ឌុប​ប្រពន្ធ កូន​ដើរ​កម្សាន្ត ត្រូវ​ម៉ូតូ​ធំ​បុក រងរបួស​ធ្ងន់ និង​ស្រាល​

, , Leave a comment

​ខេត្ត​ព្រះសីហនុ ៖ យ៉ាងហោចណាស់​មនុស្ស​ចំនួន ៣ នាក់ រងរបួស​ធ្ងន់ និង​ស្រាល ខណៈដែល​ជិះ​ម៉ូតូ​កម្សាន្ត​តាម​ដងផ្លូវ ក៏ត្រូវ​ម៉ូតូ​ធំ​បុក ។ ហេតុការណ៍​គ្រោះថ្នាក់​ចរាចរណ៍ ​បាន​កើតឡើង​កាលពី​វេលា​ម៉ោង ៨ និង ១៥ នាទី យប់​ថ្ងៃទី​១០ តុលា ២០១៣ នៅ​ចំណុច​មុខ​ហាង​យូ​តូ​ភៀ ស្ថិតក្នុង​សង្កាត់​លេខ​៤ ក្រុងព្រះសីហនុ ខេត្ត​ព្រះសីហនុ ។​

 3 nak (1)

​តាម​ប្រភពពី​សាក្សី​ឃើញ​ហេតុការណ៍​បាន​ឲ្យ​ដឹងថា នៅមុន​កើតហេតុ​គេ​បានឃើញ​ម៉ូតូ​មួយគ្រឿង​ម៉ាកវ៉េវ ពណ៌​ក្រហម ពាក់​ស្លាក​លេខ ព្រះសីហនុ 1C-3047 ​មានឈ្មោះ GAFAROV ALEYANWDER ភេទ​ប្រុស អាយុ ៣៨​ឆ្នាំ ជា​ជនជាតិ​រ៉ុ​ស្ស៊ី បច្ចុប្បន្ន​ស្នាក់នៅ​ផ្ទះជួល ភូមិ​២ សង្កាត់​លេខ​៤ ក្រុងព្រះសីហនុ ។​ចំណែក​ជនរងគ្រោះ​៣​នាក់ ប្តី​ប្រពន្ធ និង​កូន បណ្តាល​ឲ្យ​ស្ត្រី​ជា​ប្រព​ន្ឋ​ឈ្មោះ ញ៉ែម សោ​ភ័​ណ្ឌ អាយុ ៣១​ឆ្នាំ រងរបួស​ធ្ងន់ ឯ​កូនប្រុស​ឈ្មោះ សួន ចិ​ត្រា ភេទ​ប្រុស អាយុ ៥​ឆ្នាំ រងរបួស​ស្រាល និង​ប្តី​ឈ្មោះ សួន រុន អាយុ ៣០​ឆ្នាំ រងរបួស​បន្តិចបន្តួច អ្នក​ទាំង​៣ រស់នៅ​ក្រុមទី​១២ ភូមិ​៣ សង្កាត់​លេខ​២ ក្រុងព្រះសីហនុ​។​

3 nak (2)

​បច្ចុប្បន្ន ជនរងគ្រោះ​កំពុង​សម្រាក​ព្យាបាល​នៅ​គ្លីនិក​ឯកជន ចំណែក​ម៉ូតូ​ទាំង ២​គ្រឿង ត្រូវ​សមត្ថកិច្ច​យកទៅ​រក្សាទុក​នៅ​ការិយាល័យ​ចរាចរណ៍​ជើងគោក ខេត្ត ដើម្បី​ធ្វើការ​ដោះស្រាយ​តាមផ្លូវ​ច្បាប់​៕

 

Leave a Reply

(*) Required, Your email will not be published