បាញ់បោះ​សេរី​កណ្តាល​ក្រុង មិន​រំខាន​ដល់​សមត្ថកិច្ច​សោះ​

, , Leave a comment

​រាជធានី​ភ្នំពេញ ៖ ស្នូរ​កាំភ្លើង​ជាច្រើន​ទាំង​កណ្តាលរាត្រី បានធ្វើ​ឲ្យ​មានការ​ភ្ញាក់ផ្អើល​ដល់​ប្រជាពលរដ្ឋ ខណៈដែល​យុវជន​ម្នាក់​បាន​ដេក​ដួល​ក្នុង​ថ្លុកឈាម ។ ហេតុ​ការ​ទាស់សម្តី ហើយឈានដល់​ការបាញ់បោះ​សេរី​នេះ បានកើត​ឡើង​កាល កាលពី​វេលា​ម៉ោង​១២ និង​៣០​នាទី​រំលង អធ្រាត្រ​ឈានចូល​ថ្ងៃទី​១៥ តុលា ២០១៣ ស្ថិតនៅ​ចំណុច​ភ្លើងស្តុប​មន្ទីរពេទ្យ​អង្គឌួង កែង​មហាវិថី​ព្រះ​នរោត្តម ក្នុង​សង្កាត់​ផ្សារ​ថ្មី​១ ខណ្ឌដូនពេញ ។​

 

​ជនរងគ្រោះ​ដែល​ត្រូវ​ខ្មាន់កាំភ្លើង​បាញ់​មានឈ្មោះ សៅ វិចិត្រ ភេទ​ប្រុស អាយុ​១៨​ឆ្នាំ ជា​កម្មករ​ហាង​នំប៉័ង​សែន​សុខ​៩៩៩ មាន​ទីលំនៅ​ផ្ទះជួល​ក្នុងភូមិ​រោងចក្រ សង្កាត់​ភ្នំពេញ ខណ្ឌ​សែន​សុខ ដោយ​ត្រូវ​ខ្មាន់កាំភ្លើង​បាញ់​ឲ្យ​របួស​ត្រង់​ពោះ​ផ្នែក​ខាងស្តាំ​ធ្លា​យមក​ខ្នង​ខាងឆ្វេង ។

2 krab

​ប្រភពពី​កន្លែងកើតហេតុ​បង្ហាញថា ក្រោយពេល​កើតហេតុ​សមត្ថកិច្ច​បាន​ចុះ​ទៅដល់​កន្លែងកើតហេតុ រកឃើញ​តែ រកឃើញ​សម្បក​គ្រាប់​ប្រភេទ​កា​៥៤ ចំនួន​៣ ។ ចំពោះ​ខ្មាន់កាំភ្លើង​បានគេច​ខ្លួន​ដោយ​សុវត្ថិភាព ពុំ​រំខាន​សមត្ថកិច្ច​ទេ ។ ចំណែក​ជនរងគ្រោះ​ត្រូវបាន​មិត្តភក្តិ​ដឹក​តាម​ម៉ូតូ​មកកាន់​មន្ទីរពេទ្យ កាល់ម៉ែត ដើម្បី​សង្គ្រោះ​ជីវិត ។​ ​តាម​ការសន្និដ្ឋាន​រប​ស់​សមត្ថកិច្ច​បានបញ្ជាក់​ថា មូលហេតុ​ឈានដល់​ការផ្ទុះអាវុធ​នេះ មិនមែន​ករណី​ប្លន់​នោះទេ គឺ​ផ្តើមចេញពី​ជិះ​ម៉ូតូ​ប្រជែង​គ្នា និង​ទំនាស់​ពាក្យសម្តី​តែប៉ុណ្ណោះ​៕

 

Leave a Reply

(*) Required, Your email will not be published