អាង​ស្បែក​អង្គរក្ស សម្ញែង​សៀត​កាំភ្លើងខ្លី​នៅ​នឹង​ចង្កេះ ដើម្បី​ដោះស្រាយ​បញ្ហា​

, , Leave a comment

​រាជធានី​ភ្នំពេញ ៖ ភាព​មិនចេះ​អធ្យាស្រ័យ​បាន​បង្ក​ជា​ជម្លោះ​ប្រកែក​យ៉ាង​តឹង​សរសៃ​.​ក ខណៈដែល​រថយន្ត​ទាំងពីរ​បាន​បុក​គ្នា​យ៉ាង​ពេញទំហឹង​បណ្តាល​ឲ្យ​រថយន្ត​ខូចខាត​ទាំងសង្ខាង ។គ្រោះ​​ថ្នាក់​ចរាចរ​រណ៍ប​ង្ក​ជា​ជម្លោះ​នេះ​បាន​កើតឡើង​កាលពី​វេលា​ម៉ោង​១១​ព្រឹក ថ្ងៃទី​១៧ ខែតុលា ឆ្នាំ​២០១៣ ស្ថិតនៅតាម​បណ្ដោយ​មហាវិថី​ព្រះមុនីវង្ស កែង​មហាវិថី​សហព័ន្ធ​រុស្សី ត្រង់​ភ្លើងស្ដុប​មុខ​ប៉ុស្តិ៍នគរបាល​ស្រះចក សង្កាត់​ស្រះចក ខណ្ឌដូនពេញ​។​

 spp-(2)

​ប្រភពពី​សាក្សី​នៅ​កន្លែងកើតហេតុ​បាន​និយាយថា មុនពេល​មាន​គ្រោះថ្នាក់​ចរាចរណ៍​ខាងលើនេះ រថយន្ត​កាមរី​ហាយ​ប្រី​ត ពណ៌​ទឹកប្រាក់ ពាក់​ស្លាក​លេខ ភ្នំពេញ 2S-0063 បើក ដោយ​ស្ត្រី​ម្នាក់ អាយុ​ជិត​៣០​ឆ្នាំ ក្នុងទិសដៅ​ពី​ត្បូង​ទៅ​ជើង ខណៈដែល​រថយន្ត​តូ​រី​សរ​ត់​ឈ្នួល ពាក់​ស្លាក​លេខ ភ្នំពេញ 2N-2903 បើក​ដោយ​បុរស​ម្នាក់ រួម​នឹង​អ្នកដំណើរ បើក​ក្នុងទិសដៅ​ស្របគ្នា ពីក្រោយ រថយន្ត​កាមរី​ហាយ​ប្រី​ត​។​

 

​ប្រភព​ខាងលើ​បាន​បន្តទៀតថា នៅពេល​បើក​មកដល់​ភ្លើងស្តុប​រថយន្ត​ទាំងពីរ​បាន​ឈប់ ហើយ​ពេល​ភ្លើង​លោត​ពណ៌​ប៉ៃ​តង រថយន្ត​កាមរី​ហាយ​ប្រី​ត ប្រុង​បើក​ទៅមុខ​បត់​ឡើងទៅ​មហាវិថី​សហព័ន្ធ រុស្សី ប៉ុន្តែ​ទំនង​មាន​អ្វី​នៅ​ពីមុខ​អ្នកបើកបរ​បានជា​ន់​ហ្វ្រាំង​ឈប់​ភ្លាមៗ ជាហេតុ​ធ្វើឱ្យ​រថយន្ត​តូ​រី​ស​ដែល​កំពុងបើក​ពីក្រោយ​ជាន់​ហ្វ្រាំង មិនទាន់​ជ្រុល​បុក​គូទ​រថយន្ត​កាមរី​ហាយ​ប្រី​ត បណ្ដាលឱ្យ​គូទ​រថយន្ត​កាមរី​ហាយ​ប្រី​ត​ខូចខាត ផ្នែក​ខាងស្ដាំ  ដោយឡែក​ផ្នែក​ខាងមុខ​រថយន្ត​តួ​រី​ស ក៏​រង​ការខូចខាត​ផងដែរ​។​

spp-(1)

​បន្ទាប់ពី​ឃើញ​សភាព​បែបនេះ ភាគី​ទាំង​ពីរបាន​ឈប់​ដោះស្រាយ​គ្នា ហើយ  ស្ត្រី​អ្នកបើករថយន្ដ​កាមរី​ហាយ​ប្រី​ត ដែល​គេ​មិន​ស្គាល់​អត្តសញ្ញាណ​បាន​ហៅ​អង្គរក្ស​៣-៤​នាក់ ដែលមាន​សៀត​កាំភ្លើងខ្លី​នៅ​នឹង​ចង្កេះ​មកជួយ​ដោះស្រាយ​ផងដែរ ក្នុងពេលនោះ​ក៏មាន​ការសម្របសម្រួល​ពី​នគរបាល​ប៉ុស្តិ៍​ស្រះចក ។ ការដោះស្រាយ​គឺ​ម្ចាស់ រថយន្ត​កាមរី​ហាយ​ប្រី​ត​ទាមទារ​ឱ្យ ភាគី​ម្ខាង​ទៀត​ចេញ​សំណង​ដល់​ខ្លួន ចំពោះ​ការខូចខាត​រថយន្ត​ផ្នែក​ខាងក្រោយ​។ ​ដោយ​មិនទាន់មាន​ការសម្រុះសម្រួល​គ្នា​ទើប​កម្លាំង​នគរបាល​ប៉ុស្តិ៍​ស្រះចក បាន​ទាក់ទង​ទៅ​កម្លាំង​នគរបាល​ចរាចរណ៍​រាជធានី ភ្នំពេញ​ឱ្យមក​ជួយ​អន្តរាគមន៍ ទើប​ម្ចាស់​រថយន្ដ​តួ​រី​ស​រត់​ឈ្នួល​យល់ព្រម​សង​៣៥០​ដុល្លារ ដើម្បី​បញ្ចប់រឿង​៕​

 

Leave a Reply

(*) Required, Your email will not be published