អ្នក​ចែកចាយ​គ្រឿង​ញៀន​ពីរ​នាក់ ត្រូវ​សមត្ថកិច្ច​ឃាត់ខ្លួន រួមទាំង​វត្ថុតាង​

, , Leave a comment

​ខេត្តកណ្តាល ៖ អ្នក​ចែកចាយ​ថ្នាំញៀន​ប្រុស​ស្រី​ពីរ​នាក់ ត្រូវ​សមត្ថកិច្ច​នគរបាល​ស្រុក​កោះធំ នៃ​ស្នងការ​នគរបាល​ខេត្តកណ្តាល ធ្វើការ​ឃាត់ខ្លួន រួម​នឹង​វត្ថុតាង​។ ករណី​ឃាត់ខ្លួន​ជនសង្ស័យ​ប្រុស​ស្រី​ខាងលើនេះ​ធ្វើឡើង​កាលពី​វេលា​ម៉ោង​៩​យប់​ថ្ងៃទី​១៦ ខែតុលា ឆ្នាំ​២០១៣ ស្ថិត​តាម​បណ្តោយ​ផ្លូវជាតិ​លេខ​២១​បេ ទល់មុខ​ប៉ុស្តិ៍នគរបាល​រដ្ឋបាល​ព្រែក​ស្តី ក្នុង​ឃុំ​ព្រែក​ស្តី ស្រុក​កោះធំ ខេត្តកណ្តាល ។

d1(35)

​ប្រភពពី​សមត្ថកិច្ច​បា​ន​ឲ្យ​ដឹងថា ជនសង្ស័យ​ដែល​ឃាត់ខ្លួន​មានឈ្មោះ ថូ ភារ​ម្យ ហៅ​ព្រំ ភេទ​ប្រុស អាយុ​២៦​ឆ្នាំ រស់នៅ​ភូមិ​ក្បាល​កោះទៀវ ឃុំ​សំពៅ​ពូន ស្រុក​កោះធំ ខេត្តកណ្តាល និង​ស្រី​ម្នាក់ទៀត​ឈ្មោះ លី ស្រី​ពេជ្រ អាយុ​២២​ឆ្នាំ រស់នៅ​សង្កាត់​បឹងត្របែក ខណ្ឌចំការមន រាជធានី​ភ្នំពេញ ។ ក្រោយ​ការឃាត់ខ្លួន​បុរស​ស្ត្រី​២​នាក់ សមត្ថកិច្ច​ឆែកឆេ​រកឃើញ​ថ្នាំញៀន​២៥.៧​ក្រាម​។​

d2(28) 

​បច្ចុប្បន្ន​ជនសង្ស័យ​ត្រូវ​សមត្ថកិច្ច​ស្រុក​កោះធំ​ឃាត់ខ្លួន​បញ្ជូន​អធិការដ្ឋាន​ស្រុក​កោះធំ​ដើម្បី​សាកសួរ​រក​ប្រភព​ដែល​ជនសង្ស័យ​ចរាចរណ៍​គ្រឿងញៀន​ទាំងនេះ​ចាត់ការ​តាមផ្លូវ​ច្បាប់ ៕

 

Leave a Reply

(*) Required, Your email will not be published