ស្ត្រី​វ័យក្មេង លោតទឹក​សម្លាប់ខ្លួន ដើម្បី​បញ្ចប់​បញ្ហា​

, , Leave a comment

​រាជធានី​ភ្នំពេញ ៖ ស្ត្រី​ម្នាក់​បានសម្រេច​ចិត្ត​បញ្ចប់ជីវិត​របស់ខ្លួន ដោយ​ការ​លោតទឹក​សម្លាប់ខ្លួន​នៅ​ស្ពាន​មិត្តភាព​កម្ពុជា​-​ជប៉ុន ជ្រោយចង្វា តែ​មិនបាន​សម្រេច ។ ហេតុការណ៍​ភ្ញាក់ផ្អើល​មួយ​នេះ​បាន​កើតឡើង​កាលពី ម៉ោង ៧ យប់​ថ្ងៃទី​១៣ ខែតុលា ឆ្នាំ ២០១៣ ។​

 

​ស្ត្រី​ដែលមាន​បំណង​សម្លាប់ខ្លួន​ខាងលើ មានឈ្មោះ ហឿង សុខ​គីម អាយុ​១៨​ឆ្នាំ មានកូន​ក្នុង​ផ្ទៃ​២​ខែ​ហើយ​ជា​កូនភ្លោះ​ទៀត មាន​ស្រុកកំណើត​នៅ​ភូមិ​ក្រាំង​ល្វា ឃុំ​ក្រាំង​ល្វា ស្រុក​សាមគ្គី​មានជ័យ ខេត្តកំពង់ឆ្នាំង មក​ស្នាក់នៅ​ជាមួយ​ប្តី​(​ឥត​ខាន់ស្លា​) រស់នៅ​ភូមិ​ផ្អាវ ឃុំ​ផ្អាវ ស្រុក​បាធាយ ខេត្តកំពង់ចាម ។ ចំណែក​ប្តី​ឈ្មោះ ស្រី សីហា អាយុ ២០ ឆ្នាំ ជា​យោធា​នៅ​កង​កងពល​វិស្វកម្ម ៧១៤ ។​

 

​តាម​ការរៀប​រាប់រប​ស់​ស្ត្រី​រូបនេះ បាន​បង្ហាញថា មូលហេតុ​ដែល​នាង​ប៉ង​ធ្វើអត្តឃាត​ដោយសារ​ម្តាយបង្កើត​កាត់កាល ហើយ​គួបផ្សំ​នឹង​ម្តាយក្មេក និង​ប្តី​ដេញ​ចេញពីផ្ទះ​និង​បង្ខំ​ឲ្យ​យក​កូន​ចេញ​នោះ​ថែមទៀត ។​ ​ស្ត្រី​ខាងលើ​បាន​បន្តថា នាង​បាន​ចេញពីផ្ទះ​ប្តី​នៅ​ស្រុក​បាធាយ​តាំងពី​ថ្ងៃទី​១១ ខែតុលា ឆ្នាំ ២០១៣ ដោ​យមក​ជួល​ស្នាក់នៅ​ផ្ទះសំណាក់​មួយ​ក្នុង​ខណ្ឌទួលគោក  ។

5

​លុះ​មកដល់​រសៀល​ថ្ងៃទី​១៣ តុលា ក៏បាន​ដើរមក​អង្គុយ​លើ​ស្ពាន​ជ្រោយចង្វារ និង​ដើរ​ចុះ​ដើរ​ឡើង​ប៉ង​លោតទឹក​សម្លាប់ខ្លួន ទើប​សមត្ថកិច្ច​សង្ស័យ​ក៏​ហៅ​សួរនាំ​និង​បាន​លួងលោម​ណែនាំ​។បច្ចុប្បន្ន​សមត្ថកិច្ច​កំពុង​ទាក់ទង​ក្រុមគ្រួសារ​និង​ប្តី ដើម្បី​យក​ស្ត្រី​រូបនេះ​ត្រឡប់​ទៅ​លំនៅដ្ឋាន​វិញ ៕

 

Leave a Reply

(*) Required, Your email will not be published