ក្លែងភេទ ឆក់​កាបូប ត្រូវ​សមត្ថកិច្ច​នគរបាល​ប៉ុស្ដិ៍​វត្ដ​ភ្នំ ខណ្ឌដូនពេញ ឃាត់ខ្លួន​ជាប់​

, , Leave a comment

​រាជធានី​ភ្នំពេញ  ៖ ជនសង្ស័យ​ក្លែងភេទ​ពីរ​នាក់ ត្រូវ​សមត្ថកិច្ច​នគរបាល​ប៉ុស្ដិ៍​វត្ដ​ភ្នំ ខណ្ឌដូនពេញ ឃាត់ខ្លួន ក្រោយពី​ពួកគេ បានធ្វើ​សកម្ម ភាព​លួច​កាបូប របស់​បុរស​ជនជាតិ​ចិន កាលពី​វេលា​ម៉ោង​១២​និង​១០​នាទី​យប់​រំលង អា​ធ្រា​ត្រ​ឈានចូល​ថ្ងៃទី​១៥ ខែតុលា ឆ្នាំ ២០១៣ ស្ថិតនៅ​ខាងជើង​សាកលវិទ្យាល័យ ជាតិ​គ្រប់គ្រង ផ្លូវ​លេខ​៩៦ ភូមិ​ទី​១ សង្កាត់ វត្ដ​ភ្នំ ខណ្ឌដូនពេញ ។​

 

​ប្រភពពី​មន្ដ្រីនគរបាល​មូលដ្ឋាន​បានឱ្យដឹងថា ជនសង្ស័យ​ទី​១ ឈ្មោះ​សេង តុលា អាយុ​២៤ ឆ្នាំ មុខរបរ​មិន​ពិតប្រាកដ ស្នាក់នៅ​ផ្ទះជួល សង្កាត់​ទួល​សង្កែ ខណ្ឌឫស្សីកែវ ទី​២ ឈ្មោះ ហៃ ណែ​ត អាយុ​២៦​ឆ្នាំ មុខរបរ​មិន​ពិតប្រាកដ ស្នាក់នៅ​ភូមិ​ឃ្លាំង សាំង សង្កាត់​ឫស្សីកែវ ខណ្ឌឫស្សីកែវ ។ ដោយឡែក​ជនរងគ្រោះ ឈ្មោះ​ស៊ូ​ដុង​យូ ភេទ​ប្រុស អាយុ​៤៥​ឆ្នាំ ជនជាតិ​ចិន មានមុខ​របរ ជា​អ្នកគ្រប់គ្រង​នៅ​រោងចក្រ​ហ៊ូ​យី ស្នាក់នៅ​ផ្ទះជួល ផ្លូវ​លេខ​៩០៧ សង្កាត់​ទួល សង្កែ ខណ្ឌឫស្សីកែវ ។​

 

​ប្រភព​ដដែល​បាន​បន្ដថា មុន ពេល​កើតហេតុ នៅវេលា​ម៉ោង​១០​យប់​ថ្ងៃ ទី​១៤ ខែតុលា ជនរងគ្រោះ​និង​មិ​ត្ដ​ភក្ដិ ជិះ ម៉ូតូ​មួយគ្រឿង ម៉ាក ប្រេ​ស ពណ៌​ក្រហម ពាក់​ស្លាក​លេខ ភ្នំពេញ 1D-8169 តាម ផ្លូវ​ព្រះមុនីវង្ស លុះដល់​ចំណុចកើតហេតុ ក៏ ឈប់​ម៉ូតូ ស្រាប់តែ​លេចមុខ​ជនសង្ស័យ​៣​នាក់ ដើរ មក​ក្បែរ​ធ្វើ​សកម្មភាព​ឆក់យក​កាបូប​លុយ ក្នុង​ហោប៉ៅ​ខាងឆ្វេង របស់​ជនរងគ្រោះ រួច​រត់គេចខ្លួន ។ ភ្លាមៗ​នោះ​ជនរងគ្រោះ បាន​ស្រែក​ឆោឡោ  រួច​កម្លាំង​នគរបាល​ប៉ុស្ដិ៍​វត្ដ​ភ្នំ បាន​ចុះទៅ​ជួយ​អន្ដរាគមន៍ ភ្លាមៗ​តាមរយៈ ការឃាត់ខ្លួន​ជនសង្ស័យ ខណៈដែល​ជនសង្ស័យ​ម្នាក់ទៀត យក​កាបូប​លុយ របស់​ជនរងគ្រោះ គេចខ្លួន ដោយ​សុវត្ថិភាព ដោយ​ក្នុង​កាបូប​នោះ មាន​លុយ​២០០​ដុល្លារ និង​លុយ​ខ្មែរ ២​ម៉ឺន​រៀល ។​

kteuy

​បច្ចុប្បន្ន​ជនសង្ស័យ​ទាំងពីរ ត្រូវបាន​ឃុំ ខ្លួន​ជា​បណ្ដោះអាសន្ន  នៅ​អធិការដ្ឋាន​នគរ បាល​ខណ្ឌដូនពេញ ៕

 

Leave a Reply

(*) Required, Your email will not be published