយ​ស្ថិតនៅ​កណ្តាលទន្លេ ។ ក្រុមហ៊ុន LAO AIRLINES ថ្លែងថា មូលហេតុ​នៃ​គ្រោះថ្នាក់​នេះ​នៅ​ពុំទាន់​កំណត់​ច្បាស់​នៅឡើយ ។ អ្នកទទួលខុសត្រូវ​ម្នាក់​របស់​ក្រុមហ៊ុន​នេះ​និយាយថា ធាតុអាកាស​អាក្រក់​មក​ពី​កន្ទុយ​ព្យុះ​ណា​រី​អាច​ដើរតួនាទី​សំខាន់​ក្នុង សោកនាដកម្ម​នេះ ។​

Laos (4)

អាកាសចរណ៍​ឡាវ​អ៊ែ​រឡាញ​បាន​បើក​ប្រតិបត្តិ​ការហោះហើរ​តាំងពី​ឆ្នាំ​១៩៧៦​ដោយ​ធ្លាប់​ដឹក​អ្នកដំណើរ​បាន​សរុប​658,000 នាក់​កាលពី​ឆ្នាំទៅ ដែល​ត្រូវបាន​ដឹក​ដោយ​យន្តហោះ​ចំនួន​១៤​គ្រឿង ហើយ​ភាគច្រើន​នៃ​យន្តហោះ​ទាំងនេះ​ប្រើ​កង្ហារ​ស្លាបចក្រ​៕

 

Leave a Reply

(*) Required, Your email will not be published