គណបក្ស​សង្គ្រោះ​ជាតិ រៀបចំ​មហា​បាតុកម្មអហិង្សា​នេះ​៣ ថ្ងៃ នៅ​ទីលាន​ប្រជាធិបតេយ្យ​

, , Leave a comment

​រាជធានី​ភ្នំពេញ ៖ គណបក្ស​សង្គ្រោះ​ជាតិ​នៅតែ​ប្រកាន់​គោលជំហរ​ដដែល ដោយ​រៀបចំ​មហា​បាតុកម្មអហិង្សា​ចំនួន ៣ ថ្ងៃ​ជាប់ៗ​គ្នា នៅ​ទីលាន​ប្រជាធិបតេយ្យ ។ កាលពី​ថ្ងៃទី​១៦ ខែតុលាឆ្នាំ​២០១៣ ម្សិលមិញ​នេះ​គណបក្ស​សង្គ្រោះ​ជាតិ បាន​ផ្ញើលិខិត​ជម្រាបជូន​ឯកឧត្តម​អភិបាល នៃ​គណៈ​អភិបាល​រាជធានី​ភ្នំពេញ អំពី​ការជូនដំណឹង​ស្តីពី​ការធ្វើ​មហា​បាតុកម្មអហិង្សា នៅ​ទីលាន​ប្រជាធិបតេយ្យ រាជធានី​ភ្នំពេញ និង​ការ​ដង្ហែ​ក្បួន​បាតុកម្ម​ដោយ​សន្តិវិធី នៅ​ថ្ងៃទី​២៣-២៤-២៥ ខែតុលា ឆ្នាំ​២០១៣ ។​

 

​នៅក្នុង​លិខិត​នោះបាន​បញ្ជាក់ទៀតថា មហា​បាតុកម្មអហិង្សា​នេះ នឹង​ប្រព្រឹត្តទៅ​ចាប់ពី​វេលា​ម៉ោង ៧​ព្រឹក នៅ​ថ្ងៃទី​២៣ ដល់​វេលា​ម៉ោង ៦​ល្ងាច ថ្ងៃទី​២៥ ខែតុលា ឆ្នាំ​២០១៣ នៅ​ទីលាន​ប្រជាធិបតេយ្យ សង្កាត់​វត្តភ្នំ ខណ្ឌដូនពេញ រាជធានី​ភ្នំពេញ ដោយមាន​ការសម្តែង​មតិ​របស់​បាតុករ ការសម្តែង​សិល្បៈ ចម្រៀង និង​ការ​បញ្ចាំង​ខ្សែភាពយន្ត​ឯកសារ ការ​អង្គុយ​ដោយ​ស្ងៀមស្ងាត់ និង​ការ​ដង្ហែ​ក្បួន​យក​ញត្តិ​ទៅ​ប្រគល់ជូន​អង្គការសហប្រជាជាតិ តាមរយៈ​ឧ​ត្ត​ម​ស្នងការ​អង្គការសហប្រជាជាតិ​ទទួលបន្ទុក សិទ្ធិមនុស្ស​ប្រចាំ​នៅ​កម្ពុជា និង​ស្ថានទូត​នានា​ប្រចាំ​ប្រទេស​កម្ពុជា ដូចជា ៖ ស្ថានទូត​បារាំង ជប៉ុន សហរដ្ឋអាមេរិក ចិន ឥណ្ឌូនេស៊ី អង់គ្លេស និង​ស្ថានទូត​អូស្ត្រាលី ៕

cnr

 

Leave a Reply

(*) Required, Your email will not be published