ឃាត់​បុរស​ខ្លាំង​ទាំង ៣ ករណី​បំពុល​ឆ្កែ​ប្លន់​យក​ទ្រព្យ​

, , Leave a comment

​ខេត្តពោធិ៍សាត់ ៖ ជនសង្ស័យ ៣ នាក់​ត្រូវបាន​ប្រជាពលរដ្ឋ​ធ្វើការ​ព័ទ្ធចាប់ ខណៈដែល​ពួកគេ​ធ្វើ​សកម្មភាព​បំពុល​ឆ្កែ​ច​បំណង​លួច​ទ្រព្យសម្បត្តិ ។ ហេតុការណ៍​នេះ​កើតឡើង​កាលពី​វេលាយប់​ថ្ងៃទី​១៤ តុលា ២០១៣ ស្ថិតក្នុង​ឃុំ​តា​លោ ស្រុក​បាកាន ខេត្តពោធិ៍សាត់​។​

 

​តាម​ប្រភពពី​សមត្ថកិច្ច​មូលដ្ឋាន​បាន​ឲ្យ​ដឹងថា ក្រុម​ជនសង្ស័យ​ទាំងនោះ​រួមមាន​១-​ឈ្មោះ​ស៊ឹម ប៉ិច មាន​ទីលំនៅ​ក្នុងភូមិ​គោក សង្កាត់​ផ្ទះ​ព្រៃ ក្រុង​ពោធិ៍សាត់ ២-​ឈ្មោះ​ប៊ុន ណាន ភេទ​ប្រុស អាយុ​៣៥​ឆ្នាំ និង​៣-​ឈ្មោះ​ងួន ស្រុង អាយុ​៣០​ឆ្នាំ ទាំង​២​នាក់ មាន​ទីលំនៅ​ក្នុងភូមិ​ដំរី​ស ឃុំ​កោះ​ជុំ ស្រុក​កណ្តៀង ។ ជនសង្ស័យ​ទាំង​៣​នាក់​នេះ​បានធ្វើ​សកម្មភាព​បំពុល​ឆ្កែ​ងាប់​អស់​ចំនួន ៤ ក្បាល នៅ​ឃុំ​តា​លោ ស្រុក​បាកាន  ក្នុងនោះ​៣ ក្បាល​នៅក្នុង​ថ្មី របស់​ម្ចាស់ផ្ទះ​ឈ្មោះ​គុន អុល ភេទ​ប្រុស អាយុ​៤០​ឆ្នាំ ។​

 

​ប្រភពពី​ម្ចាស់ផ្ទះ​បាន​ឲ្យ​ដឹងថា ក្រោយពី​ម្ចាស់ផ្ទះ​បាន​លង់លក់ ជនសង្ស័យ​ទាំង ៣ នាក់​បានធ្វើ​សកម្មភាព​បំពុល​ឆ្កែ​នេះ ប៉ុនប៉ង​លួច​ម៉ូតូ គោក្របី​របស់​ប្រជាពលរដ្ឋ ប៉ុន្តែ​ដោយសារ​ប្រជាពលរដ្ឋ​ភ្ញាក់​ទាន់ ក៏បាន​រាយការណ៍​ប្រាប់​សមត្ថកិច្ច​ឱ្យ​ចាប់ខ្លួន​តែម្តង​។​

15

​បច្ចុប្បន្ន​សមត្ថកិច្ច​កំពុង​សាកសួរ និង​កសាង​សំណុំរឿង ដើម្បី​ចាត់ការ​ទៅតាម​ផ្លូវច្បាប់​៕

 

Leave a Reply

(*) Required, Your email will not be published