ជិត​ដល់​ថ្ងៃ​ការ រត់តាម​សង្សា​បាត់ ទុក​តែ​ក្តី​អាម៉ាស​ប្រគល់​ឲ្យ​ឪពុកម្តាយ បងប្អូន​

, , Leave a comment

​រាជធានី​ភ្នំពេញ ៖ នៅសល់តែ​៣​ថ្ងៃ​ទៀត​ប៉ុណ្ណោះ​ចូល​រោងការ ស្រាប់តែ កម្មការិនី​កាត់ដេរ​ដ៏​ស្រស់​សោភា​បាន​វេច​បង្វេច​រត់តាម​សង្សារ​បាត់ បន្សល់​ក្តី​អាម៉ាស ធ្វើឱ្យ​ឪពុកម្តាយ បងប្អូនដែលជា​អ្នក​ផ្តួចផ្តើម​រៀប​មង្គលការ​បាក់មុខ បាត់បង់​កិត្តិយស អាច​ត្រូវ​សង​បណ្តា​ការ​ទៀតផង ។ បុរស​ជា​បងប្រុស ដែល​មក​ដាក់ពាក្យ​បណ្ដឹង​នៅ​សមត្ថកិច្ច​ត្រូវបាន​គេ​ស្គាល់ឈ្មោះ ឈូក ធា អាយុ​២៥​ឆ្នាំ មាន​ទី លំនៅ ផ្ទះជួល ក្រុម​១៣ ភូមិ​ទួល​សង្កែ សង្កាត់​ទួល​សង្កែ ខណ្ឌឫស្សីកែវ ហើយ​ការ​មក​ដាក់ពាក្យ​បណ្ដឹង​នេះ​បានធ្វើ​ឡើង កាលពី​ព្រឹក​ថ្ងៃទី​១៥ ខែតុលា ឆ្នាំ​២០១៣ ។​

 

​តាម​ពាក្យបណ្តឹង​ដែល​បានប្រគល់​ឲ្យ​សមត្ថកិច្ច​បង្ហាញថា កូនក្រមុំ​នេះ​ឈ្មោះ ឈូក ម៉ាលី​ស ហៅ​សា​រិ​ស្រី អាយុ​១៧​ឆ្នាំ ជា​កម្មការិនី​កាត់ដេរ​រោងចក្រ មាន​ទីលំនៅ​ផ្ទះជួល​ក្បែរ​រោងចក្រ ស្ថិតក្នុង​ភូមិ​ទួល​សង្កែ សង្កាត់​ទួល​សង្កែ ខណ្ឌ​ប្ញ​ស្សី​កែវ មាន​ស្រុកកំណើត​នៅ​ស្រុក​កំពង់ត្រាច ខេត្តកំពត ។​

155

​ប្រភព​ខាងលើ​បាន ឱ្យដឹងទៀតថា នារី​ខាងលើ​នឹង​ចូល​រោងការ​នៅ​ថ្ងៃទី​១៧ ខែតុលា ឆ្នាំ​២០១៣​ខាងមុខនេះ ប៉ុន្ដែ នាង​ត្រូវបាន​បាត់​ពី​ផ្ទះជួល​នៅ​រាជធានី​ភ្នំពេញ ធ្វើ​ឱ្យគេ​សង្ស័យថា នាង​ទៅ​ជាមួយនឹង​មនុស្ស​ប្រុស​ដែល​ខ្លួន​ស្រឡាញ់ ។ ជុំវិញ​រឿងរ៉ាវ ខាងលើនេះ សមត្ថកិច្ច​នគរបាល​មូលដ្ឋាន​ប៉ុស្ដិ៍​ទួល​សង្កែ​ហាក់​មានការ​លាក់លៀម ព័ត៌មាន​ដោយ​ខ្លាច​អ្នកសារព័ត៌មាន​ដឹង​រឿងរ៉ាវ​ទាំងនេះ ៕

 

Leave a Reply

(*) Required, Your email will not be published