ចេញពី​សវន​ការ ទប់​កំហឹង​មិនបាន វាយ​អតីត​ប្តី​បែកក្បាល សមត្ថកិច្ច​ឃាត់ខ្លួន​

, , Leave a comment

​ខេត្តពោធិ៍សាត់ ៖ ស្ត្រី​ម្នាក់​ដោយមាន​កំហឹង​នឹង​ប្តី បាន​សហការ​ជាមួយ​ប្អូនស្រី​របស់ខ្លួន ដោយ​ព្រួត​វាយ​អតីត​ប្តី ខណៈពេល​ចេញពី​បន្ទប់​សវនាការ​បណ្តាល​ឲ្យ​បែកក្បាល​ហូរឈាម​រហាម ។ហេតុការណ៍​ផ្ទុះ​ហិង្សា​នេះ កើតឡើង​កាលពី​វេលា​ម៉ោង ១០ ព្រឹក ថ្ងៃទី​១០ តុលា ២០១៣ នៅក្នុង​បរិវេណ​តុលាការខេត្ត​ពោធិ៍សាត់ ។​

022 

​ស្ត្រី​ពីរ​នាក់​ដែល​ត្រូវ​ព្រះរាជអាជ្ញា​អម​សាលាដំបូង​ខេត្ត​បញ្ជា​ឱ្យ​ចាប់​ឃាត់ខ្លួន​មានឈ្មោះ​ស៊ុន សុគ​ន្ធី អាយុ ៣២ ឆ្នាំ​ជា​ប្អូន និង​ម្នាក់ទៀត​ឈ្មោះ​ស៊ុន សុគន្ធា អាយុ​៣៦​ឆ្នាំ ជា​បង​។ ចំណែក​បុរសរងគ្រោះ​ឈ្មោះ ខៀវ គឹម​លី អាយុ​៣៩​ឆ្នាំ ជា​ប្តី​របស់​នាង ស៊ុន សុគ​ន្ធី ។ អ្នក​ទាំង​៣ រស់នៅ​ភូមិ​កណ្តោល ឃុំ​ក្បាល​ត្រាច ស្រុក​ក្រគរ ខេត្តពោធិ៍សាត់​។​

022 (1)

​ប្រភពពី​មន្ត្រីនគរបាល​បានឱ្យដឹង​ទៀតថា ស្ត្រី​ឈ្មោះ ស៊ុន សុគ​ន្ធី និង​បុរស​ឈ្មោះ ខៀវ គឹម​លី មានទំនាស់​លែងលះគ្នា ។ កាល​ពីស​ប្តា​ប៍​មុន​បាន​ចូល​សវនាការ​ម្តង​ហើយ តែ​មិនទាន់​សម្រេច ដោយ​ពេលនោះ​ប្រពន្ធ​បាន​យក​ស្បែកជើងកែងចោត​វាយ​ក្បាល​ប្តី​ម្តង​រួចមក ហើយ​លុះ​នៅ​ថ្ងៃទី​១០ តុលា នេះ​តុលាការ​បានកំណត់​ឱ្យចូល​សវនាការ​ម្តងទៀត​។ បន្ទាប់ពី​សវនាការ​បា​ន​បញ្ចប់​តាម​នីតិវិធី​រួច​ចេញមកក្រៅ​បន្ទប់​សវ​នា ការ​ស្រាប់តែ​ស្ត្រី​ជា​ប្រពន្ធ និង​បងស្រី​ព្រួត​គ្នា​ចាប់​ក្របួច​ក​.​អាវ​យក​ដុំថ្ម​គប់​ក្បាល​ប្តី​បែក ឈាម​រត់​ពេញ​បរិវេណ​តុលាការ​។​

 

​ក្រោយ​កើតហេតុ​ជនរងគ្រោះ​ដែលជា​អតីត​ប្តី​ត្រូវ​បញ្ជូនទៅ​ព្យាបាល​នៅ​មន្ទីរពេទ្យ រីឯ​ស្ត្រី​ដៃដល់​ទាំង ​២ ​នាក់​ត្រូវ​សមត្ថកិច្ច​កសាង​សំណុំរឿង​បញ្ជូនទៅ​តុលាការ​ដើម្បី​ចាត់ការ​តាមផ្លូវ​ច្បាប់​ថែមទៀត ៕​

 

Leave a Reply

(*) Required, Your email will not be published