ល្បែង​ជល់​មាន់​បើក​លេង គគ្រឹកគគ្រេង កណ្តាល​ក្រុង​សៀមរាប​បញ្ឈឺចិត្ត​អាជ្ញាធរ​

, , Leave a comment

​ខេត្តសៀមរាប​ ៖ ​នៅ​ខណៈពេលដែល​អាជ្ញាធរ និង​សមត្ថកិច្ច​កងកម្លាំងប្រដាប់អាវុធ​ខេត្តសៀមរាប​កំពុង​មមាញឹក​ទៅនឹង​ការចុះ​ជួយ​ដល់​ប្រជាពលរដ្ឋ​ដែល​រងគ្រោះ​ដោយសារ​ទឹកជំនន់​នោះ​បែរជា​អ្នកញៀន​ល្បែង​មួយក្រុម​បាន​លួច​បើក​លេងល្បែង​ជល់​មាន់​យ៉ាង​គគ្រឹកគគ្រេង​បញ្ឈឺចិត្ត​អាជ្ញាធរ​ទៅវិញ​។ អ្នកញៀន​ល្បែង​ជល់​មាន់​ម្នាក់​បាន​និយាយថា ទីតាំង​ជល់​មាន់​ដ៏​ធំ​នេះ​គឺ​នៅ​ខាងលិច​អតីត​ភូមិភាគ​ ៤ ​ស្ថិតនៅ​ភូមិ​ខ្វៀន​សង្កាត់​គោកចក​ក្រុង​សៀមរាប​មាន​ចម្ងាយ​ប្រហែល​ ៥ ​គីឡូ​ពី​ស្នងការ​នគរបាល​ខេត្តសៀមរាប​បាន​បើក​ដំណើរ​ការបើក​លេង​រាប់​ខែ​មកហើយ​មិ​ន​ដែ​ល​ឃើញ​សមត្ថកិច្ច​មក​បង្ក្រាប​ម្ដងណា​ឡើយ​ ។ អ្នកញៀន​ល្បែង​ដដែល​បន្តថា​ពួកគាត់​មកលេង​ល្បែង​នេះ​រាលថ្ងៃ​ក៏មាន​អារម្មណ៍​ភិតភ័យ​ខ្លាច​គេ​មក​ចាប់​ដែរ​តែ​ម្ចាស់​សង្វៀន​បាន​ប្រាប់ថា​គេ​​បាន​រត់ការ​បង់លុយ​ឲ្យ​សមត្ថកិច្ច​ចាប់ពី​ថ្នាក់ក្រោម​ដល់​ថ្នាក់លើ​អស់ហើយ​មិនចាំបាច់​ខ្លាច​អ្វី​គេ​ធានា​ចូល​លេង​ឲ្យ​អស់ដៃ​ទៅហើយ​អ្នក​ការលេង​ក្នុង​មួយថ្ងៃ​មាន​ចាញ់ឈ្នះ​រាប់ពាន់​ម៉ឺន​ដុល្លា​ឯណោះ​។​

IMG_0148

​បើទោះបីជា​ រាជរដ្ឋាភិបាល​កម្ពុជា​ក៏​ដូច​ក្រសួងមហាផ្ទៃ​បានដាក់​ចេញ​នូវ​គោលនយោបាយ​ភូមិ​ឃុំ​មាន​សុវត្ថិភាព​ទាំង​៩​ចំណុច​ឲ្យ​មន្ត្រី​ថ្នាក់ក្រោម​អនុវត្ត​ឲ្យ​មាន​ប្រសិទ្ធិភាព​យ៉ាងណាក៏ដោយ​ក៏​ប្រជាពលរដ្ឋ​នៅ​ក្រុង​សៀមរាប​ នៅតែ​មិនទាន់​ឃើញ​អាជ្ញាធរ​សមត្ថកិច្ច​ពាក់​ព័​ន្ទ​នៅ​មិនទាន់​អនុវត្ត​នៅឡើយ​ទេ​កត្តា​ទាំងអស់នេះ​ធ្វើ​ឲ្យ​ប្រជាពលរដ្ឋ​មាន​ក្ដីកង្វល់​យ៉ាងខ្លាំង​ដោយសារ​ក្រុង​ទេ​ស​ចរណ៍​ប្រវត្តិសាស្ត្រ​មាន​ល្បែងស៊ីសង​ដែលជា​ហេតុ​នាំ​ឲ្យ​មាន​អំពើចោរកម្ម​កើតមានឡើង​នៅ​ខ​ណះ​ពេលកន្លងមក​ក្រុង​សៀមរាប​មាន​ចោរកម្ម​កើតមាន​ជា​ញឹកញាប់​នាំ​ឲ្យ​ពួកគាត់​មានការ​ព្រួយ​បារ​ម្មណ៍​ចំពោះ​អសន្តិសុខ​។​

