សេចក្តីជូនដំណឹង​ក្រសួង​ធនធានទឹក​និង​ឧតុនិយម ស្តីពី​ស្ថានភាព​អាកាសធាតុ​ដោយសារ​ឥទ្ធិ​ព្យុះ​ណា​រី​

, , Leave a comment

​រាជធានី​ភ្នំពេញ​ ៖ យោងតាម​សេចក្តីជូនដំណឹង​របស់​ក្រសួង​ធនធានទឹក​និង​ឧតុនិយម ដែល​ប្រកាស​ឲ្យ​ដឹង​នៅ​ព្រឹក​ថ្ងៃទី​១៤ តុលា ២០១៣​នេះ​បាន​ឲ្យ​ដឹងថា ចាប់ពី​ថ្ងៃទី​១៦​ដល់​ថ្ងៃទី​១៨តុលា ២០១៣ ខេត្ត​ចំនួន​១៣ នឹងមាន​ភ្លៀង​ធ្លាក់​ពី​មធ្យម​ទៅ​បង្គួរ​ក្នុងនោះ​រួមមាន​ខេត្ត ព្រះវិហារ មណ្ឌលគិរី រតនគិរី ស្ទឹងត្រែង ក្រចេះ កំពង​ចាម កំពង់ធំ ព្រៃវែង ស្វាយរៀង កោះកុង កែប កំពត និង ខេត្ត​ព្រះសីហនុ ហើយ​រលក​សមុទ្រ​នឹងមាន​កម្ពស់​ពី​០១​ម៉ែត្រ​ទៅ​០២​ម៉ែត្រ ។​

 

​មូលហេតុ​បង្ក​ឲ្យ​មាន​ភ្លៀង​ធ្លាក់​នៅតាម​ខេត្ត​ទាំង​១៣​ខាងលើ ដោយសារ​ឥ​ទ្ឋិ​ពល​ព្យុះ ណា​រិ ដែល​នឹងធ្វើ​ដំណើរ​មកដល់​ឆ្នេរ​សុ​ទ្រ​ប្រទេស​វៀតណាម​ភាគ​កណ្តាល​នៅ​ថ្ងៃទី​១៦ តុលា ២០១៣​ខាងមុខ ។ សេចក្តីជូនដំណឹង​ដដែល​ក៏បាន​បញ្ជាក់ទៀតថា ឥ​ទ្ឋិ​ពល​ព្យុះ ណា​រិ ក៏​នឹងធ្វើ​ឲ្យ​ទឹកទន្លេ​មេគង្គ​ហក់​ឡើងវិញ​បន្តិច​ដែរ ។​

untitled-2(5)

​ជាមួយគ្នានេះ​ក្រសួង​ធនធានទឹក​និង​ឧតុនិយម​ក៏បាន​អំពាវនាវ​ឲ្យ​ប្រជា​នេសាទ​និង​អ្នកធ្វើដំណើរ​តាម​សមុទ្រ បង្កើន​ការយកចិត្តទុកដាក់​ប្រុ​ង្រ​យ័​ត្ន ដើម្បី​ចៀសវាង​នូវ​គ្រោះថ្នាក់​ផ្សេងៗ ដែល​អាច​កើតមានឡើង​ជាយថាហេតុ ៕​

 

Leave a Reply

(*) Required, Your email will not be published