បែងចែក​ផល​ចោរកម្ម មិន​ស្មើគ្នា ត្រូវ​សមត្ថកិច្ច​ក្រសោប​ទាំង​សម្បុក​

, , Leave a comment

​ក្រុង​ប៉ោយប៉ែត ៖ កម្លាំង​សមត្ថកិច្ច​ក្រុង​ប៉ោយប៉ែត បាន​ក្រសោប​ក្រុមចោរ ៣ នាក់ ខណៈដែល​បែងចែក​ផលប្រយោជន៍​មិន​ស្មើគ្នា ។ ហេតុការណ៍​ដ៏​ភ្ញាក់ផ្អើល​មួយ​នេះ​បាន​ផ្ទុះឡើង​កាលពី​ថ្ងៃទី​១៣ ខែតុលា ឆ្នាំ ២០១៣​ក្នុង​វង់​ផឹក​មួយ​នៅ​ភូមិ​ក្បាលស្ពាន​១ សង្កាត់​- ក្រុង​ប៉ោយប៉ែត ខេត្តបន្ទាយមានជ័យ​។ ហើយ​ត្រូវ​សមត្ថកិច្ច​តាម​ចាប់​រហូតដល់​ការឃាត់ខ្លួន​ជនសង្ស័យ​ទាំង​៣​នាក់ នេះ​កាល​ម៉ោង​២​និង​២៤ នាទី​រសៀល​ថ្ងៃទី​១៤ ខែតុលា ឆ្នាំ​២០១៣ នៅ​ភូមិ​មិ​ត្ដ​ភាព សង្កាត់​-​ក្រុង​ប៉ោយប៉ែត ។​

 

​ជនសង្ស័យ​ទាំង​៣​នាក់​នេះ​មាន ទី​១-​ឈ្មោះ ទឹង វាសនា ហៅ​អា​យួន អាយុ​២៩​ឆ្នាំ ជា ជាង​ជួសជុល​ម៉ូតូ នៅ​ភូមិ​ក្បាលស្ពាន​១, ទី​២-​ឈ្មោះ អាន ជប៉ុន អាយុ​២៩​ឆ្នាំ ជា​មេខ្យល់ រស់នៅ​មណ្ឌល​៧ សង្កាត់​-​ក្រុង​ប៉ោយប៉ែត និង​ទី​៣-​ឈ្មោះ ឃុន ឆើត អាយុ​២៣​ឆ្នាំ ជាជាង​ជួសជុល​ម៉ូតូ រស់នៅ​ភូមិ​ក្បាលស្ពាន​១ ។​

 

​ប្រភពពី​សមត្ថកិច្ច​មូល​ដ្ឋា​ន​បាន​ឲ្យ​ថា មុនពេល​ឃាត់ខ្លួន​ជនសង្ស័យ​ឈ្មោះ ទឹង វាសនា ហៅ​អា​យួន មាន​ជម្លោះ ជាមួយ​ឈ្មោះ ឃុន ឆើត ក្នុង​វង់​ផឹកស៊ី​រឿង ប្រាក់​២​ពាន់​បាត ។ ស្រាប់តែ​ពេលនោះ ឈ្មោះ ឃុន ឆើត បាន​វាយ​អា​យួន ប៉ុន្ដែ​ពេលនោះ​ជនរងគ្រោះ​ឈ្មោះ អា​យួន បាន​ប្ដឹង​មក​សមត្ថកិច្ច​ឱ្យជួយ​រក យុត្ដិធម៌ ។ ក្រោយពី​ទទួលបាន​បណ្ដឹង ហើយ​នគរបាល​ក្រុង​ប៉ោយប៉ែត​ក៏បាន កោះហៅ​ជន​ទាំង​៣​នាក់​នោះមក​សួរនាំ ស្រាប់តែ​បែកធ្លាយ​រឿង​លួច​កាច់​សោ​ម៉ូតូ​ទៅវិញ ។​

155

ប្រភព​ខាងលើ​ឱ្យដឹង​ទៀតថា ពេលឆែកឆេរ​ម៉ូតូ​ទឹង វាសនា ហៅ​អា​យួន ក៏ ឃើញ​មាន​ឧបករណ៍​កាច់​សោ​ម៉ូតូ​នៅ ក្រោម​កែប ព្រមទាំង​មាន​ចម្លើយ​សារ ភាព​របស់​ជននេះ​ផងដែរ ។ បន្ទាប់ពី មាន​ចម្លើយសារភាព​ពី​ឈ្មោះ ទឹង វាសនា នគរបាល​ក៏បាន​ស្រាវជ្រាវ​ឃាត់ខ្លួន​ជន សង្ស័យ​ជា​បន្ដបន្ទាប់​រួមទាំង​វត្ថុតាង​មាន គ្រឿងបន្លាស់​ម៉ូតូ​មួយចំនួន​ទៀតផង ។​ ​ក្រោយពី សួរចម្លើយ​រួចហើយ​សមត្ថ កិច្ច​បាន​បំពេញ​សំណុំបែបបទ​ជនសង្ស័យ ទាំង​៣​នាក់​បញ្ជូន​ទៅកាន់​ស្នងការដ្ឋាន នគរបាល​ខេត្ដ​បន្ទាយមានជ័យ​ដើម្បី ដោះស្រាយ​តាមផ្លូវ​ច្បាប់ ៕

 

Leave a Reply

(*) Required, Your email will not be published