DSC02787

​ប្រភពព័ត៌មាន​បាន​ឲ្យ​ដឹងថា​ការបើក​លេងល្បែង​ជល់​មាន់​ដ៏​ធំ​នៅ​ខាងជើង​ក្រុង​សៀមរាប​នេះ​ត្រូវបាន​គេ​ទម្លាយ​ព័ត៌មាន​ជា​សាធារណៈ​ថា មាន​ខ្នងបង្អែក​ពី​មន្ត្រី​យោធា​ព្រោះ​នៅ​ទីកន្លែង​នោះ​អតីត​ភូមិភាគ​ ៤ ​ដូច្នេះ​អំណាច​ស្ថិតនៅលើ​ដៃ​យោធា​មិនអាច​មា​នន​ណា​ម្នាក់​ចូលទៅ​បង្ក្រាប​នូវ​វង់ល្បែង​ខាងលើនេះ​បាន​យ៉ាងច្រើន​បានត្រឹមតែ​តេ​ទូរស័ព្ទ​ឲ្យ​ផ្អាក​ជា​បណ្ដោះ​អាស​ន្ទ​រងចាំ​ឱកាសល្អ​ចាំ​បើក​បន្ត​ទៀតហើយ​ការបើក​លេង​នេះ​គឺ​ចាប់ពី​ម៉ោង​១​រសៀល​ពួកគេ​និង​ដំណើការ​ប្រមូល​ផ្ដុំគ្នា​រលេ​ង​រហូតដល់​ព្រលប់​។ លោក ទិ​ត្យ ណា​រ៉ុង អធិការនគរបាល​ក្រុង​សៀមរាប​បាន​ឲ្យ​ដឹងថា កន្លែង​នោះ​ជា​របស់​ទាហាន​ដូច្នេះ​លោក​មិន​ហ៊ាន​បង្ក្រាប​នោះឡើយ​ខាង​កាសែត​ថត​ចុះផ្សាយ​ទៅ​!​។​

 

​ចំណែក​លោក សត ណា​ឌី ស្នងការ​នគរបាល​ខេត្តសៀមរាប​បាន​ឲ្យ​ដឹងថា ចាំ​លោក​ឲ្យ​កម្លាំង​ចុះទៅ​បុ​ន្តែ​មួយសន្ទុះ​ក្រោយមក​អ្នកយកព័ត៌មាន​បាន​ព្យាយាម​តេ​ទូរស័ព្ទ​ទៅ​ស្នងការ​ម្ដងទៀត​នៅ​ខណៈនោះ​លោក​មេ​ប៉ូលិស​បាន​បញ្ជាក់ថា​ចុះ​ទៅហើយ​ស្លៀកពាក់​ស៊ីវិល​។​

  IMG_0145

​ប្រភពព័ត៌មាន​ដដែល​បាន​បន្តថា សមកម្ម​ភាព​បើក​លេងល្បែង​ជល់​មាន់​ដែល​កំពុង​ដំណើការ​នេះ​បាន​គឺ​ដោយសា​មេ​ល្បែង​ម្នាក់​ឈ្មោះ​វណ្ណ​ជា​ចេញមុខ​រត់ការ​បង់​សេវា​ថ្លៃ​ការពារ​ឲ្យ​សមត្ថកិច្ច​អស់ហើយ​ទើប​មិនដែល​ឃើញ​មានការ​បង្ក្រាប​ឲ្យ​បាន​ជោគជ័យ​ស្របតាម​បទបញ្ជា​ថ្នាក់លើ​៕​

 

Leave a Reply

(*) Required, Your email will not be published