ឃាត់ខ្លួន​ប្តី​ហេងស៊យ ដែល​ប្រើ​អំពើហិង្សា​លើ​ប្រពន្ធ​

, , Leave a comment

​ខេត្ត​ប៉ៃលិន ៖ បុរស​ម្នាក់​ដែលជា​ប្តី​ហេងស៊យ ត្រូវបាន​សមត្ថកិច្ច​ព្រហ្មទណ្ឌ នៃ​កងរាជអាវុធហត្ថ​ខេត្ត​ធ្វើការ​ឃាត់ខ្លួន បន្ទាប់ពី​បានទទួល​ពាក្យបណ្តឹង​របស់​ស្ត្រី​រងគ្រោះ ។ ការចាប់​ឃាត់ខ្លួន​នេះ ធ្វើឡើង​កាលពី​វេលា​ម៉ោង ៣ និង ១៥​នាទី រសៀល​ថ្ងៃទី​១៦ តុលា ២០១៣ ស្ថិតនៅក្នុង​បរិវេណ​មន្ទីរពេទ្យបង្អែក​ខេត្ត ក្នុងភូមិ​វត្ត សង្កាត់​ប៉ៃលិន ក្រុងប៉ៃលិន ខេត្ត​ប៉ៃលិន​។​

?????????? 

​តាម​របាយការណ៍​រប​ស់​សមត្ថកិច្ច​បាន​រៀបរាប់​ឲ្យ​ដឹងថា ក្រោយពី​ទទួល​ពាក្យបណ្តឹង​ពី​ស្ត្រី​រងគ្រោះ​ខាងលើ លោក ជុំ សែន​សទ្ធា ព្រះរាជអាជ្ញា​អម​សាលាដំបូង​ខេត្ត បាន​ឲ្យ​លោក​តាមដាន និង​ស៊ើបអង្កេត​រកមើល​ជនសង្ស័យ​ម្នាក់នេះ ដែល​បាន​ប្រើ​អំពើហិង្សា​វាយដំ​ទៅលើ​ស្ត្រី​រងគ្រោះ​។ ក្រោយមក​លោក​បាន​ចាត់​កម្លាំង​របស់ខ្លួន​ឲ្យ​តាមដាន​រកមើល​ជនសង្ស័យ ខាងលើ​អស់​រយៈពេល ៣ ទៅ ៤​ថ្ងៃ ហើយ​រូបគេ​ដឹងខ្លួន ក៏បាន​រត់គេច​ពី​កន្លែង​មួយ​ទៅ​កន្លែង​មួយ​ក្នុង​ក្រុងប៉ៃលិន តែ​លោក​បាន​ឲ្យ​ស្ត្រី​រងគ្រោះ​រក​វិធី​លួងលោម​បញ្ឆោត​ថា សុំ​លុយ​ព្យាបាល​របួស គឺ​នាង​អត់​ប្តឹងផ្តល់ ឬ​ខឹង​អ្វី​នឹង​រូបគេ​នោះទេ ដើម្បី​ឲ្យ​បុរស​ជា​ប្តី​ហេងស៊យ​ចេញមុខ ទើប​នាង​នាំ​គេ​ចូលទៅក្នុង​បរិវេណ​មន្ទីរពេទ្យបង្អែក​ខេត្ត ហើយ​ខាង​លោក ក៏​ធ្វើ​ការចាប់​ឃាត់ខ្លួន​បានតែ​ម្តង​។​

 

រម្លឹក​ថា កាលពី​វេលា​ម៉ោង ៩ និង ៣០​នាទី​យប់ ថ្ងៃទី​១៣ តុលា ២០១៣ ស្ថិត​នៅមុខ​ខ្លោងទ្វារ​មន្ទីរពេទ្យបង្អែក​ខេត្ត​ប៉ៃលិន ក្នុងភូមិ​សង្កាត់​ខាងលើ ស្ត្រី​វ័យ​កណ្តាល​ម្នាក់​បាន​រងរបួស​ជាំមុខ ជាំ​មាត់ របួស​ខ្នង ចង្កេះ និង​កន្លែង​ផ្សេងៗ​ទៀត ស្ទើរតែ​សព្វ​សារពាង្គកាយ ដោយសារ​យកប្តី​ហេងស៊យ ដែល​បាន​គ្នា​ត្រឹមតែ​ជាង ៣​ខែ វាយ​ធ្វើបាប​ជា​រៀងរាល់ថ្ងៃ ព្រោះតែ​ភ្លើង​ប្រចណ្ឌ​។​ ​បុរស​ជា​ប្តី​ហេងស៊យ ដែល​ត្រូវ​កងកម្លាំងប្រដាប់អាវុធ​ឃាត់ខ្លួន ឈ្មោះ កែវ សម្ផស្ស ហៅ​ខួច អាយុ ២៩​ឆ្នាំ មាន​ស្រុកកំណើត​រស់នៅ​ភូមិ​ផ្លូវ​សុខ​ហុក សង្កាត់​អូរឫស្សី​មួយ ខណ្ឌ​៧​មករា រាជធានី​ភ្នំពេញ ចំណែក​ស្ត្រី​រងគ្រោះ​ឈ្មោះ ឆេង សុគន្ធា ហៅ​ដាលីន អាយុ ៣៧​ឆ្នាំ មាន​ស្រុកកំណើត​រស់នៅ​ភូមិ​ស្វាយ​តា​ហែ​ន ឃុំ​រកា​គយ ស្រុក​កងមាស ខេត្តកំពង់ចាម បច្ចុប្បន្ន​ទាំងពីរ​នាក់​ស្នាក់នៅ​បណ្តោះអាសន្ន​ក្រោយ​ចំណតរថយន្ត ថ្មី ក្នុងភូមិ​អូរ​តា​ពុក​លើ សង្កាត់​ប៉ៃលិន ក្រុងប៉ៃលិន​។​

??????????

​បច្ចុប្បន្ន ជនសង្ស័យ​កំពុងតែ​ឃុំខ្លួន​បណ្តោះអាសន្ន​នៅ​ទីបញ្ជាការដ្ឋាន​កង​រាជ អាវុធហត្ថ​ខេត្ត ដើម្បី​រៀបចំ​សំណុំរឿង​បញ្ជូនទៅ​អយ្យការ​អម​សាលាដំបូង​ខេត្ត កាត់ទោស​តាម​នីតិវិធី​ច្បាប់​៕

 

Leave a Reply

(*) Required, Your email will not be published