របួសធ្ងន់​ម្នាក់ និង​ស្រាល​ពីរ​នាក់ ខណៈដែល​រថយន្ត​យ៉ាន់​ដាយ​ដឹក​ម្នាងសិលា បុក​រថយន្ត​ព្រូស ហើយ​បុក​ម៉ូតូ​ទៀត​

, , Leave a comment

​រាជធានី​ភ្នំពេញ ៖ បុរស​ម្នាក់​រងរបួស​ធ្ងន់ និង​មនុស្ស​ប្រុស​ស្រី ពីរ​នាក់​ទៀត រងរបួស​ស្រាល ខណៈដែល​រថយន្ត​ហ៊ីយ៉ាន់ដាយ​ដឹក​ម្នាងសិលា មួយ​គ្រឿង បើក​បុក​គូទ​រថយន្ត​ព្រូសហើយ​ព្យាយាម​បើក​រត់ ក៏​ជ្រុល​ទៅបុក​ម៉ូតូ​ឌ្រី​ម​មួយគ្រឿង​ទៀត ។ ហេតុការណ៍​គ្រោះថ្នាក់​ចរាចរណ៍​នេះបាន​កើត​ឡើ​ង​​កាលពី​វេលា​ម៉ោង ៦ និង ៥០​នាទី ល្ងាច​ថ្ងៃទី​១០ តុលា ២០១៣ នៅតាម​បណ្តោយ​មហាវិថី​សហព័ន្ធរុស្ស៊ី កែង​ផ្លូវ​៥៥៥ ស្ថិតក្នុង​ឃុំ​ស្លែង​រលើង សង្កាត់​ទឹកថ្លា ខណ្ឌ​សែន​សុខ​។​

bbb (1)

​តាម​ប្រភពព័ត៌មាន​នៅ​កន្លែងកើតហេតុ​បាន​ឲ្យ​ដឹងថា មុនពេល​កើតហេតុ រថយន្ត​ហ៊ីយ៉ាន់ដាយ​ដឹក​ម្នាងសិលា ពណ៌​ក្រហម ១​គ្រឿង  របស់​ក្រុមហ៊ុន​ឯកជន រស្មី​ម្នាងសិលា ខូ​អិ​ល​ធី​ឌី ពាក់​ស្លាក​លេខ ភ្នំពេញ 3P-4904 ធ្វើដំណើរ​តាមផ្លូវ​សហព័ន្ធរុស្ស៊ី ក្នុងទិសដៅ​ពី​លិចទៅ​កើត ខណៈ​មកដល់​កែង​ផ្លូវ​៥៥៥ ស្រាប់តែ​ជ្រុល​ចង្កូត​ទៅបុក​គូទ​រថយន្ត​ព្រូស ពណ៌​ស ១​គ្រឿង ពាក់​ស្លាក​លេខ ភ្នំពេញ 2X-3348 ជិះ​ដោយ ២​នាក់ ប្តី​ប្រពន្ធ បណ្តាល​ឲ្យ​ខូចខាត​ផ្នែក​ខាងក្រោយ​។ បន្ទាប់ពី​បង្កហេតុ​ហើយ​រថយន្ត​ហ៊ីយ៉ាន់ដាយ​ខាង លើ បាន​ព្យាយាម​បើក​រត់ ក៏​ជ្រ​ល​ទៅបុក​ម៉ូតូ​ឌ្រី​ម​C125 ពណ៌​ខ្មៅ ១​គ្រឿង​ទៀត ពាក់​ស្លាក​លេខ តាកែវ 1D-1207 ដែល​បើក​បញ្ច្រាសទិស​គ្នា បណ្តាល​ឲ្យ​បុរស​ម្នាក់​រងរបួស​ធ្ងន់ និង​ប្រុស​ស្រី ២​នាក់ រងរបួស​ស្រាល​។​

bbb (3)

​ក្រោយ​កើតហេតុ សមត្ថកិច្ច​កងរាជអាវុធហត្ថ និង​ប៉ូលិស​ចរាចរណ៍ បាន​តាម​ឃាត់​បាន​ទាំង​រថយន្ត និង​អ្នកបើកបរ​ម្នាក់ រួមទាំង​ព្រូ​ម្នាក់ នាំខ្លួន​យកទៅ​ដោះស្រាយ​តាមផ្លូវ​ច្បាប់​។ ដោយឡែក តៃកុង​ឡាន និង​ព្រូឡាន បាន​ចោទប្រកាន់​សមត្ថកិច្ច​ថា បាន​វាយដំ​ពួកគាត់​ឡើង​ទ្រោម​ខ្លួន នៅពេល​តាម​ចាប់​ពួកគាត់​បាន ហើយ​ពួកគាត់​នឹងដាក់​ពាក្យបណ្តឹង​ប្តឹង​សមត្ថកិច្ច​ក្នុងករណីនេះ ផងដែរ​៕

  bbb (2)

 

Leave a Reply

(*) Required, Your email will not be published